ҶАМЪБАСТИ ДАВРИ СЕЮМИ ОЗМУН

Комиссия даври сеюми озмун дар ноҳияҳои минтақаи Рашт барои ғолибони ҷойҳои якум, дуюм ва сеюми даври сеюми озмуни ҷумҳуриявии “Фурӯғи субҳи доноӣ китоб аст”, лаёқат, малака ва маҳорати иштирокчиёни озмунро натиҷагирӣ карда, ғолибони даври минтақавиро муайян намуд. Ҳайати ҳакамон  ба донишу истеъдоди иштироккунандагони озмун воқеъбинона баҳогузорӣ намуда, аз ҷумлаи 67 нафар довталаб  ба 33 нафар ҷиҳати иштирок дар даври чоруми озмуни ҷумҳуриявии “Фурӯғи субҳи доноӣ китоб аст”, роҳхат пешниҳод намуданд. Ҳамчунин ба хотири шаффофияти озмун ба довталабоне, ки аз натиҷаи холҳои ба даст овардаи хеш норизоият изҳор намуданд, иловатан имконият фароҳам оварда шуд.

БАРГУЗОРИИ МИЗИ МУДАВВАР ДАР ФАКУЛТЕТИ ЗАБОНИ АНГЛИСӢ ВА ЗАБОНҲОИ ШАРҚ

Дар таърихи 20 октябри соли 2022 дар факултети забони англисӣ ва забонҳои Шарқи Донишгоҳи давлатии омӯзгории Тоҷикистон ба номи Садриддин Айнӣ мизи мудаввар дар мавзуи «Роҳҳои баланд бардоштани самаранокии таълим ва омӯзиши забони англисӣ дар ДДОТ ба номи С. Айнӣ» бо ибтикори кафедраи методикаи таълими забони англисӣ ҷиҳати дар амал татбиқ намудани «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» баргузор карда шуд. 

ТАРҒИБИ ПЕШГИРИИ ҶИНОЯТКОРИИ НОБОЛИҒОНУ ҶАВОНОН

Дар таърихи 20-уми октябри соли ҷорӣ дар Донишгоҳи давлатии омӯзгории Тоҷикистон ба номи Садриддин Айнӣ намояндагони Вазорати корҳои дохилии Ҷумҳурии Тоҷикистон бо устодону донишҷӯёни донишгоҳи мазкур мулоқот барпо намуданд. Дар он мушовири вазири корҳои дохилӣ Омина Табарова, муовини роҳбари дастгоҳи вазири корҳои дохилӣ, полковник Умарҷон Эмомалӣ, сардори шӯъбаи огоҳии ҷавонону ноболиғон Комрон Ҳусейнов, муовини ректор оид ба корҳои тарбиявии донишгоҳ Нигора Назарзода ва як зумра устодону донишҷӯён иштирок карданд. Дар ибтидо Нигора Назарзода меҳмононро ба ҳозирин муаррифӣ карда, ҳадафи баргузории ин мулоқотро ба ҳозирин шарҳ дод.

ҲАМКОРИҲО БО САФОРАТИ ФАРОНСА ГУСТАРИШ МЕЁБАНД

Ҷиҳати тақвияти ҳамкориҳо дар таърихи 20-уми октябри соли 2022 сафири фавқулода ва мухтори Фаронса дар Тоҷикистон Мишел Таран ба Донишгоҳи давлатии омӯзгории Тоҷикистон ба номи Садриддин Айнӣ ташриф овард, ки ӯро намояндаи бахши фарҳангии сафорат Эва Тозйе ва ёвари ӯ Муҳиба Шарифова ҳамроҳӣ мекарданд. Меҳмононро ректори донишгоҳ, Аҳлиддин Ибодуллозода бо муовини ректор оид ба робитаҳои байналмилалӣ, Фаррух Худойдодзода пазироӣ намуданд.

ОҒОЗИ ФАЪОЛИЯТИ ОЗМУН

Чӣ гуна, ки дар гузоришҳои қаблӣ зикр карда будем, даври сеюми озмуни ҷумҳуриявии “Фурӯғи субҳи доноӣ китоб аст” оғоз ёфта, дар баргузории ин озмун аз ҳисоби устодони Донишгоҳи давлатии омӯзгории Тоҷикистон ба номи Садриддин Айнӣ 14 нафар ба ҳайати ҳакамони озмун сафарбар шудаанд.

Муовини ректори донишгоҳ, профессор Сангинзод Д. тариқи телефон иброз намуданд, ҳайати ҳакамони навоҳии минтақаи Рашт, ки аксари онҳоро (12 нафар) устодони донишгоҳи мо ташкил медиҳанд, оғоз аз рӯзи 18 октябри соли 2022 ба фаъолияти хеш шурӯъ намуданд.

ШУКӮҲИ ҶАШНИ МЕҲРГОН ДАР ФАКУЛТЕТИ ФИЛОЛОГИЯИ ТОҶИК

18-уми октябри соли 2022 ҷашни Меҳргон тибқи нақшаи раёсати Донишгоҳ дар факултети болозикр бо як шукуҳи хоса таҷлил гирифта шуд.

Маврид ба зикр аст, ки ҷашни Меҳргонро дар факултаи мазкур Нигора Назарзода, муовини ректор оид ба корҳои тарбиявӣ оғоз намуда, омӯзгорону донишҷӯён ва кормандони факултетро ба муносибати ин ҷашн табрик намуд ва  барои оростани чунин як хони идона ба масъулину ташкилкунандагон изҳори сипос намуд.