Баргузории конфренсияи илмӣ дар

факултети психология ва таҳсилоти фарогир

Тӯли ду рӯз мешавад, ки конференсия илмӣ дар факултети психология ва таҳсилоти фарогир вобаста ба бахшҳои мухталиф идома дорад. Бояд зикр кард, ки рӯзи аввал декани факултет Обидова Мунира конференсияи илмиро ифтитоҳ намуда, сипас аз рӯи нақшаи баргузорӣ барои маърӯза хондан суханро ба профессори кафедраи психологияи касбӣ д.и.п Маҷидова Б.  дод. Зимни баргузории конференсия устодони кафедраи мазкур

Ҳафтаи илм дар Донишгоҳи давлатии

омӯзгории Тоҷикистон ба номи Садриддин Айнӣ

Имрӯз, 20-уми апрели соли 2020 дар Донишгоҳи давлатии омӯзгории Тоҷикистон ба номи Садриддин Айнӣ  конфренсияи илмӣ-назариявии профессорон, омӯзгорон ва донишҷӯён бахшида ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (солҳои 2020-2040)”, 5500-солагии Саразми бостонӣ, 700-солагии шоири барҷастаи тоҷик Камоли Хуҷандӣ ва ба ифтихори Қаҳрамони Тоҷикистон Садриддин Айнӣ баргузор гардид.

Дарси кушод дар факултети биология

Имрӯз, 18.04.2020 дар кафедраи ботаникаи факултети биология дарси кушоди тарбиявӣ таҳти мавзӯи «Тарбияи эстетикӣ ва экологӣ (тозагию зебоии  муҳит гаравӣ саломатию хушҳолист)» аз тарафи ассистенти кафедра  Сатторов Б. бо иштироки мудири кафедра н.и.б.  Қурбонов А., раиси кураторони донишгоҳ Баротова Г., раиси бахши кор бо духтарон ва занони донишгоҳ Саидова Г., муовини декан оид ба корҳои тарбиявӣ Раҷабова Б. ва дигар омӯзгорону донишҷӯён гузаронида шуд.

Саҳмгузорӣ дар як рӯзи покиву

назофат ва ободонӣ дар донишгоҳ

Имрӯз, шанбе, санаи 18.04.2020 дар саҳни бинои асосиву дигар биноҳои таълимӣ, хобгоҳҳо ва роҳравҳои атрофи Донишгоҳи давлатии омӯзгории Тоҷикистон ба номи Садриддин Айнӣ, ҳамчун анъанаи дерин бо кӯшиш ва ибтикори ректори донишгоҳ-Нуъмонҷон Ғаффорӣ бо мақсади “Саҳмгузорӣ дар як рӯзи покиву назофат ва ободонӣ” дар маконҳои зикргардида, шанбегии умумидонишгоҳӣ баргузор гардид.

Имрӯз «Фурӯғи субҳи доноӣ» бош,

Гар қатра туӣ, фидои дарёӣ бош.

Дар арсаи илму фан маҷоле, ки турост,

Поён манигар, рафиқи болоӣ бош.

Бо амри Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз

05.02.2020,    таҳти рақами №АП-1339 баргузории озмуни ҷумҳуриявии «Фурӯғи субҳи доноӣ китоб аст» ба тасвиб расида буд.

Ёдгори Айниву ин кӯҳсорон зинда бод!

Имрӯз ба ифтихори ҷашни 142-солагии Қаҳрамони Тоҷикистон, адиб, олим, мутафаккир, забоншинос ва адабиётшиноси мумтоз, сардафтари адабиёти муосири тоҷик ва шахсияти барҷаста, чеҳраи дурахшону абадзиндаи халқи тоҷик Садриддин Айнӣ, Нуъмонҷон Ғаффорӣ – ректори донишгоҳ, доктори илмҳои таърих, дар пояи нимпайкараи ин абармарди оламшинос  гулчамбар гузошт. Дар аснои маросими гулчамбаргузорӣ ҳайати устодону кормандони донишгоҳ аз қабили Ҷамила Мӯсоҷонзода – муовини ректор оид ба корҳои тарбиявӣ, номзади илмҳои химия, Сахидод Раҳматуллозода – декани факултети филологияи тоҷик, доктори илмҳои филологӣ, Шамсиддин Солеҳов – мудири кафедраи назария ва таърихи адабиёт, доктори илмҳои филологӣ ва дигарон ҳамроҳӣ доштанд.

ХАЛҚИ МОРО ДАФТАРИ АЙНӢ ШАҲОДАТНОМА ШУД

Ба ифтихори ҷашни 142-солагии Қаҳрамони Тоҷикистон, адиб, олим, мутафаккир, забоншинос ва адабиётшиноси мумтоз, сардафтари адабиёти муосири тоҷик ва фарзонафарзанди миллат,  шахсияти барҷаста ва чеҳраи дурахшону абадзиндаи халқи тоҷик Садриддин Айнӣ ҳайати раёсати Донишгоҳи давлатии омӯзгории Тоҷикистон ба номи Садриддин Айнӣ имрӯз, санаи 15-уми апрели соли 2020, аз боғи фарҳангию фароғатии устод Садриддин Айнӣ дидан намуда, дар назди марқади устод гулчамбар гузоштанд.