БАРГУЗОРИИ НИШАСТИ МАТБУОТӢ ДАР ДОНИШГОҲ

27-уми январи соли 2020 тибқи нақшаи ташкил ва баргузории нишастҳои матбуотӣ дар Донишгоҳи давлатии омӯзгории Тоҷикистон ба номи Садриддин Айнӣ оид ба фаъолияти донишгоҳ дар соли 2019 бо иштироки доираи васеи рӯзноманигорон ва намояндагони васоити ахбори оммаи ҷумҳурӣ нишасти матбуотӣ доир гардид.

Зимни нишасти матбуотӣ ректори донишгоҳ профессор Нуъмонҷон Ғаффорӣ аз натиҷаи дастовардҳо ва бурду бохти таълимгоҳ дар давоми соли 2019 ва вазифаҳо дар соли 2020 дар назди рӯзноманигорон ҳисоботи муфассал ироа намуд.

Ҷаласа оид ба шарҳу тафсири Паёми Асосгузори сулҳу ваҳдати миллӣ -

Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон

Дар таърихи 17-уми январи соли 2020 дар Донишгоҳи давлатии омӯзгории Тоҷикистон ба номи Садриддин Айнӣ ҷаласа вобаста ба шарҳу тафсири Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, баргузор гардид.

ПРИГЛАШЕНИЕ К УЧАСТИЮ В КОНКУРСНОМ ОТБОРЕ

МЕСТНЫХ КОНСУЛЬТАНТОВ

Республика Таджикистан.

Проект «Развития высшего образования».

Окно 2. Оказание поддержки студентов женского пола.

Таджикский государственный педагогический университет имени Садриддина Айни.

Контракт: Составления справочника «Юридические и психологические консультации»

Номер Контракта:  ТГПУ/IC/05

Дата: 06 января 2020 г.

Паёми Президенти Ҷумҳурии Тоҷикистон, Пешвои миллат,

муҳтарам Эмомалӣ Раҳмон ба Маҷлиси Олӣ

26.12.2019 13:02, шаҳри Душанбе

Муҳтарам аъзои Маҷлиси миллӣ ва вакилони Маҷлиси намояндагон!

Ҳамватанони азиз!

Соле, ки сипарӣ шуда истодааст, дар таърихи Тоҷикистони соҳибистиқлол бо дастоварду пешравиҳои ноилшудаи халқамон ба сифати боз як соли бобарор сабт мегардад.

Татбиқи чорабиниҳои “Стратегияи миллии рушди Ҷумҳурии Тоҷикистон барои давраи то соли 2030” ва “Барномаи миёнамуҳлати рушди Ҷумҳурии Тоҷикистон барои солҳои 2016-2020” ҷиҳати расидан ба ҳадафи олии мо, яъне баланд бардоштани сатҳу сифати зиндагии мардуми шарифи кишварамон мусоидат намуд.

Соли 2019 суръати афзоиши воқеии маҷмӯи маҳсулоти дохилӣ 7,5 фоизро ташкил намуд ва ин нишондиҳанда аз ҳисоби зиёд шудани ҳаҷми истеҳсоли маҳсулоти саноатӣ ба андозаи 13,4 фоиз, маҳсулоти кишоварзӣ 7,1 фоиз, гардиши савдо 8 фоиз ва хизматрасониҳои пулакӣ 1,6 фоиз таъмин карда шуд.

Муфассал

ПРОФЕССОР ҒАФФОРӢ НУЪМОНҶОН БЕҲТАРИН КОРБАРИ САҲИФАИ

ИҶТИМОИИ ИТТИФОҚИ КАСАБАИ КОРМАНДОНИ МАОРИФ ВА ИЛМИ ҶУМҲУРИИ ТОҶИКИСТОН

Тибқи назарсанҷии Иттифоқи касабаи кормандони маориф ва илми Ҷумҳурии Тоҷикистон профессор Ғаффорӣ Нуъмонҷон –ректори Донишгоҳи давлатии омӯзгории Тоҷикистон ба номи Садриддин Айнӣ миёни роҳбарони муассисаҳои таҳсилоти олии касбӣ, беҳтарин корбари саҳифаи иҷтимоии Иттифоқи касабаи кормандони маориф ва илми Ҷумҳурии Тоҷикистон дониста шуд.

ТАБРИКОТ

Раёсати илм ва инноватсияи Донишгоҳи давлатии омӯзгории Тоҷикистон ба номи Садриддин  Айнӣ Олимов Рустам Шоимқуловичро барои бо муваффақият ҳимоя намудани рисолаи номзадиш дар мавзӯи “Функционально-семантическое поле определенности/неопределенности  в разноструктурных  языках (на материале таджикского и французского языков)”  табрик намуда, дар корҳои илмии ояндааш комёбиҳо хоҳон аст.

Дарси кушоди тарбиявӣ (кураторӣ) вобаста ба

Суруди миллии Ҷумҳурии Тоҷикистон

Дар таърихи 02.12.2019. Фармоиши Вазири маориф ва илми Ҷумҳурии Тоҷикистон Саид Нуриддин Саид  таҳти  №14603 «Дар бораи иҷрои Суруди миллӣ ва арҷгузорӣ ба муқаддасоти миллӣ» ба имзо расид.

Вобаста ба иҷроиши фармони мазкур дар таърихи 20.12.2019. бо ибтикори мудири кафедраи забон ва адабиёти тоҷик Холмаҳмад Раҳимӣ дар факултети таҳсилоти томактабӣ ва ибтидоӣ бо иштироки донишҷӯёни 4 гуруҳи таълимӣ дарси кушоди тарбиявӣ (кураторӣ) гузаронида шуд. Дарси кушоди тарбиявиро мудири кафедра Холмаҳмад Раҳимӣ дар мавзӯи «Суруди миллии Ҷумҳурии Тоҷикистон ва сайри таърихии он» гузаронд. Дар маърӯза қайд шуд, ки “Тоҷикон яке аз миллатҳои қадимӣ ва дорои таърих, забон, фарҳанг ва ҳувияти миллӣ мебошанд. Бо туфайли осори адабӣ, илмӣ ва таърихии фарзандони фарзонаи ин миллати фарҳангофар ва фарҳангпарвар дар тӯли зиёда аз 1000 сол бе давлат ҳам онҳо тавонистанд, забон, таърих ва анъанаҳои пешқадамро ҳифз намоянд.