“ЗАБОНИ МИЛЛАТ - ҲАСТИИ МИЛЛАТ”

Забон муҳимтарин унсури муайянкунандаи ҳастии ҳар миллат аст. Таърих гувоҳ аст, ки агар забони миллӣ аз байн равад, миллат ҳам дер ё зуд тафаккури миллии худро аз даст дода, оқибат завол меёбад”.

Бо чунин суханони пурҳикмати Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дарси кушоди тарбиявии донишҷӯёни соли сеюми факултети биология зери роҳбарии куратори гурӯҳ Сатторов Б., баргузор гардид. Нахуст, декани факултет н.и.б., Бобозода Илҳомҷон доир ба муҳтаво ва нақши асари пурарзиши Пешвои миллат, андешаронӣ намуд. Дар идома донишҷӯён доир ба ҳар фасли ин асари пурмазмун маълумот дода,

ҒОЛИБИЯТИ ДОНИШҶӮЁН ДАР ОЛИМПИАДАИ ҶУМҲУРИЯВӢ

Рӯзҳои 12 ва 13-уми марти соли 2021 дар Академияи миллии илмҳои Тоҷикистон барои дарёфти ҷоми Академия дар байни муассисаҳои олии кишвар олимпиадаи ҷумҳуриявӣ баргузор гардид, ки дар он донишҷӯёни болаёқати донишгоҳ иштирок намуданд.

Дар ҷамъбасти олимпиада донишҷӯёни зерини донишгоҳ аз рӯйи ихтисоси биология Бозорова Нилуфар ба гирифтани ҷои аввал, Раҷабов Фозилҷон ба гирифтани ҷои дувум ва инчунин Рӯзиматова Парвина аз рӯйи ихтисоси химия ба гирифтани ҷои дуввум сарфароз гардиданд.

ГӮШИ ДУНЁ БИШНАВАД, ОВОЗИ АНГУШТИ МАРО

Санаи 11-уми марти соли 2021 бо ташаббуси муовини директор оид ба ба корҳои таълимии “Мактаб-интернати ҷумҳуриявии кӯдакони ношунавои ноҳияи Рӯдакӣ”, ҳамзамон, саромӯзгори кафедраи педагогикаи махсус ва таҳсилоти фарогири ДДОТ ба номи Садриддин Айнӣ Қувватов Саттор Дилдорович дар муассисаи мазкур таҳти унвони “Гӯши дунё бишнавад, овози ангушти маро” озмун байни хонандагони синфҳои дуюм баргузор гардид.

САЙИДО БАЗМЕ БА ХУНИ ДИЛ МУҲАЙЁ КАРДААСТ...

Рӯзи 12-уми марти соли 2021 дар толори Шӯрои олимони факултети филологияи тоҷики ДДОТ ба номи Садриддин Айнӣ бо ташаббуси қисми тарбияи факултет ва омӯзгорони кафедраи назария ва таърихи адабиёт дотсент Қурбонов А., муаллими калон Норова Г., конференсия дар мавзӯи “Сайидо ва мавқеи он дар адабиёти тоҷик” баргузор гардид. Нахуст, устодон д.и.ф., профессор Муллоев Абдусамад ва дотсент Қурбонов Абдумаҷид атрофи рӯзгор ва осори шоири ширинсухани асри ХVII - и тоҷику форс  Миробид Сайидои Насафӣ андешаронӣ намуданд.

ЧАШМИ МАРДУМРО КУШОЯД МАТБУОТ

«Матбуот –оинаи ҳаёт»-бо чунин унвон бо ибтикори кафедраи забони тоҷикӣ дар ДДОТ ба номи Садриддин Айнӣ ба ифтихори Рӯзи матбуот ҳамоиши пуршукӯҳ  баргузор гардид, ки дар он роҳбарият, ҳайати профессорону омӯзгорон ва донишҷӯёни фаъоли ин боргоҳи маърифат ширкат доштанд.

Ректори донишгоҳ, профессор Нуъмонҷон Ғаффорӣ ҳангоми ироаи сухани ифтитоҳӣ роҷеъ ба вижагиҳои матбуоти замони истиқлол, ҳифзи он аз хатару таҳдидҳои ҷаҳонишавӣ, роҳҳои таҳкими амнияти фазои расонаӣ ва усулҳои пешгирии таъсири ахбори муҒризонаи шабакаҳои иҷтимоӣ ба афкори ҷавонон, бахусус донишҷӯён ибрози назар кард.

ТАШРИФИ ВАЗИРИ МАОРИФ ВА ИЛМИ КИШВАР БА

ДДОТ БА НОМИ САДРИДДИН АЙНӢ

Субҳи 10-уми марти соли 2021 бо мақсади боздид аз рафти корҳои ободониву созандагӣ дар ДДОТ ба номи Садриддин Айнӣ Вазири маориф ва илми Ҷумҳурии Тоҷикистон Имомзода Муҳаммадюсуф Сайдалӣ, муовини якуми Раиси шаҳри Душанбе Қурбонзода Амирхон Файзулло, Раиси ноҳияи Исмоили Сомонӣ Самӣ Шариф, намояндагони Мақомоти иҷроияи ҳокимияти давлатии шаҳри Душанбе ба ин боргоҳи маърифат ташриф оварданд. Меҳмонон аз  рафти корҳои ободонивув созандагӣ дидан намуда, ба хотири сазовор таҷлил намудани 30-солагии Истиқлолият ба роҳбарияти донишгоҳ дастуру супоришҳои мушаххас доданд.

ПАЁМИ ПЕШВО РАҲНАМОИ МО

Санаи 10-уми марти соли 2021 дар толори бинои асосии ДДОТ ба номи Садриддин Айнӣ тибқи қарори раиси шаҳри Душанбе бо мақсади иҷрои Паёми Президенти Ҷумҳурии Тоҷикистон аз 26-уми январи соли 2021 “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон ва тарғиби дастоварду арзишҳои 30-солагии Истиқлолияти кишвар” бо иштироки меҳмонон алалхусус, муовини раиси шаҳри Душанбе Муинӣ Мавсума Муинзода, сардори раёсати кор бо ҷавонон ва варзиши шаҳри Душанбе Раҳимзода Ш., директори муассисаи давлатии “Телевизиони Душанбе” Рауфзода С., ва муовини ректор оид ба корҳои илмӣ, д.и.б., профессор Мирзораҳимов А., муовини ректор оид ба корҳои тарбиявӣ Мусоҷонзода Ҷ., ва донишҷӯёни донишгоҳ баргузор гардид.

Паёми шодбошии Президенти Ҷумҳурии Тоҷикистон,

Пешвои миллат муҳтарам Эмомалӣ Раҳмон ба муносибати Рӯзи модар

07.03.2021 18:00, шаҳри Душанбе

Модарону бонувони арҷманд ва хоҳарони азиз!

Ба ифтихори Рӯзи модар, ки дар оғози фасли зебои баҳор фаро мерасад, тамоми модарону бонувони муҳтарам ва хоҳарону духтарони азизро самимона табрик мегӯям ва ба ҳар яки онҳо, пеш аз ҳама, саломатӣ, хушбахтӣ ва рӯзгори осуда орзу менамоям.

Модар ягона мавҷуди мушфиқу ғамхор ва мӯнису меҳрубонест, ки ба фарзанд ҳаёт мебахшад, ба ӯ сухан гуфтану роҳ рафтанро ёд медиҳад, ӯро тарбия мекунад ва дар раванди тарбия дар қалби фарзанди худ эҳсоси муҳаббату самимият, некиву накӯкорӣ ва инсондӯстиро ба вуҷуд меоварад, барои босаводу соҳибмаърифат ва соҳиби касбу ҳунар шудани нури чашмонаш саъю талош менамояд.