Боздид аз истифодаи самараноки қитъаи замини

наздиҳавлигии оилаи Воисовҳо дар шаҳри Панҷакент

12.09.2020 10:07, шаҳри Панҷакент

12 сентябри соли 2020 Асосгузори сулҳу ваҳдати миллӣ - Пешвои миллат, Президенти Ҷумурии Тоҷикистон муҳтарам Эмомалӣ Раҳмон зимни сафари корӣ дар шаҳри Панҷакенти вилояти Суғд дар деҳаи Бостондеҳи деҳоти Саразм, аз истифодаи оқилонаи замини наздиҳавлигии бародарон Абдурауф ва Адҳам Воисовҳо диданд намуданд.

Масоҳати замини дар ихтиёрдоштаи бародарон Воисовҳо 1000 метри мураббаъро ташкил дода, 10 садякаш қитъаи зироаткории ин оиларо ташкил медиҳад. Хоҷагидорон бо мақсади истифодаи оқилонаи замин дар доираи ҳидоятҳои Пешвои муаззами миллат, ҳар як ваҷаб заминро самаранок истифода бурда, анвои гуногуни зироатҳои кишоварзӣ, аз ҷумла помидору бодиринг, сабзӣ, картошкаву пиёз, шалғам, турб, карам, қаламфури булғорӣ, маккаи дон, лӯбиёгӣ ва дигар зироатҳои кишоварзӣ кишт намудаанд.

Ифтитоҳи Ҷамъияти саҳҳомии пӯшидаи

“Мармари Саразм” дар шаҳри Панҷакент

12.09.2020 09:46, шаҳри Панҷакент

12 сентябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари корӣ ба шаҳру ноҳияҳои вилояти Суғд, дар шаҳри Панҷакент баъд аз таҷдиду муҷаҳҳазгардонӣ Ҷамъияти саҳҳомии пӯшидаи “Мармари Саразм”-ро мавриди баҳрабардорӣ қарор доданд.

Корхонаи “Мармари Саразм” дар заминаи татбиқи ҳадафҳои стратегияи чоруми миллӣ - саноатикунонии босуръати мамлакат ва дар асоси дастуру супоришҳои бевоситаи Пешвои муаззами миллат муҳтарам Эмомалӣ Раҳмон бо ибтикори ҶСП “Корпоратсияи Сомон-Суғд” фаъол карда шуд.

Корхонаи мазкур бо ҷалби 30 нафар мутахассиси маҳаллӣ ба кор дароварда шуда, аз коргоҳҳои ояндадори минтақа дониста мешавад. Кор дар ин ҷо тавассути техникаҳои муосири соҳавӣ ва бо ҷалби мутахассисони варзидаи маҳаллӣ ба роҳ монда шудааст.

Боздид аз ҶСК “Маърифатпарвар” дар шаҳри Панҷакент

12.09.2020 09:07, шаҳри Панҷакент

12 сентябр дар идомаи сафари корӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолияти коргоҳи меваи хушк ва сардхона дар Ҷамъияти саҳҳомии кушодаи “Маърифатпарвар”-и назди Донишкадаи омӯзгории Тоҷикистон дар шаҳри Панҷакент шинос шуданд.

Корхонаи “Маърифатпарвар” дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати дар амал татбиқ намудани ҳадафи чоруми стратегӣ - саноатикунонии босуръати мамлакат, Парки технологиро таъсис додааст, ки он дорои имкониятҳои васеъ барои истеҳсоли номгӯйи зиёди маҳсулот ва омӯзиши технологияи инноватсионӣ мебошад. Роҳбарияти муассиса дастгоҳи мевахушккунии муосир харидорӣ карда, коргоҳи меваи хушк ва сардхонаро фаъол гардонидаанд.

Ба истифода додани меҳмонхонаи “Саразм плаза” дар

шаҳри Панҷакент ва тақдими туҳфаҳо ба 30 ятими кулл

12.09.2020 09:05, шаҳри Панҷакент

Дар доираи сафари корӣ дар шаҳри Панҷакент Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Меҳмонхонаи “Саразм плаза”-ро мавриди баҳрабардорӣ қарор дода, дар ҳамин ҷо бо кӯдакони ятими кулл мулоқот карданд.

Тавре иттилоъ дода шуд, меҳмонхонаи шашошёна аз ҷониби Ҷамъияти дорои масъулияти маҳдуди “Панҷакентсоз” бо пайгирӣ аз иқдомҳои созандаи Сарвари давлат муҳтарам Эмомалӣ Раҳмон бунёд гардида, дар он мутобиқ ба талаботи меъёрҳои байналмилалӣ шароит фароҳам оварда шудааст.

Истиқбол дар фурудгоҳи шаҳри Панҷакент ва ба истифода

додани Беморхонаи марказӣ

12.09.2020 08:23, шаҳри Панҷакент

12 сентябри соли 2020 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари корӣ ба шаҳри Панҷакенти вилояти Суғд ташриф оварданд.

Сарвари давлатро сокинони ноҳия, ҷавонон, кормандони касбу кори гуногун ва фаъолон бо самимияти хоса истиқбол гирифтанд.

Бояд гуфт, ки сафарҳои кории Президенти мамлакат ба ин шаҳр пайки ободониву бунёдкорӣ оварда, ин навбат низ бо иштироки Пешвои муаззами миллат корхонаҳои истеҳсолӣ, инфрасохтори соҳаи сайёҳӣ ва иншооти соҳаҳои тандурустиву фарҳанг мавриди баҳрабардорӣ қарор хоҳанд гирифт.

Ба истифода додани ҶДММ “ТАЛКО Флюорит” дар мавзеи Саратоғи ноҳияи Айнӣ

12.09.2020 08:05, ноҳияи Айнӣ

12 сентябр Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои ифтитоҳ ва гузоштани санги асоси як қатор иншооти таъиноташ гуногун ва шиносоӣ бо вазъи соҳаи кишоварзӣ бо сафари корӣ ба вилояти Суғд ташриф оварданд.

Сафари кории Пешвои миллат муҳтарам Эмомалӣ Раҳмон аз ноҳияи Айнӣ оғоз гардид.

Дар фурудгоҳи муваққатии мавзеи Саратоғи ноҳияи Айнӣ Сарвари давлатро роҳбарият ва фаъолони вилоят самимона истиқбол гирифтанд.

Президенти Ҷумҳурии Тоҷикистон муҳтарам Эмомалӣ Раҳмон нахуст дар  мавзеи Саратоғ Ҷамъияти дорои масъулияти маҳдуди “ТАЛКО Флюорит”-ро мавриди баҳрабардорӣ қарор доданд.

Ошён гар мегузорӣ, дар баландиҳо гузор...

Имрӯз Толибҷон Самизода номзади илмҳои иқтисодӣ, корманди пуртаҷрибаву маҳоратманди Вазорати маориф ва илми Ҷумҳурии Тоҷикистон, саромӯзгори кафедраи иктисодиёт ва идоракунии ДДОТ ба номи Садриддин Айнӣ, барои хизматҳои бисёрсолаи бенуқсонаш, аз ҷониби Вазорати маориф ва илми Ҷумҳурии Тоҷикистон бо медали “Аълочии маориф ва илми Ҷумҳурии Тоҷикистон” мукофотонида шуд.

«Авангард» -пешоҳангони донишгоҳ

Санаи 10-уми сентябри соли равон дар толори бинои асосии донишгоҳ вохӯрии намояндагони Кумитаи давлатии амнияти миллии Ҷумҳурии Тоҷикистон бо ҷавонони гурӯҳи «Авангард»-и донишгоҳ баргузор гардид. Дар вохӯрии мазкур нахуст сардори раёсати кадрҳо ва корҳои махсуси донишгоҳ Давлатхон Назаров баромад намуда доир ба фаъолияти ҷавонони «Авангард» дар давраи маъракаи муҳими сиёсӣ-Интихоботи Президенти Ҷумҳурии Тоҷикистон маърӯза намуданд. Ҳамчунин дар идома гурӯҳи «Авангард»-и донишгоҳ  таъсис дода шуда, дар он омӯзгорони ҷавони то сини 30 -сола ҷалб гардиданд.