ИШТИРОКИ ДОНИШҶӮЁН ДАР МАШҚИ ПАГОҲИРӮЗӢ

Санаи 13-уми октябри соли равон зиёда аз 300 нафар донишҷӯёни донишгоҳ дар машқи пагоҳирӯзӣ, ки дар Боғи фарҳангу фароғатии ба номи С. Айнӣ баргузор гардид, ширкат варзиданд. Чорабинии варзишӣ соати 06³⁰ шурӯъ шуда, донишҷӯён бо либосҳои варзишӣ таҳти роҳбарии устодони кафедраи тарбияи ҷисмонӣ ва мудофиаи шаҳрвандии донишгоҳ муддати беш аз як соат ба тамрини бадан машғул гардиданд.

Бояд зикр намуд, ки баргузории чорабинии мазкур дар доираи силсилаи чорабиниҳо бахшида ба Соли рушди сайёҳӣ ва ҳунарҳои мардумӣ сурат гирифта, тибқи дастуру супориши роҳбари Дастгоҳи иҷроияи Президенти Ҷумҳурии Тоҷикистон ва Вазорати маориф ва илми кишвар ҳар рӯзи шанбе баргузор хоҳад гашт.

ТЕРРОРИЗМ – ХАТАР БА АҲЛИ ҶОМЕАИ БАШАР

Бо ба миён омадани давлатҳои миллӣ низоми сиёсии олам куллан дигар гардид. Акнун на як-ду давлат, балки тамоми давлатҳои миллӣ ҳуқуқҳои хешро дар арсаи ҷаҳонӣ ҳифз мекардагӣ шуданд, зеро онҳо чун актори асосии муносибатҳои байналхалқӣ баромад мекарданд. Яъне имрӯз дар ҷомеаи муосир давлатҳои миллие ташаккул ёфтаанд, ки ҳар кадом дар асоси манфиату талаботҳои худ дар арсаи ҷаҳон иштирок мекунанд. Дар баробари ҳадафҳои алоҳида доштанашон, онҳо боз дар баъзе мавридҳо сарҷамъ шуда, барои он падидаҳои бавуҷудомадае, ки таҳдид ба ҷомеаи ҷаҳониро доранд, мубориза мебаранд.

МУЛОҚОТИ ПЕШВОИ МИЛЛАТ ЭМОМАЛӢ РАҲМОН БО ДАСТАИ МУНТАХАБИ ФУТБОЛБОЗОНИ НАВРАСИ ТОҶИКИСТОН

11 октябр дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Президенти Кумитаи миллии олимпии кишвар муҳтарам Эмомалӣ Раҳмон бо Раиси шаҳри Душанбе, Президенти Федератсияи футболи Ҷумҳурии Тоҷикистон муҳтарам Рустами Эмомалӣ дастаи мунтахаби наврасони то 16 — солаи Ҷумҳурии Тоҷикистон, ҷоизадорони Чемпионати Осиё оид ба футболро, ки бо медалҳои нуқра ба Ватан баргаштаанд, бо нишони қадршиносӣ ба ҳузур пазируфтанд. Иқдоми шоистае, ки аз ҷониби Пешвои миллат муҳтарам Эмомалӣ Раҳмон барои аъзои ин даста амалӣ гардид, аз Фонди захиравии Президенти Ҷумҳурии Тоҷикистон ба 33 нафар, ба ҳар яки онҳо 20 ҳазор сомонӣ, дар маҷмуъ 660 ҳазор сомонӣ тақдим карда шуд.

ТАҶЛИЛ АЗ РӮЗИ ОМӮЗГОР ДАР ДОНИШГОҲ

Пешаи омӯзгорӣ аз азал афзали ҳамаи касбу ҳунарҳо буда, омӯзгор бо маърифатофаринӣ ва равшангарии донишу раҳнамоии мардум дар роҳи даст овардани бахту саодати инсоният ва рифоҳу саодати ҷамъият саҳми бузург дорад.

Ба истиқболи Рӯзи омӯзгор санаи 6-уми октябри соли ҷорӣ дар толори бинои асосии Донишгоҳи давлатии омӯзгории Тоҷикистон ба номи Садриддин Айнӣ чорабинии идона баргузор гардид, ки дар он устодону донишҷӯён ва намояндагон аз Вазорати маориф ва илми ҷумҳурӣ ширкат варзиданд.

КОНФРОНС БАХШИДА БА РӮЗИ ЗАБОНИ ДАВЛАТӢ ДАР ДОНИШГОҲ

Забони тоҷикӣ ҳамчун забони давлатӣ дар Ҷумҳурии Тоҷикистон аз ҷойгоҳи хосса бархӯрдор буда,  ҳамасола ба хотири гиромидошти он санаи 5-уми октябр дар мамлакат “Рӯзи забони давлатӣ” ҷашн гирифта мешавад. Бо ин мақсад бо ташаббуси факултети филологияи тоҷик имрӯз, 5-уми октябр, дар толори калони бинои асосии Донишгоҳи давлатии омӯзгории Тоҷикистон ба номи Садриддин Айнӣ конфронс бо ширкати устодону донишҷӯён баргузор гардид.

ДИКТАНТ БА ИСТИҚБОЛИ РӮЗИ ЗАБОНИ ДАВЛАТӢ

Имрӯз, 5-уми октябри соли 2018, дар идомаи чорабиниҳои ҷашнӣ ба ифтихори Рӯзи забони давлатии Ҷумҳурии Тоҷикистон бо ташаббуси Раёсати донишгоҳ донишҷӯён ва устодони факултет ва кафедраҳо ба навиштани диктанти умумӣ ҷалб карда шуданд. Мавзӯъҳои диктант аз матнҳои бадеии классикони гузаштаи тоҷик, осори адибони муосир ва суханрониҳои Пешвои миллат баргузида шуда, навиштани диктант ба таври муташаккилона соати 09⁰⁰ оғоз ёфт.