Суханронӣ дар маҷлиси тантанавӣ ба ифтихори 25-умин солгарди қабули

Конститутсияи Ҷумҳурии Тоҷикистон

04.11.2019 11:34, шаҳри Душанбе

Ҳамватанони азиз!

Ҳозирини гиромӣ!

Қабули Конститутсияи Тоҷикистони соҳибистиқлол, ки ҳоло мо дар остонаи таҷлили 25-умин солгарди он қарор дорем, аз ҷумлаи муҳимтарин рӯйдодҳои таърихи навини халқи тоҷик ва дастоварди бузурги мардуми шарафманди кишвар мебошад.

Бо камоли ифтихору сарфарозӣ тамоми сокинони мамлакат ва ҳамаи шумо – ҳозирини арҷмандро ба муносибати ин санаи бузург табрик гуфта, ба хонадони ҳар фарди Ватан сулҳу осоиш ва ба ин санади муқаддасу таърихиамон умри ҷовидонӣ орзу менамоям.

Конститутсияи Ҷумҳурии Тоҷикистон инъикоскунандаи воқеияти даврони истиқлолу озодии Ватан, рушди давлат ва пешрафти миллати тамаддунсози тоҷик мебошад.

Таҷрибаи қабули конститутсия дар давлатҳои ҷаҳон, аз ҷумла дар Тоҷикистони мо баръало нишон медиҳад, ки он ҳамчун ҳуҷҷати бисёр муҳимми сиёсӣ ва санади олии ҳуқуқӣ бо истиқлоли давлатӣ робитаи ногусастанӣ дорад.

Муфассал

Забон донӣ - ҷаҳон донӣ

(олимпиада)

Дар санаи 01.11.2019 дар факултети забони англисии Донишгоҳи давлатии омӯзгории .Тоҷикистон ба номи Садриддин Айнӣ бо ташаббуси садорати факултети забони англисӣ олимпиадаи факултативӣ  аз фанни забони англисӣ байни донишҷӯёни курсҳои 1- ум то 4 –уми факултети мазкур бо роҳбарии муовини декан оид ба илм Ғуломов Наимҷон ва омӯзгори соҳибзабон аз сафоратхонаи Амрико дар Ҷумҳурии Тоҷикистон хонум Денни Лем гузаронида шуд.

Забон асоси ҳастӣ ва бақои умри миллат

Тибқи нақшаи тасдиқнамудаи Дастгоҳи иҷроияи Президенти Ҷумҳурии Тоҷикистон кафедраи забони франсавӣ рӯзи 31.10.2019 дар толори фарҳангии ДДОТ ба номи С.Айнӣ конференсияи илмӣ-амалии ҷумҳуриявӣ дар мавзӯи: «Забон асоси ҳастӣ ва бақои умри миллат», бахшида ба солҳои 2019-2021 – «Солҳои рушди деҳот, сайёҳӣ ва ҳунарҳои мардумӣ» баргузор намуд. Барои иштирок дар чорабинии илмӣ мутахассисону олимон аз ҳар гӯшаю канори ҷумҳурӣ даъват гардида буданд.

«Падидаи ҳалкунанда дар эҳёи давлатдории тоҷикон»

(Мизи мудаввар)

Бо ташаббуси кафедраи таърихи халқи тоҷик дар таърихи 30-юми октябри соли 2019 дар толори Шӯрои олимони Донишгоҳ соати 11⁰⁰ бахшида ба 90-солагии таъсисёбии Ҷумҳурии Шӯравии Сотсиалистии Тоҷикистон Мизи мудаввар дар мавзӯи «Падидаи ҳалкунанда дар эҳёи давлатдории тоҷикон» баргузор гардид.

Доктори илмҳои таърих, профессор, узви вобастаи АИ ҶТ Пирумшоев Ҳ. П. бо сухани ифтитоҳӣ ҳусни оғоз бахшиданд. Аз ҷумла қайд гардид, ки маҳз ба туфайли талаби рӯзафзуни бедорфикрон, пофишории фарзонамардони тоҷик 6 июни соли 1929 Бюрои Сиёсии Кумитаи Марказии ҲК(б) ИҶШС ахбороти ҶМШС Тоҷикистонро доир  ба дастовардҳои иқтисодию маданӣ шунида , чунин қарор баровард:

Робитаи забони ӯзбекӣ ва забонҳои дигар дар

давраи ҷаҳонишавӣ: муаммо ва ҳалли онҳо

Рӯзи 21 октябри соли 2019 дар шаҳри Навоии Ҷумҳурии Ӯзбекистон конференсияи байналмилалӣ дар мавзӯи "Робитаи забони ӯзбекӣ ва забонҳои дигар дар давраи ҷаҳонишавӣ: муаммо ва ҳалли онҳо" баргузор гардид.

Дар ин конференсия дотсенти кафедраи назария ва амалияи забоншиносии факултети филологияи тоҷики Донишгоҳи давлатии омӯзгории Тоҷикистон ба номи Садриддин Айнӣ Хидиров Раҷабалӣ иштирок намуда ва дар мавзӯи "Хусусиятҳои полисемантикӣ дар фраземаҳои забонҳои тоҷикӣ ва ӯзбекӣ" баромад намуд.

КӮДАКОН -  ГУЛИ НАМАКИ ЗИНДАГӢ

«Кӯдакон ояндаи осудаву ободи ҳар як миллат, сарвати бебаҳои ҳар як оила, ҷомеа ва давлат ба шумор мераванд ва онҳо бахту саодати рӯзгори ҳар як падару модар мебошанд. Зеро ба дунё омадани тифл дар ҳар як оила хушбахтиву иқболи нек меорад ва чун зангӯлаи идомаи ҳаёт садо медиҳад».

Эмомалӣ Раҳмон

Дар санаи 26.10.2019 дар толори бинои асосии Донишгоҳи давлатии омӯзгории Тоҷикистон ба номи Садриддин Айнӣ конфренсияи илмӣ-амалии донишгоҳӣ дар мавзӯи “Таҳсилоти томактабӣ: таҷриба, анъана ва навгониҳо”, бахшида ба 50-солагии кафедраи “Назария ва методикаи таҳсилоти томактабӣ” бо иштироки васеъи омӯзгорону донишҷӯён гузаронида шуд.

ВОХӮРИИ ШИРКАТИ ТСЕЛ БО ДОНИШҶӮЁН

Санаи 25.10.2019 намояндагони ширкати Тсел дар Донишгоҳи давлатии омӯзгории Тоҷикистон ба номи Садриддин Айнӣ вохӯрӣ анҷом доданд. Дар ин вохӯрӣ муовини ректор оид ба корҳои тарбиявӣ Мусоҷонзода Ҷамила Мансур, Директори самти тиҷоратии ширкати Тселл - Шараф  Маҳмудов, эксперти самти иттилоотии шуъбаи маркетинги ширкат - Хоҷаев Хилватшо, эксперти самти тиҷоратии минтақаи шаҳри Душанбе - Далер Мирзоев, роҳбари нуқтаи фурӯш - Холмат Джурабаев ва омӯзгорону донишҷӯён ҳузур доштанд.  Мақсад аз баргузор намудани вохӯрии мазкур тарзи дурусту  саҳеҳ тайёр кардани санадҳо, аз ҷумла, муаррифинома (презентатсия)-ҳои мухталиф барои донишҷӯён,