ШОМИ АДАБӢ

Санаи 12.10.2021 дар толори “Маркази русӣ”-и факултети забон ва адабиёти руси ДДОТ ба номи С.Айнӣ дар асоси нақшаи маҳфили “Адиб”-и кафедраи адабиёти рус ва ҷаҳон шоми адабӣ бахшида ба 200-солагии шоири адабиёти классики рус Н.А.Некрасов дар мавзӯи “Доля ты!-русская долюшка женская!” баргузор гардид. Дар он донишҷӯёни курсҳои якум ва панҷуми факултет фаъолона иштирок намуданд. Онҳо аз осори ин адиби барҷаста шеърҳо қироат намуда, саҳначаҳои ҷолибро низ пешкаши тамошобинон гардониданд, ки хеле хотирмон буд.

«ФАЛСАФАИ ТОҶИК ДАР ФАРОНСА»

Бо чунин ном монография мудири кафедраи забони франсавии факултети забонҳои романӣ-германии ДДОТ ба номи Садариддин Айнӣ, доктори илмҳои фалсафа, раиси Ҷамъияти дӯстии «Тоҷикистон - Франсия» таҳти унвони «Фалсафаи тоҷик дар Фаронса» аз ҷониби матбааи «Эр-граф» ба табъ расид. Монография аз маҷмӯи мақолаҳо иборат буда, масоили онтологӣ, гносеологӣ, иҷтимоӣ, тарҷума, таъсир ва таҳқиқи фалсафаи Абӯнасри Форобӣ, Абӯалӣ ибни Сино, Муҳаммад Ғазолӣ, Мавлоно Ҷалолиддини Балхӣ, Мир Саид Алии Ҳамадонӣ, Абдурраҳмони Ҷомӣ ва дигаронро дар таҳқиқи файласуфону муҳаққиқони фаронсавӣ дар бар мегирад.

РӮҲИ СОЛИМ ДАР ТАНИ СОЛИМ НАКӮСТ

Санаи 09.10.2021 бо ташаббуси декани факултети психология ва таҳсилоти фарогири ДДОТ ба номи Садриддин Айнӣ  н.и.п., дотсент Дадобоева Мадина Солибоевна “Рӯзи умумиҷаҳонии солимии равонӣ” таҷлил карда шуд, ки дар ин чорабинӣ аъзоёни садорати факултету  кафедраҳои  он дар назди ̳даромадгоҳи асосии донишгоҳ баҳри болидарӯҳии  устодону  корман̳до̳̳ни донишгоҳ доираварақчаҳои мунаққашу зебо ҳадя намуданд,

ШАНБЕГИИ ДАСТАҶАМЪОНА

Субҳи 09.10.2021 дар ДДОТ ба номи Садриддин Айнӣ бо ҷалби васеи донишҷӯён ва кормандони қисми хоҷагии донишгоҳ шанбегии дастаҷамъона таҳти шиори “Тозагиву озодагӣ мароми мост!” баргузор гардид. Шанбегии мазкур аз ҷониби қисми хоҷагӣ ва Кумитаи иттифоқи касабаи донишҷӯён ташкил гардида, мақсад аз он сазовор пешвоз гирифтани 90-солагии ДДОТ ба номи С.Айнӣ мебошад. Дар ин шанбегӣ донишҷӯён атрофи бинои нави таълимиро, ки сохтмонаш бомаром идома дорад, аз партовҳо тозаву озода намуданд.

МАКТУБИ ИТТИЛООТӢ

Донишгоҳи давлатии омӯзгории Тоҷикистон ба номи Садриддин Айнӣ Шуморо барои иштирок дар конференсияи байналмилалии илмӣ-амалӣ дар мавзӯи “Нақши Донишгоҳи давлатии омӯзгории Тоҷикистон ба номи Садриддин Айнӣ дар тарбияи кадрҳои омӯзгорӣ ва рушди низоми маориф”, ки бахшида ба таҷлили ҷашни 90-солагии таъсисёбии Донишгоҳ, ки рӯзҳои 26-27 ноябри соли 2021 дар толори бинои асосӣ баргузор мегардад, даъват менамояд.

Масъалаҳои асосии баррасишаванда:

-        Донишгоҳи давлатии омӯзгории Тоҷикистон ба номи Садриддин Айнӣ – нахуст мактаби олии ҷумҳурӣ;

-       Аз таърихи тайёр кардани мутахассисони соҳаи илм ва маориф

-       тайёр намудани кадрҳои илмӣ ва илмӣ-педагогӣ дар замони истиқлол;

-       муносибати босалоҳият ва истифодаи технологияи муосир дар раванди таълим;

-       мушкилоти фалсафӣ, иҷтимоӣ, психологию педагогӣ ва методии таҳсилоти муосир;

-       робитаи Донишгоҳи давлатии омӯзгории Тоҷикистон ба номи Садриддин Айнӣ бо муассисаҳои илмию таълимии дохил ва хориҷи кишвар;

-       масъалаҳои мубрами рушди илмҳои табиӣ, дақиқ, риёзӣ ва гуманитарӣ дар замони соҳибистиқлолии кишвар;

-       масъалаҳои мубрами таълиму тарбия ва роҳҳои ҳалли он;

-       дурнамои рушди донишгоҳ;

БОЗДИДИ ДОНИШҶӮЁНИ ФАКУЛТЕТИ ПСИХОЛОГИЯ ВА

ТАҲСИЛОТИ ФАРОГИР АЗ ОСОРХОНАИ УСТОД САДРИДДИН АЙНӢ

Санаи 30.09.2021 донишҷӯёни курси якуми ихтисоси психологияи иҷтимоии факултети психология ва таҳсилоти фарогири  ДДОТ ба номи Садриддин Айнӣ дар доираи  соати тарбиявӣ  бо роҳбарии омӯзгори кафедраи психология ва муносибатҳои оилаводагӣ Умарова Башира дидан намуданд. Маврид ба ёдоварист, ки донишҷӯёни сафарбаршуда, аз ҳаёт ва фаъолияти адиб, шоир, сардафтари адабиёти муосири тоҷик, Қаҳрамони Тоҷикистон, устод Садриддин Айнӣ огаҳӣ пайдо намуданд.

ОМӮЗГОРОН МАШЪАЛАФРӮЗОНИ ҶОМЕААНД

Паёми табрикии вазири маориф ва илми Ҷумҳурии Тоҷикистон

Муҳаммадюсуф Имомзода ба ифтихори Рӯзи омӯзгорон

Устодон ва омӯзгорони гиромиқадр, муҳтарам кормандони соҳаҳои маориф ва илм!

Ҳамасола якшанбеи аввали моҳи октябр ҳамчун рамзи эҳтиром ба аҳли таълиму тарбия дар Ватани азизи мо – Тоҷикистони соҳибистиқлол Рӯзи омӯзгорон таҷлил мегардад.

Дар кишвари маҳбуби мо, ки маориф соҳаи афзалиятнок ба ҳисоб меравад, омӯзгор мақому манзалати воло ва ифтихорӣ дорад. Бояд гуфт, ки мардуми мо табиатан ба омӯзгор арҷгузоранд, ӯро самимона эҳтиром мекунанд, зеро омӯзгор равшангари дилҳо, машъалафрӯз ва парчамбардори илму дониш ва маърифат эътироф шудааст. Аз ин рӯ, дар диёри мо Рӯзи омӯзгорон сол то сол ба таври густурда таҷлил мешавад, оммавияти бештар пайдо мекунад ва шукӯҳу шаҳоматаш меафзояд. Аслан, мардуми тоҷик аз қадим нисбат ба омӯзгор таваҷҷуҳи хоса доштанд ва байти машҳури Мавлоно Абдурраҳмони Ҷомӣ далел ба ҳамин маънист: