|
12.05.2023 08:36 |
|
There are no translations available.
ҶОПОН ДУРНАМОИ МУНОСИБАТҲОРО БО ДОНИШГОҲ БАРРАСӢ НАМУД
 12-уми майи соли равон вазъи кунунӣ ва дурнамои муносибатҳои дуҷониба миёни Донишгоҳи давлатии омӯзгории Тоҷикистон ба номи С. Айнӣ ва Сафорати Ҷопон дар Ҷумҳурии Тоҷикистон зимни мулоқоти ҳайати намояндагони ин сафорат таҳти сарварии Мушовир, муовини роҳбари намояндагӣ муҳтарам Томонори Ҳасегава бо муовини ректор оид ба робитаҳои байналмилалӣ, Қурбонзода Рухшона баррасӣ гардид.Зимнан Қурбонзода Рухшона аз ташаббус дар самти таҳкими ҳамкориҳо изҳори қаноатмандӣ намуд, иброз дошт, ки минъбаъд дар доираи ҳамкориҳои судманд ҷиҳати таъсиси ихтисоси забони ҷопонӣ, роҳандозӣ намудани барномаҳои таҳсилотии муштарак, табодули академии донишҷӯён, магистрон ва такмили ихтисоси омӯзгорон тадбирҳои зарурӣ андешида хоҳад шуд.
|
|
04.05.2023 11:39 |
|
There are no translations available.
ТАҶЛИЛИ РӮЗӢ “ФРАНКОФОНИЯ” ДАР ДОНИШГОҲ
 Дар тарърихи 4 майи соли 2023 дар толори бинои асосии ДДОТ ба номи Садриддин Айнӣ бахшида ба рӯзи байналмилалии забони франсавӣ “Франкофония” чорабинии фарҳангӣ бо иштироки муовини ректор оид ба робитаҳои байналмилалӣ, профессор Қурбонзода Рухшона, ҷонишини сафири фавқулода ва мухтори Ҷумҳурии Фаронса дар Тоҷикистон Филипп Иду, масъули бахши фарҳангии сафорат Эва Тозйе, як қатор кормандони сафорат, муовини раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ Шарифова Мушаррафа, кормандони Маркази фарҳангии “Бохтар”, аз ҷумла Амалхонум Гаҷиева ва омӯзгорону донишҷӯёни шуъбаи забони фаронсавии факултети забонҳои романию германӣ баргузор гардид.
Чорабинии фарҳангиро мудири кафедраи забони франсавӣ Султонзода Соқӣ ҳусни оғоз бахшида, риштаи суханро ба муовини ректор Қурбонзода Рухшона дод. Зимни суханронӣ Қурбонзода Рухшона ҳузури меҳмононро хайрамақдам гуфта, аз таърихи робитаҳои дуҷониба ва ҳамкориҳо миёни Тоҷикистону Фаронса андешаронӣ намуд. Сипас, муовини сафир Филипп Иду дар хусуси мавқеи забони фаронсавӣ дар ҷаҳон сухан ронда, таъкид дошт, ки бо забони фаронсавӣ на фақат мардуми Фаронса, балки дигар кишварҳои олам низ такаллум мекунанд ва шумораи фаронсавизабонони олам феълан бештар аз 300 миллион нафар аст. Сафир барои қабули гарми ректори донишгоҳ ва омӯзгорону донишҷӯён изҳори сипос намуд.
|
|
04.05.2023 11:37 |
|
There are no translations available.
МУЛОҚОТ ДАР АСОСИ РАВОБИТИ ДУҶОНИБА
 Дар доираи созишномаи мавҷудаи байни Донишгоҳи давлатии омӯзгории Тоҷикистон ба номи Садриддин Айнӣ ва Донишкадаи соҳибкорӣ ва омӯзгории шаҳри Деҳнави Ҷумҳурии Ӯзбекистон дар таърихи 4 майи соли 2023 намояндагони муассисаи таълимии кишвари ҳамсоя бо маъмурияти донишгоҳ мулоқот анҷом доданд. Зимни ташрифоти меҳмонон муовини ректор оид ба муносибатҳои байналмилалӣ Қурбонзода Рухшона Қурбон онҳоро пазироӣ намуда, мудири кафедраи педагогика ва психология, дотсент Исматов Суннатулло Шамсуллоевич, омӯзгорони кафедраи мазкур Урозов Фахриддин Исакович, Юлдошев Тожиддин Абдукаримович, Шукуров Рустам Эшонкуловичро ба ҳозирин муаррифӣ намуд.
|
|
26.04.2023 04:51 |
|
There are no translations available.
ИДОМАИ ҲАМКОРӢ: ТАВАҶҶУҲИ БОНКИ РУШДИ ОСИЁ БА ДОНИШГОҲИ ОМӮЗГОРӢ ЗИЁД АСТ
 Донишгоҳи давлатии омӯзгории Тоҷикистон ба номи Садриддин Айнӣ барои густариш додани муносибатҳои дуҷонибаи судманди байналхалқӣ бо ташкилотҳои бонуфузи молиявии ҷаҳон ҳамкориҳои зичро ба роҳ монда, ҷиҳати рушду нумуи донишгоҳ ва низоми таълиму тарбия ҷидду ҷаҳд менамояд.26-апрели соли ҷорӣ муовини ректор оид ба робитаҳои байналмилалӣ, Қурбонзода Рухшона бо намояндагони Бонки рушди Осиё дар Тоҷикистон мулоқоти корӣ доир намуд.
Зимни мулоқот, ҷонибҳо барои тавсеаи ҳамкорӣ дар бахшҳои гуногуни низоми таҳсил, аз ҷумла дар бораи муҷаҳҳаз намудани синфхонаҳои лабараторӣ бо лавозимоти муосир барои омӯзиши фанҳои дақиқ (STEM), синфхонаҳои компютерӣ барои таҳсилоти фосилавӣ (E-learning) ва дигар самтҳои ҳамкорӣ ибрози андеша намуданд.
|
|
26.04.2023 02:47 |
|
There are no translations available.
МУОВИНИ ВАЗИРИ МАОРИФ ВА ИЛМИ КИШВАР АЗ ЛИТСЕЙИ НАЗДИ ДОНИШГОҲ ДИДАН НАМУД
 Имрӯз, 25-уми апрели соли 2023 дар доираи ташрифи корӣ Абдулзода Зиёдулло, муовини Вазири маориф ва илми Ҷумҳурии Тоҷикистон, Саидзода Ҳикматулло, сардори Раёсати кадрҳо ва корҳои махсуси вазорати маориф ва илми Ҷумҳурии Тоҷикистон, Асомиддинзода Шарофиддин, сардори Раёсати таҳсилоти миёнаи умумии вазорати маориф ва илми Ҷумҳурии Тоҷикистон аз Литсейи тозатаъсиси назди донишгоҳ дидан намуданд.Маврид ба зикр аст, ки муовини Вазири маориф ва илми Ҷумҳурии Тоҷикистон аз таъмиру муҷаҳҳаз намудани Литсей бо лавозимоти таълимӣ хуб истиқбол намуда, ба сифату тарҳи мизу курсиҳои замонавие, ки аз ҷониби Парки технологии Донишгоҳ истеҳсол шудаанд, баҳои баланд дод.
|
|
24.04.2023 08:43 |
|
There are no translations available.
ҶАЛАСА: ДАР ДОНИШГОҲИ ОМӮЗГОРӢ ОСОРХОНАИ ТАЪРИХӢ ТАЪСИС ДОДА МЕШАВАД
 24-уми апрели соли 2023 ҷаласаи васеи назоратии Аҳлиддин Ибодуллозода, ректори Донишгоҳ бо ширкати муовинони ректор, деканони факултетҳо, мудирони кафедраҳои умумидонишгоҳӣ ва сардорони шуъбаҳо ҷиҳати беҳтар намудани сатҳу сифати таълиму тарбия баргузор гардид.Дар ҷаласа Аҳлиддин Ибодуллозода якқатор масъалаҳои муҳим, аз ҷумла назарати ҷиддии раванди ҳозиршавии омӯзгорон ба дарс, танзими меъёри ҳуҷҷатҳо, назорати ҳуҷҷатҳои шаҳрвандон ва баррасии онҳои дар муҳлатҳои муқарраршуда, танзими ҳуҷҷатҳои хатмкунандагон шакли таҳсили рӯзона ва фосилавиро мавриди баррасӣ қарор дод.
Илова бар ин, дар ҷараёни ҷаласаи корӣ Аҳлиддин Ибодуллозода ёдовар шуд, ки дар ошёнаи аввали бинои нави таълимие, ки сохтмонаш дар ҳоли анҷомёбӣ қарор дорад, Осорхонаи таърихӣ таъсис дода шуда, дастовардҳои таърихии Донишгоҳ гузошта мешавад.
|
|
24.04.2023 03:04 |
|
There are no translations available.
ИБОДУЛЛОЗОДА: СОДИҚОНА ХИДМАТ НАМУДАНРО БОЯД АЗ ПЕШВОИ МИЛЛАТ ОМУХТ!
18-уми апрели соли 2023 бори нахуст бо ибткори Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ 25 нафар донишҷӯён ихтиёран хидмати ҳарбиро интихоб намуданд, ки Раёсати донишгоҳ наваскаронро дар саҳни бинои асосӣ истиқбол намуда, дар шароити тантанавӣ ба хидмати ҳарбӣ фиристода шуданд.
Дар маросими истиқболи наваскарон Аҳлиддин Ибодуллозода суханронӣ намуда, изҳор дошт, ки воқеан хизмат ба Ватан қарзи ҳар шаҳрванд буда, далериву ҷасурӣ ва ҷавонмардии ҳар нафари бо нангу номусро талаб мекунад. Хизмат дар сафи Қувваҳои мусаллаҳ боиси ифтихору сарбаландист ва ҳамагии мо бояд содиқона ба Ватан хидмат намуданро аз Асосгузори сулҳу ваҳдати миллӣ-Пешвои муаззами миллат омӯзему дар ин замина ҷавононро ҳанӯз аз даврони мактабхонӣ ба хизмати Ватан омода намоем.
|
|
