Имрӯз бо иштироки ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода, муовинони ректор, деканҳои факултетҳо, сардорони раёсату шуъбаҳо, мудирони бахшҳо, муовинони деканҳо, мудирони кафедраҳо, коргузорон, омӯзгорон, кормандони тамоми сохторҳо, магистрон ва докторантон аз рӯи ихтисос (PhD) ҷаласаи истеҳсолотӣ баргузор гардид.

Дар таърихи 10-уми декабри соли ҷорӣ ба ифтихори 30-солагии Ҳизби Халқии Демократии Тоҷикистон дар Ташкилоти ибтидоии ҳизбии “Омӯзгор”-и Донишгоҳи давлатии омӯзгории Тоҷикистон ба номи Садриддин Айнӣ таҳти унвони “30-СОЛИ УСТУВОР ДАР ПАҲЛӮИ ХАЛҚ” аксияи тақдими нишони сарисинагӣ ва шиорҳои ҷашнӣ баргузор карда шуд. Бояд зикр намуд, ки ҳадаф аз баргузории аксияи мазкур тарғиби сиёсати хирадмандонаи Раиси муаззами ҳизб муҳтарам Эмомалӣ Раҳмон дар самти рушди устувори иқтисодӣ ва зиндагии шоистаи халқ мебошад.

Рӯзи 7-уми декабри соли ҷорӣ бо ташаббуси факултети филологияи тоҷик дар толори фарҳангии Донишгоҳи давлатии омӯзгории Тоҷикистон ба номи Садриддин Айнӣ Конференсияи илмии ҷумҳуриявӣ дар мавзуи "Проблемаҳои мубрами омӯзиши таърихи адабиёти тоҷик дар замони Истиқлол" ба ифтихори 70-солагии муҳаққиқи маъруфи адабиёти тоҷик, профессор Казокова Умринисо баргузор карда шуд.

Субҳи барвақти 7-уми декабри соли 2024 дар партави сиёсати варзишпарваронаи Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар ин замина бо мақсади иҷрои дастуру супоришҳои ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо мақсади таҳкими тарзи ҳаёти солим, рушди инкишофи соҳаи варзиш ва оммавияти он миёни ҷавонон бо иштироки кормандони шуъбаи кор бо ҷавонон ва донишҷӯдухтарони хобгоҳи 2 ва 3 дар майдони боғи Аҳмади Дониш машқи пагоҳирӯзӣ ва солимгардонӣ таҳти унвони “Зебоӣ, тавоноӣ ва доноӣ аз варзиш аст!” баргузор гардид.

Дар хониши сиёсии навбатӣ яке аз мавзуъҳои муҳим "Нақши Ҷумҳурии Тоҷикистон дар фазои геопалитикии ҷаҳон" аз ҷониби дотсент Ҳаким Раҷабов бо рӯнамо ба омӯзгорону кормандон пешниҳод ва матраҳ гардид.