ИҶЛОСИЯИ ТАҚДИРСОЗ

10-уми ноябри соли равон дар факултети педагогика бахшида ба 30-юмин солгарди Иҷлосияи 16-уми Шурои Олии Ҷумҳурии Тоҷикистон чорабинии сиёсию фарҳангӣ баргузор гардид. Дар чорабинӣ раиси Шурои кураторон Сатторов Н., раиси Шурои занон Давлатзода М., раиси собиқадорон Қосимова Р., раиси Иттифоқи касабаи донишҷӯён  Раҷабов Д., мудири шуъбаи таҳлил, робита ва кор бо ҷомеа Алланазаров  Ш. ва мудири шуъбаи кор бо ҷавонон Каримов Д. иштирок карданд. Чорабиниро декани факултет Давлатзода Фаридун  ҳусни оғоз бахшида, перомуни Иҷлосияи 16-уми Шурои Олӣ ва нақши он дар бунёди давлати навини тоҷикон сухан ронд.

ТАҲЛИЛИ НАҚШИ ИҶЛОСИЯ

Имрӯз, дар таърихи 10 ноябри соли 2022 дар факултети забон ва адабиёти руси ДДОТ ба номи Садриддин Айнӣ  бахшида ба 30-юмин солгарди Иҷлосияи 16-уми  Шӯрои Олӣ маҳфили илмӣ баргузор гардид. Дар чорабинии мазкур  садорати факултет, як зумра устодон ва донишҷӯён, ҳамчунин намояндагони дигар сохторҳои донишгоҳ  иштирок доштанд. Чорабиниро декани факултет, н.и.ф. Исломова Ҷ.  ҳусни оғоз бахшида, зикр кард, ки муҳимтарин масъалаи Иҷлосия ин интихоби як роҳбари сиёсӣ буд, ки дар таърихи  19 ноябри соли 1992 номзадии депутати халқӣ Эмомалӣ Раҳмон пешниҳод гардид. Дар натиҷаи  овоздиҳии пинҳонӣ  аз 197 вакил  186 нафари онҳо ба ҷонибдории Эмомалӣ Раҳмон овоз доданд ва мутобиқи моддаи 109 Конститутсияи (ҳамонвақтаи) Ҷумҳурии Тоҷикистон  Эмомалӣ Раҳмон раиси Шӯрои Олӣ интихоб гардиданд.

МИЗИ МУДАВВАР-СЕМИНАРИ ИЛМИИ ДОНИШҶЎЁН

Дар факултети забон ва адабиёти руси Донишгоҳи давлатии омӯзгории Тоҷикистон ба номи Садриддин Айнӣ бо ибтикори  кафедраи забони муосири рус ва забоншиносии умумӣ мизи мудаввар-семинари илмии донишҷўён таҳти унвони «Нақши Президенти Ҷумҳурии Тоҷикистон дар баланд бардоштани ҳуқуқ ва самаранокии фаъолияти илмии ҷавонон» бахшида ба 28-умин солгарди Конститутсияи Ҷуҳурии Тоҷикистон ва Рўзи Президент  баргузор гардид. Дар чорабинии мазкур устодон, донишҷўён ва намояндагони Раёсати донишгоҳ иштирок намуданд.

ИШТИРОКИ НАМОЯНДАИ ДОНИШГОҲИ ОМӮЗГОРӢ ДАР ЛОИҲАИ "ЛЕКСИЯИ ТИЛЛОӢ"

Донишгоҳи давлатии омӯзгории Тоҷикистон ба номи Садриддин Айнӣ узви Шурои ҷамъиятии Донишгоҳи давлатии омӯзгории Москва (ДДОМ) – ташкилоти базавии Иттиҳоди Давлатҳои Мустақил оид ба омода намудани кадрҳои педагогӣ мебошад. Ба ҳайати Шурои мазкур пешқадамтарин донишгоҳҳои омӯзгории ИДМ шомиланд.

ДОНИШГОҲИ ОМӮЗГОРӢ КОНФРОНСИ БАЙНАЛМИЛАЛИРО БО НАМОЯНДАГОНИ 5 КИШВАРИ ДУНЁ ТАШКИЛ ВА БАРГУЗОР НАМУД

Дар доираи ҳамкориҳои мутақобила бо донишгоҳҳои хориҷи кишвар дар таърихи  10-уми ноябри соли 2022  бо ибтикори Донишгоҳи давлатии омӯзгории Тоҷикистон  ба номи Садриддин Айнӣ  конфронси байналмилалии илмӣ-амалии онлайн  таҳти унвони "Таҳсилоти педагогӣ дар заминаи равандҳои тағирёбанда: захираҳо ва механизмҳои таъмини рушди устувори ҷомеа" ташкил ва баргузор карда шуд.  Лозим ба зикр аст, ки Донишгоҳи давлатии омӯзгории Тоҷикистон  ба номи Садриддин Айнӣ  ташкилкунандаи асосии конфронси мазкур буда, дар кори он намояндагони 5 давлати дунё, аз қабили Донишгоҳи давлатии омӯзгории Тоҷикистон  ба номи Садриддин Айнӣ (Ҷумҳурии Тоҷикистон), Донишгоҳи давлатии омӯзгории Беларус (Ҷумҳурии Беларус), Донишгоҳи давлатии омӯзгории шаҳри Маскав (Федератсияи Россия), Донишгоҳи давлатии омӯзгории Арманистон ба номи Хачатур Абовян (Ҷумҳурии Арманистон), Донишгоҳи давлатии Қарағанда ба номи Е.А. Букетов (Ҷумҳурии Арманистон) ва  Донишгоҳи славянии Ҷумҳурии Молдова (Ҷумҳурии Молдова) иштирок ва суханронӣ намуданд.

ДАРСИ КУШОДИ НАВБАТӢ ДАР КОЛЛЕҶИ ОМӮЗГОРӢ

Дар асоси нақшаи тасдиқнамудаи раёсати донишгоҳ дар Коллеҷи омӯзгории ба номи Х. Махсумоваи ДДОТ ба номи Садриддин Айнӣ мунтазам аз тарафи омӯзгорони таҷрибадори донишгоҳ дарсҳои намунавӣ баргузор карда мешаванд. Ҳадаф аз баргузории чунин дарсҳо баланд бардоштани сифати таълим ва рушди малакаи касбии омӯзгорон маҳсуб меёбад. Ҳамин тавр, дарси намунавии навбатӣ аз тарафи омӯзгори донишгоҳ Нигора Сатторова дар курси 1-уми ихтисоси забони англисӣ дар мавзӯи “Four skills of learning English” гузаронида шуд. Дар дарс дар қатори донишҷӯён устодони коллеҷ низ ширкат намуданд.

СЕМИНАРИ ИЛМИИ МУШТАРАК

Дар таърихи 9-уми ноябри соли 2022 семинари илмии муштараки кафедраҳои анализи математикӣ, алгебра ва назарияи ададҳои факултети математика ва информатикаи ДДОТ ба номи С.Айнӣ баргузор шуд. Азбаски Донишгоҳи давлатии омӯзгории Тоҷикистон ба номи С.Айнӣ ҳамчун муассиси пешбар ба рисолаи илмии Хайруллоев Ш.А. дар мавзӯи «Нулҳои ҳосилаҳои функсияҳои Харди ва Дэвенпорт-Хейлбронн, ки дар порчаҳои кӯтоҳи хати рости критикӣ мехобанд» интихоб шудааст, бинобар ин дар семинар рисолаи доктории номзади илмҳои физикаю математика, дотсенти кафедраи алгебра ва назарияи ададҳои Донишгоҳи миллии Тоҷикистон Хайруллоев Ш.А. «Нулҳои ҳосилаҳои функсияҳои Харди ва Дэвенпорт-Хейлбронн, ки дар порчаҳои кӯтоҳи хати рости критикӣ мехобанд» мавриди таҳлилу баррасӣ қарор гирифт.