Мусобиқаи Донандагони забони Хитоӣ

Дар санаи 1 – уми марти соли 2019 дар кафедраи забонҳои Шарқи факултети забони англисӣ бо ташаббус ва дастгириҳои ҳамаҷонибаи маркази Конфутсии назди ДМТ ва ҳамзамон кафедраи забонҳои Шарқ миёни донишҷӯёни курсҳои дуюм,  сеюм, ва панҷум  даври аввали мусобиқа гузаронида шуд. Дар чорабинии мазкур намояндагон аз маркази Конфутсии назди ДМТ, декани факултети забони англисӣ дотсент Баротзода Ф.К., мудири кафедраи забонҳои Шарқ Бекчаев Ё., омӯзгорони кафедраи Услубшиносӣ ва назарияи тарҷума Ҳафизова Барно, Маматмуродова Нилуфар, саромӯзгори ҳамин кафедра  Худоиева Хиромон., омӯзгорони кафедраи забонҳои Шарқ Зиёева Моҳира ва Фарзонаи Раҳмон, аъзоёни ҳакамон Ванг Ҷи Хуан., Ҷанг Лей., Янг Ҷи Хон., Ҷоу  Юнхе., Шаҳзодаи М., ва донишҷӯён иштирок намуданд.

Бо баргардонидани Гадоев Шарофиддин, ки шоми 2-юми март сурат гирифт, ниҳодҳои давлатӣ фарҳанги воло ва мудирияти истисноӣ нишон доданд.  Сараввал, заминаи бозгашти раҳбари «Паймони ба ном миллӣ»-ро мусоид сохтанд ва ба мухолифон фаҳмонданд, ки дар гӯр ҳам бошанд, дар дастрасии қонун  қарор доранд. Ҳамин тартиб, Қонуни авф нисбат ба Гадоев бо ҳамон дароят ва иқтидори истисноии ниҳодҳои ҳукуматӣ татбиқ шуд.

Ифротгароӣ ва терроризм дар байни ҷавонон

Мардуми шарифи кишвар шаҳди меваи соҳибдавлатиро баъди ҳазорхо сол аз нав чашиданд. Сулҳ дар асоси ободии ҳар кишвар ва манбаи хушбахтии ҳамаи тоифаҳои одамон аст. Дониш барои инсон мояи фазлу камол буда, инсонро комил мегардонад. Дар бисёр ҳолатҳо мушоҳида мешавад, ки чавонон аз рӯзҳои таътил истифода намуда, ба ҳар гуна кору амалҳои беҳуда ва ё зараровар машғул мешаванд. Асоси шомил шудани ҷавонон ба ҳар гуна ҳизбу ҳаракатҳои номатлуб ин надонистани сарнавишти таърихии миллати худ, фориғболию бехабарӣ ва носипосӣ  нисбати мероси маънавӣ- фарҳангии хеш, бегонапарастию қадр накардани қимати дастовардҳои истиқлолияти миллӣ оварда мерасонад.

Таҷлил аз 26-умин солгарди Қувваҳои Мусаллаҳ

Дар санаи 22-уми феврали соли 2019 дар толори калони Донишгоҳи давлатии омӯзгории Тоҷикистон ба номи С. Айнӣ чорабинии идона бахшида ба 26-умин солгарди Қувваҳои Мусаллаҳи Ҷумҳурии Тоҷикистон баргузор гардид. Чорабиниро Ректори  Донишгоҳи давлатии омӯзгории Тоҷикистон ба номи С. Айнӣ, доктори илмҳои таърих, профессор Ғаффорӣ Нуъмонҷон Усмонзода ифтитоҳ намуда, иштирокчиёнро ба муносибати ин ҷашни фархунда табрику муборакбод гуфт.

Ҳамоиши илмӣ-амалӣ

Дар Донишгоҳи давлатии омӯзгории Тоҷикистон ба номи Садриддин Айнӣ ба ифтихори гиромидошти забони модарӣ ҳамоиши илмӣ-амалӣ доир шуд. Сароғоз муовини ректор оид ба масоили байналмилалӣ Аъзам Байдуллоев роҷеъ ба ҳифзи забонҳои миллӣ дар шароити ҷаҳонишавӣ сухан карда, иброз дошт, ки таваҷҷӯҳи давлат ба забони модарӣ ҳамарӯза меафзояд ва ҳифзу беолоиш нигох доштанги забони модарӣ вазифаи ҳамагон аст.

Чорабинии фарҳангӣ

Санаи 23-юми феврали соли ҷорӣ бо ташаббуси кафедраи умумидонишгоҳии забони русӣ бахшида ба Солҳои рушди деҳот, сайёҳӣ ва ҳунарҳои мардумӣ, инчунин Рӯзи артиши миллӣ дар толори калони бинои асосии донишгоҳ чорабинии фарҳангӣ бо иштироки намояндагони раёсати илм ва инноватсия, омӯзгорон ва донишҷӯёни факултетҳои забонҳои романӣ-германӣ, математика, география ва филологияи тоҷик баргузор гардид.

Чорабинии тарбиявӣ

Санаи 22 феврали соли 2019, таҳти роҳбарии муаллими калони кафедраи «Методикаи таълими физика»-и ДДОТ ба номи Садриддин Айнӣ Бобониёзова Г. А. магистри ҳамин кафедра Бутаева Г. Т. бахшида ба «26-солагии Рӯзи Артиши миллӣ» бо донишҷӯёни соли 3-юми ихтисоси физика-математика чорабинии тарбиявӣ баргузор намуд. Дар чорабинӣ мудири кафедраи «Методикаи таълими физика» Умаров У. С., муовини декан оид ба таълим Исмонов Ф., муовини декан оид ба тарбия Ниёзов С., мудири шӯъбаи магистратура Ахиева С., корманди раёсати илм ва инноватсия Абдуҷалилзода Ф. ва зиёда аз 50 нафар омӯзгорону донишҷӯён иштирок карданд.