ТАҶРИБА ВА САҲМИ ЛОИҲАИ "РУШДИ ТАҲСИЛОТИ ОЛӢ" ДАР ТОҶИКИСТОН

28 апрели соли 2022 дар Донишгоҳи давлатии тиббии Тоҷикистон ба номи Абӯалӣ ини Сино бо иштироки муовини вазири маориф ва илм Лутфия Абдулхолиқзода, намояндагони лоиҳаи “Рушди таҳсилоти олӣ”, вазорату идораҳои дахлдор, муассисаҳои таҳсилоти олии касбӣ ва Бонки ҷаҳонӣ дар мавзӯи “Таҷриба ва саҳми Лоиҳаи “Рушди таҳсилоти олӣ” дар Тоҷикистон” конфронс баргузор гардид, ки дар он намояндагони Донишгоҳи давлатии омӯзгории Тоҷикистон ба номи Садриддин Айнӣ низ ширкат варзиданд.

МИЗИ МУДАВВАР БАХШИДА БА ОМӮЗИШ ВА РУШДИ ИЛМҲОИ ТАБИАТШИНОСӢ ВА РИЁЗӢ

28 апрели соли 2022 дар Донишгоҳи давлатии омӯзгории Тоҷикистон ба номи Садриддин Айнӣ мизи мудаввар дар мавзӯи “Омӯзиш ва рушди илмҳои табиатшиносӣ ва риёзӣ” бахшида ба “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баргузор гардид. Дар мизи мудаввар муовини ркктор оид ба корҳои илмӣ Акобир Мирзораҳимов, сардори раёсати илм ва инноватсия Комрон Кудратов, сардори шуъбаи тайёр кардани кадрҳои илмӣ ва илмӣ педагогии донишгоҳ Раъно Бобокалонова ва унвонҷӯёну докторантони донишгоҳ иштирок карданд.

ДАВРИ ДОНИШГОҲИИ ОЗМУНИ ҶУМҲУРИЯВИИ  «ФУРӮҒИ СУБҲИ ДОНОӢ КИТОБ АСТ» БАРГУЗОР ГАРДИД

Дар Донишгоҳи давлатии омӯзгории Тоҷикистон ба номи Садриддин Айнӣ даври донишгоҳии озмуни ҷумҳуриявии «Фурӯғи субҳи доноӣ китоб аст» доир гардид. Нахуст, муовнини ректор оид ба корҳои тарбиявӣ Ҷамила Мусоҷонова баромад намуда, перомуни   аҳамияти фарҳангию маърифатӣ ва нуфузу мақоми ин озмуни шуҳратёр ибрози ақида кард. Мавсуф аз ҷумла зикр кард, ки маҳз бо дастгириҳои маърифатпарваронаи Пешвои миллат солҳои охир илму маърифат рушд намуда, миқдори ширкаткунандагони озмунҳои сатҳи ҷумҳуриявӣ бештар мегардад.

Мулоқот бо директори АМАР

26 апрели соли 2022 директори Агентии мустақили аккредитатсия ва рейтинги Ҷумҳурии Қазоқистон Алина Жумагулова ва намояндаи агентии мазкур Олга яновская ба донишгоҳи давлатии Омӯзгории Тоҷикистон ба номи Садриддин Айнӣ ташриф оварда, бо ректори донишгоҳ профессор Нӯъмонҷон Ғаффорӣ ва муовини ректор оид ба робитаҳои байналмилалӣ дотсент Азам Байдуллоев мулоқот анҷом доданд.

АТТЕСТАТСИЯИ УНВОНҶӮЁН ВА ДОКТОРАНТОН ДАР ДОНИШГОҲ

25-26 апрели соли 2022 дар Донишгощи давлатии омӯзгории Тоҷикистон ба номи Садриддин Айнӣ аттестатсияи унвонҷӯён ва докторантон баргузор гардид. Дар ҷаласа ҳисоботи унвонҷӯён ва докторантон дар бораи ҳолати иҷрои корҳои илмӣ-тадқиқотӣ ва таълимии онҳо дар соли гузашта, мувофиқати ҳаҷми кори иҷрошуда бо нақшаи инфиродӣ, нақшаҳо барои соли оянда, инчунин ҳисобот оид ба ҳолати рисолаҳо шунида ва баррасӣ шуданд. Дар фарҷом аз тарафи комиссия ба ҳисоботдиҳандагон маслиҳатҳои муфид барои пешбурди самараноки корҳои илмӣ дода шуд.

ДАВРИ ДОНИШГОҲИИ ОЗМУНИ ҶУМҲУРИЯИВИИ «ИЛМ – ФУРӮҒИ МАЪРИФАТ»

Бо ташаббус ва ибтикори Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон Эмомалӣ Раҳмон бо мақсади дар амал татбиқ намудани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (солҳои 2020-2040) соли дувум аст, ки озмуни ҷумҳуриявии «Илм – фурӯғи маърифат» баргузор карда мешавад. Ҳадаф аз ташкил ва баргузор намудани озмун ин  рушди тафаккури техникии донишҷӯёну хонандагони макотиби оливу миёна, васеъ намудани ҷаҳонбинии илмӣ, дастрасӣ пайдо намудан ба техникаву технология, тавсеаи ихтироъкорӣ ва навоварӣ, пайвасти илм бо истеҳсолот, равнақ додани омӯзиши фанҳои табиатшиносӣ, дақиқ ва риёзӣ, инчунин дарёфти истеъдодҳои нав дар ин самт мебошад.

ВОХӮРИ БО ХАТМКУНАНДАГОН

Дар толори бинои асосии Донишгоҳи давлатии омӯзгории Тоҷикистон ба номи Садриддин Айнӣ ҷамъомад оиди тақсимоти пешакии хатмкунандагое, ки тариқи буҷавӣ ва квотаи президентӣ таҳсил мекунанд, баргузор гардид. Дар ин ҷамъомад сардори раёсати таълим Наҳтулло Айнулозода, сардори шуъбаи кадрҳо ва корҳои махсус Давлатхон Назаров, ҳуқуқшинос Шӯҳрат Шарипов, мудири маркази таҷрибаомӯзӣ Маҳмадалӣ Маҳмадаминов, садорати факултетҳо ва мудирони кафедраҳои тахассусӣ ширкат варзиданд.

ФЕСТИВАЛИ «ҲАМРАНГИ ЗИНДАГӢ» ИФОДАКУНАНДАИ ФАРҲАНГИ МИЛЛӢ

20 апрели соли 2022 дар Донишгоҳи давлатии омӯзгории Тоҷикистон ба номи Садриддин Айнӣ фестивали донишгоҳии «Ҳамранги зиндагӣ» баргузор гардид. Фестивали мазкур дар асоси талаботи Дастурамали либосҳои тавсиявӣ ташкил шуда, дар он либосҳои миллии кӯдакона, наврасон ва калонсолон, либосҳои махсуси идораву муассиса, корхонаву коргоҳҳо, либосҳои арӯсӣ ба намуди аврупоию миллӣ ва амсоли инҳо намоиш дода шуданд.