Магистрони Донишгоҳи давлатии омӯзгории Тоҷикистон ба номи Садриддин Айнӣ ҷиҳати иҷрои дастури раёсати донишгоҳ дар моҳвораи ҷавонон ва нақша-чорабиниҳо бо мақсади аз наздик шинос шудан аз давраҳои пурифтихори таърихи халқи тоҷик, махсусан аз ёдгориҳо ва бозёфтҳои нодири таърихӣ ва ташвиқу тарғиби арзишҳои таърихиву фарҳангии кишвар дар ин замина ҷиҳати баланд бардоштани тафаккури сиёсиву маънавӣ, ҳуқуқӣ ва худшиносиву худогоҳии ҷавонон ба Муассисаи давлатии "Осорхонаи миллӣ"-и Дастгоҳи Иҷроияи Президенти Ҷумҳурии Тоҷикистон ташриф оварда аз толорҳои ин муассисаи таърихӣ дидан намуданд.

29-уми апрели соли ҷорӣ Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ бо Роҳбари минтақавии донишкадаи Гиёте хонум доктор Уҳлиг Ҳайке аз Мюнхени Олмон, Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шуграф, Сардори бахши забони олмонии донишкадаи Гёте дар Тошканд Дилдора Муҳаммадаминова, Атташеи фарҳанги Сафорат Яна Тисс, кордори сафорат оид ба фарҳанг, матбуот ва сиёсат Афзалшоҳ Ҷабборов дар доираи ташриф мулоқот анҷом дод.

Баррасӣ ва пажуҳиши масъалаҳои умдаи соҳаҳои забон ва адабиёт бо дидгоҳи тоза меҳвари аслии мақолаҳои маҷмуаро ташкил медиҳад. Он барои пажуҳишгарони соҳа, устодони донишгоҳҳо, унвонҷўён, ҳаводорони забон ва адабиёт ва оммаи васеи хонандагон пешбинӣ шудааст.

Дар Донишгоҳи давлатии омӯзгории Тоҷикистон ба номи Садриддин Айнӣ дар доираи дастури раёсати донишгоҳ ва иҷроиши нақша-чорабиниҳо дар доираи моҳвораи ҷавонон ҷиҳати сазовор таҷлил намудани 23-май Рӯзи ҷавонони Тоҷикистон бо ибтикори шуъбаи кор бо ҷавонон, кафедраи тарбияи ҷисмонӣ ва мудофиаи шаҳрвандӣ нимаи дуюми рӯзи 24-уми апрели соли равон мусобиқаи варзишӣ аз рӯи футболи хурд барои дарёфти “Ҷоми ректори донишгоҳ” дар байни чаҳордаҳ дастаи донишҷӯписарони факултетҳо оғоз гардид.

Имрӯз тибқи нақшаи раёсати донишгоҳ дарси омӯзиши забони англисӣ барои омӯзгорон аз ҷониби профессори факултети забони англисӣ ва забонҳои Шарқ, муаллифи чанде аз китобҳои омӯзиши забони англисӣ Самидин Ҷоматов баргузор гардид.