ҲИМОЯИ РИСОЛАИ НОМЗАДӢ ДАР БАХШИ ИҚТИСОДИЁТ

Санаи 2-юми ноябри соли ҷорӣ устоди донишгоҳ  Рузиев Умед Шарафҷонович рисолаи илмии номзадии худро дар мавзӯи “Управление государственной собственностью в условиях рыночной трансформации экономики (на материалах Республики Таджикистан)” дар шӯрои диссертатсионии Институти иқтисодиёт ва демографияи Академияи илмҳои Ҷумҳурии Тоҷикистон таҳти роҳбарии доктори илмҳои иқтисодӣ, профессор Комилов С.Ҷ. ва номзади илмҳои иқтисодӣ Азизов Ш.С. бомуваффақият ҳимоя намуд.

ЧОРАБИНӢ ОИД БА ПЕШГИРИИ АМАЛҲОИ НОМАТЛУБ

Бо ташаббуси бахши кор бо духтарону занони донишгоҳ санаи 1-уми ноябри соли 2018 вохӯрии машваратӣ-омўзишӣ дар мавзӯи коҳиш додани амалҳои номатлуб, аз қабили зўроварию хушунат, одамрабоиву поймол кардани ҳуқуқҳои шаҳрвандон, хусусан занону ҷавондухтарон баргузор гардид. Чорабинии мазкур тибқи нақшаи чорабиниҳои бахши кор бо духтарону занони ДДОТ ба номи Садриддин Айнӣ ва иқдоми мақомоти иҷроияи ҳокимияти давлатии шаҳри Душанбе дар доираи татбиқи “Барномаи давлатӣ оид ба пешгирии зўроварӣ дар оила дар Ҷумҳурии Тоҷикистон барои солҳои 2014-2023” сурат гирифт.

ТЕРРОРИЗМ ҲЕЧ НИСБАТЕ БО ҶОМЕАИ СОЛИМ НАДОРАД

Терроризм ҳамчун ҳодисаи иҷтимоӣ таърихи қадима дорад. Решаҳои он аз ибтидои таърихи ташаккули инсоният маншаъ мегиранд. Аввалин бор оид ба терроризм дар асри I то мелод аз амалиёти террористии гурӯҳи сиёсии яҳудиён – «зелотҳо» ёдовар мешаванд. Террор - истилоҳи лотинӣ буда, калимаҳои ваҳмангези тарсу ҳарос, даҳшат, куштор ва воҳимаро ифода менамояд. Маънои васеъи истилоҳи «террор» - зӯроварии ҷисмонӣ то ба дараҷаи ҷисман маҳв сохтани ҳарифону душманони сиёсии худ мебошад. Террорист дар навбати худ тарафдор, иштирокчӣ ва иҷрокунандаи амалиёти террористӣ мебошад.

ДАСТОВАРДҲОИ ВМКБ ДАР ДАВРАИ ИСТИҚЛОЛИЯТИ ДАВЛАТӢ

Имсол мардуми шарифи Тоҷикистон 27-умин солгарди истиқлолияти давлатии хешро ҷашн гирифтанд. Ба ҳамагон маълум аст, ки зинаҳои созандагӣ дар ин муддат асосан бо талошҳои ҷонфидоёнаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо заҳмати халқи заҳматкашу вафодори кишвар таҳти роҳбарии сарвари раҳнамои хеш роҳандозӣ шудаанд. Аммо мутаассифона, бархе аз қувваҳои бадхоҳу бегонапараст, ки дар хориҷ аз кишвар нишастаанд, бо ҳар восита кӯшиш ба харҷ медиҳанд, ки ин пешравиро нодида гиранд. Аён аст, ки чунин назар аз мафиатҷӯиҳои ғаразноку зиддимиллии онҳо маншаъ мегирад.

ФАРҲАНГИ КИТОБДОРӢ ТАВАҶҶУҲИ БЕШТАР МЕХОҲАД

Имрӯз, 24-уми октябри соли 2018, дар толори Шӯрои олимони донишгоҳ конфронси илмӣ таҳти унвони “Фарҳанги китобдорӣ дар ҷомеаи иттилоотӣ” баргузор гардид. Дар конфронс устодону кормандони донишгоҳ, меҳмонон аз Китобхонаи миллӣ ва Донишгоҳи миллии Тоҷикистон ширкат варзиданд.
Чорабинии илмиро муовини ректор оид ба корҳои илмии донишгоҳ, доктори илмҳои таърих Н. Убайдуллоев ифтитоҳ намуда, оид ба таърихи рушди китобдорӣ дар марҳилаҳои гуногуни таърихи тоҷикон ва тавсеаи фарҳанги мутолиаи китоб дар донишгоҳ ибрози назар намуд.

ВОКУНИШИ ИҒВОАНГЕЗОН

Имрӯзҳо аз сафари Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон ба минтақаи Бадахшони ҷумҳурӣ як моҳ сипарӣ мегардад. Дар ин сафар Президенти мамлакат аз дастовардҳо ва камбудиҳои дар ин минтақа ҷойдошта аз наздик ошно гардида, стратегияи рушди иқтисодӣ-иҷтимоии Вилояти Мухтори Кӯҳистони Бадахшонро мавриди баррасии оммаи васеи сокинон қарор доданд. Яке аз омилҳои ташвишовар дар вилоят, пеш аз ҳама, ин баланд будани сатҳи ҷинояткорӣ аз ҷониби гурӯҳҳои ҷиноятпеша мебошад. Чунин гурӯҳҳои ҷиноятпеша бо истифода аз силоҳи оташфишон ба раванди ҳаёти осоиштаи мардум ва амнияти шаҳрвандон халал ворид намуда, волоияти қонунро зери по менамоянд.