Имрӯз аз ҷониби Комиссияи олии аттестатсионии назди Президенти Ҷумҳурии Тоҷикистон рисолаи номзадии омӯзгори кафедраи методикаи таълими математикаи ДДОТ ба номи С. Айнӣ Амируллозода Маликамо Амирулло тасдиқ гардида, ба гирифтани унвони номзади илмҳои педагогӣ мушарраф шуд.

Аҳли раёсати Донишгоҳ мавсуфро самимона муборакбод намуда, барояш фатҳи қуллаҳои баланди илмро таманно дорад.

Имрӯз дар Донишгоҳи давлатии омӯзгории Тоҷикистон ба номи Садриддин Айнӣ ҷаласаи қисми илм баргузор гардид. Дар ҷаласа муовини ректор оид ба корҳои илмӣ, доктори илмҳои химия, профессор Раҷабзода Сироҷиддин, роҳбарон ва кормандони сохторҳои илмӣ, ҳамчунин муовинони деканҳо оид ба корҳои илмӣ иштирок намуданд.

Имрӯз дар Донишгоҳи давлатии омӯзгории Тоҷикистон ба номи С. Айнӣ қабули шаҳрвандон баргузор шуд, ки дар он ариза ва дархостҳои шаҳрвандону донишҷӯён аз ҷониби ректор Аҳлиддин Ибодуллозода дар доираи қонун ва тибқи тартиб баррасӣ гардиданд.

Рӯзи 29.12.2025 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо иштироки муовинони ректор, сардорони раёсатҳо, деканони факултетҳо ва мудирони шуъбаву бахшҳо ҷаласаи назоратӣ баргузор намуданд.

Дар ҷаласа як қатор масъалаҳои марбут ба таълим, тарбия, илм ва робитаҳои байналмилалии муассиса мавриди баррасӣ қарор дода шуданд.

Бо мақсади тарғиби тарзи ҳаёти солим ва ҷалби омӯзгорону донишҷӯёни Донишгоҳ ба варзиш ин субҳ машқи пагоҳирӯзӣ дар майдони Аҳмади Дониш баргузор карда шуд.

Ҳамин тавр, субҳи имрӯз дар чорабинии мазкур устодон ва донишҷӯён ширкат варзида, ба обутоби бадан машғул шуданд.

Дар соли 2025 ДДОТ ба номи С.Айнӣ дар “Раддабандии муассисаҳои олӣ” – (Higher Education Ranking)-и Шурои сифат ва арзёбии таҳсилоти олӣ – “HEQAC” миёни 422 муассисаи олии 55 кишвари ҷаҳон бо гирифтани 8136 хол ҷойи 8-умро сазовор гардид.

Дар соли 2025 дар Парки технологии донишгоҳ зиёда аз 5 ҳазор мизу курсиҳои гуногун, рафҳои оҳанин, ҷевон, рӯйпуш барои рахти хоб, хилати корӣ барои фаррошон ва ғайраҳо истеҳсол гардидааст.