Баргузории конференсияҳои илмӣ дар сатҳи олӣ

Дар толори бинои асосии донишгоҳ 14-уми апрели соли равон конференсияҳои апрелии илмӣ-назариявии устодону донишҷӯён оғоз гардид ва то 18-уми апрел идома ёфт.

Дар қисмати ифтитоҳӣ ректор, академик Н.Салимӣ сухан ронда, донишҷӯёнро ба омӯхтани илм даъват кард ва қайд намуд, ки агар аз оғози давраи донишҷӯӣ ба корҳои илмӣ машғул шаванд, ба манфиат хоҳад буд.

Қатли мусалмон ҷиҳод нест

Ҳафтаи сипаришуда вохӯрии донишҷӯён бо раиси Шӯрои уламои Тоҷикистон Саидмукаррам Абдуқодирзода, муовини раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Мирзозода Азизуллои Файз ва сармутахассиси шуъбаи дин, танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон Абдукарим Мустафоқулзода баргузор гардид.

Ректор, академик Н.Салимӣ ҳамоишро ифтитоҳ бахшида, ҳадаф аз мулоқотро ташреҳ бахшид.

Таҷлили бошукӯҳи солгарди устод Айнӣ

Бахшида ба Рӯзи илм ва 140-солагии муаррих, нависанда, шоир, сардафтари адабиёти муосири тоҷик, Қаҳрамони Тоҷикистон Садриддин Айнӣ дар толори фарҳангии донишгоҳ 15-уми апрел конференсияи илмӣ баргузор гардид. Дар чорабинӣ меҳмонон аз Донишгоҳи миллӣ, докторони илм, профессорон А.Кӯчаров, А.Маҳмадаминов, Н.Ҳотамов ва дигар донишмандони макотиби олии пойтахт иштирок намуданд.

Дар оғоз ректор, академик Н.Салимӣ аз саҳми устод С.Айнӣ дар рушди адабиёт ва хидматҳои ӯ барои миллати тоҷик нутқи пурмуҳтаво кард.

«Навруста»-умеди нав дар ҷодаи тарҷума

Нахустин шумораи маҷаллаи «Навруста», ки муассиси он Донишгоҳи давлатии омӯзгории Тоҷикистон ба номи Садриддин Айнӣ мебошад, интишор гардид. Мебояд гуфт, ки дар маърифатгоҳи мазкур ҳафт забон омӯзонида мешавад ва ҳадаф аз таъсиси ин маҷалла эҳёи мактаби тарҷумонист. Тавре ҳайати эҷодии «Навруста» иброз доштанд, мақсади асосии маҷалла аз он аст, ки хонандагони худро бештару беҳтар бо хусусиятҳои тарҷумаҳои хаттӣ ва шифоҳӣ ошно сохта, ҳамзамон, баргузидаи назму насри ҷаҳон, қиссаву ривоят, панду андарз, зарбулмасалу мақол ва дигар офаридаҳои бадеии оламиёнро бо тарҷума аз забони асл ба хонандагони тоҷик муаррифӣ намояд.

Ҳамчунин, дар маҷалла маводҳое ба дасти чоп мерасанд, ки онҳо аз таҷрибаи тарҷумонии устодони соҳибмактаб, аз ташаккули мактаби тарҷумонии адабиёти тоҷик ва марҳалаҳои рушду такомули он паём мерасонанд.

Равобити судманд тақвият меёбанд

Ректори донишгоҳ Н.Салимӣ бо директори фонди Сулҳ ва Тараққиёти Ҷумҳурии халқии Хитой Тиан Тенг ва ҳамкоронаш вохӯрии судманд анҷом дод. Дар мулоқот муовини ректор оид ба таълим М.Нарзуллоев, муовини ректор оид ба робитаҳои байналмилалӣ Р.Абдуллоева, муовини ректор оид ба илм А.Муллоев ва сармуҳосиби донишгоҳ Б.Боқилов ширкат варзиданд.

TIKA ба дастгирӣ омода аст

Ректори донишгоҳ, академик Н.Салимӣ бо роҳбари ширкати Агентии TIKA Мустафа Бей 7-уми апрел мулоқот анҷом дод. М.Бей бо мақсади шиносоӣ бо роҳбари нави таълимгоҳ ва такмил бахшидани робитаҳои муштарак ба донишгоҳ ташриф оварда буд.

Сараввал ректор  меҳмонро хайрамақдам гуфта, сипас оид ба ҳамкориҳои минбаъда суҳбат карданд. Роҳбари ширкати  TIKA гуфт,

Таҷрибаомӯзӣ ҷамъбаст гардид

Дар толори фарҳангии донишгоҳ вобаста ба ҷамъбасти марҳилаи таҷрибаомӯзии донишҷӯёни курсҳои 3-4 конференсия баргузор гардид. Ҳамоишро муовини ректор оид ба таълим М.Нарзуллоев ҳусни оғоз бахшид. Сипас, мудири бахши таҷрибаомӯзӣ ва кор бо мутахассисони ҷавон Ҷ.Исломова оид ба натиҷаи фаъолияти таҷрибаомӯзон маърӯза ироа намуд.