Наҳзатиёни беномусу ватанфуруш баъди фош шудани руи аслии онҳо низ кушиши боз ноором намудани Ватани маҳбубамонро доранд. Ба ин мақсади нопоки худ асло нахоҳанд расид. Ин паёмро ҳамаи мо шаҳрвандони Тоҷикистон ба кулли наҳзатиён ва хоҷагони хориҷии онҳо расониданием.
Тоҷикистон ҳамчун давлати соҳибихтиёр, демократӣ, ҳуқуқбунёд, дунявӣ ва ягона марҳила ба барҳила рушд ёфта, сол ба сол вазъи некуаҳволии мардум хубтар гардид. Ҳар як соли сипаришуда соли пешравӣ, соли бурдбориҳо ва соли комёбиҳои Тоҷикистон дар арсаи байналхалқӣ гардида истодааст, махсусан соли 2018.

Андешаҳо перомуни Паёми навбатии Пешвои миллат

Дар Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки санаи 26-уми декабри соли 2018 дар толори калони “Кохи Сомон”-и Бӯстонсарои шаҳрии Ҳукумати Ҷумҳурии Тоҷикистон ба Маҷлиси Олии Ҷумҳурии Тоҷикистон ироа гардид, самтҳои асосии сиёсати дохиливу хориҷии ҳукумати кишвар баён гардиданд. Паёми навбатии Пешвои миллатро устодону кормандони донишгоҳ муташаккилона ба таври мустақим тамошо намуда, аз нуктаҳои асосӣ ва мазмуну муҳтавои он огоҳ гардиданд. Дар зер андешаву назари чанде аз устодони донишгоҳро дар ин хусус пешкаш менамоем.

РӮҲИЯИ СОЗАНДАИ МИЛЛАТ

Миллати тамаддунофари тоҷик аз азал бо хиради созанда сари кор дошт ва дар тӯли таърихи пурҳаводис ҳамин донишу хиради созанда сабаби бақои ӯ гаштааст. Паёми солонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, ки дар он муҳимтарин масоили дохилӣ ва хориҷии кишвар мавриди баррасӣ қарор гирифтанд, бори дигар рӯҳияи созандаи миллатро собит намуд.

НАТИҶАГИРӢ АЗ ФАЪОЛИЯТИ ДОНИШГОҲ ДАР СОЛИ 2018 ВА ВАЗИФАҲО БАРОИ СОЛИ 2019

Санаи 29-уми декабр таҳти раёсати ректори донишгоҳ академик Носирҷон Салимӣ дар толори калони бинои асосӣ ҷаласаи васеи донишгоҳ бо ширкати кормандон ва ҳайати профессорону омӯзгорон баргузор шуд. Дар кори ҷаласа як масъала – “Ҳисобот доир ба фаъолияти Донишгоҳи давлатии омӯзгории Тоҷикистон ба номи Садриддин Айнӣ дар соли 2018 ва вазифаҳо барои соли 2019” баррасӣ гардид.

Баррасии масъалаи хушунату зӯроварӣ ва роҳҳои пешгирии он

Санаи 27-уми декабр бо ташаббуси факултети психология ва таҳсилоти фарогир конференсияи илмӣ-амалии ҷумҳуриявӣ дар мавзӯи «Хушунат ва роҳҳои пешгирии он» баргузор гардид, ки дар он омӯзгорону донишҷӯёни факултет, намояндагони раёсати донишгоҳ ва меҳмонон аз Маркази миллии тестии назди Президенти Ҷумҳурии Тоҷикистон, Пажӯҳишгоҳи рушди маорифи Академияи таҳсилоти Тоҷикистон ва Донишгоҳи миллии Тоҷикистон иштирок намуданд.

Баланд бардоштани сатҳи касбияти омӯзгор зарур дониста шуд

Бахшида ба Соли рушди сайёҳӣ ва ҳунарҳои мардумӣ ва ба феҳристи мероси ғайримоддии фарҳангии башарият ворид гардидани чакан санаи 27-уми декабр бо ташаббуси факултети технология ва иқтисодиёт дар толори калони бинои асосии донишгоҳ конфронси ҷумҳуриявии илмӣ-методӣ таҳти унвони “Таълими салоҳиятнокӣ дар тайёрии касбии омӯзгорони фанҳои умумитехникӣ” баргузор гардид. Дар конфронс устодону донишҷӯён ва меҳмонон аз дигар муассисаҳои таҳсилоти олии касбӣ ширкат варзиданд.

Ҳайати омӯзгорону кормандон ва донишҷӯёни донишгоҳ Паёми  навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро мустақиман ба таври дастаҷамъона тамошо карданд