Намояндагони Тоҷикистон дар Ҷумҳурии Халқии Хитой аз Донишгоҳи касбии Линий боздид намуда, бо фаъолияти парки технологӣ, раванди баргузории дарсҳо, маҳсулоти ин муассиса аз қабили дрон, робот, қуватдеҳ (зарядник), дигар маҳсулоте, ки дар инҷо истеҳсол карда мешаванд ва умуман тадбиқи илм дар истеҳсолот, аз наздик шинос шуданд.

Дар доираи боздид миёни роҳбарияти Донишгоҳи давлатии омӯзгории Тоҷикистон ба номи Садриддин Айнӣ ва Донишгоҳи касбии Линий мулоқоти судманд сурат гирифт.

Дар доираи ҳамкориҳои дуҷониба намояндагони Ҷумҳурии Тоҷикистон дар Ҷумҳурии Мардумии Чин ба Донишкадаи иқтисод ва савдои Созмони Ҳамкории Шанхай ташриф оварда, аз ин муассисаи илмии СҲШ дидан намуданд.

Зимни боздид аз ҷумла, иттилоъ дода шуд, ки Донишкадаи иқтисод ва савдои Созмони Ҳамкории Шанхай дар шаҳри Чиндао 22 январи соли 2022 мавриди ифтитоҳ қарор дода шуда, дорои иқтидори бузурги илмӣ ва яке аз муҳимтарин муассисаҳои илмии Созмони Ҳамкории Шанхай маҳсуб меёбад.

Дар кишвари азизи мо ҳамасола рӯзи 16-уми ноябр яке аз санаҳои муҳими таърихӣ – Рӯзи Президенти Ҷумҳурии Тоҷикистон бо як шукуҳи бузург таҷлил мегардад. Ин санаи хотирмону фархунда барои сокинони ҷумҳурӣ аз он лиҳоз хуҷаста аст, ки Президент ҳамчун чеҳраи давлатсоз ва абармарди дунёи сиёсату симои миллати куҳанбунёд дар он рӯз зимоми давлатдориро ба даст гирифта, дар пайраҳаи давлатдорӣ қадамҳои нахустини худро гузошт. Воқеан, таърих барои миллати тоҷик шахсиятеро дар симои Эмомалӣ Раҳмон сари қудрат овард, ки дар замони вазъи мураккаби сиёсиву иқтисодӣ ва маънавӣ Тоҷикистонро аз гирдоби кашмакашиҳои сиёсӣ ва вартаи нобудӣ бурун овард, шуълаҳои оташи ҷанги бародаркӯшро хомӯш намуд, гурезагони иҷбориро ба Ватани аҷдодӣ бозгардонд, бо имзои Созишномаи умумии истиқрори сулҳ ва ризоияти миллӣ сулҳи деринтизор, пойдор ва пояндаро ба Тоҷикистони соҳибистиқлол ба армуғон овард.