Баррасии масъалаи хушунату зӯроварӣ ва роҳҳои пешгирии он

Санаи 27-уми декабр бо ташаббуси факултети психология ва таҳсилоти фарогир конференсияи илмӣ-амалии ҷумҳуриявӣ дар мавзӯи «Хушунат ва роҳҳои пешгирии он» баргузор гардид, ки дар он омӯзгорону донишҷӯёни факултет, намояндагони раёсати донишгоҳ ва меҳмонон аз Маркази миллии тестии назди Президенти Ҷумҳурии Тоҷикистон, Пажӯҳишгоҳи рушди маорифи Академияи таҳсилоти Тоҷикистон ва Донишгоҳи миллии Тоҷикистон иштирок намуданд.

Баланд бардоштани сатҳи касбияти омӯзгор зарур дониста шуд

Бахшида ба Соли рушди сайёҳӣ ва ҳунарҳои мардумӣ ва ба феҳристи мероси ғайримоддии фарҳангии башарият ворид гардидани чакан санаи 27-уми декабр бо ташаббуси факултети технология ва иқтисодиёт дар толори калони бинои асосии донишгоҳ конфронси ҷумҳуриявии илмӣ-методӣ таҳти унвони “Таълими салоҳиятнокӣ дар тайёрии касбии омӯзгорони фанҳои умумитехникӣ” баргузор гардид. Дар конфронс устодону донишҷӯён ва меҳмонон аз дигар муассисаҳои таҳсилоти олии касбӣ ширкат варзиданд.

Ҳайати омӯзгорону кормандон ва донишҷӯёни донишгоҳ Паёми  навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистонро мустақиман ба таври дастаҷамъона тамошо карданд

Мизи мудаввар оид ба урфу одати миллӣ

Бо ташаббуси кафедраи умумидонишгоҳии забони русӣ санаи 24-уми декабр мизи мудаввар дар мавзӯи “Урфу одатҳои миллии халқҳои Осиёи Миёна” баргузор гардид. Дар мизи мудаввар устодону омӯзгорони кафедра, кормандони раёсати илм ва инноватсия ва донишҷӯёни факултети забонҳои романӣ-германӣ ширкат варзиданд.

Ҷамъбасти таҷрибаомӯзии таълимӣ дар факултети биология

Санаи 24-уми декабр дар факултети биология конфронси ҷамъбастии таҷрибаомӯзони курси 4-уми ихтисоси биология ва курсҳои 5-уми ихтисоси биология-химия ва биология-экология  баргузор гардид. Дар чорабинӣ декани факултет М. Ғайратов, мудири кафедраи  биологияи умумӣ ва методикаи таълими биология К. Баротов, методистон ва намояндагони бахши таҷрибаомӯзии донишгоҳ  иштирок намуданд.

Ҳимояи боз як рисолаи номзадӣ дар бахши иқтисодиёт

Санаи 12-юми декабри соли ҷорӣ устоди донишгоҳ Зиёев Бунёд Сайбурҳонҷонович рисолаи илмии номзадии худро дар мавзӯи “Совершенствование механизма регулирования землепользования в условиях аридного региона (на материалах Хатлонской области Республики Таджикистан)” аз рӯи ихтисоси 08.00.05 – Иқтисодиёт ва идоракунии хоҷагии халқ (иқтисодиёти минтақавӣ) дар шӯрои диссертатсионии якҷояи Д 999.020.02 дар заминаи Донишгоҳи миллии Тоҷикистон ва Донишгоҳи славянии Россия-Тоҷикистон таҳти роҳбарии доктори илмҳои иқтисодӣ, профессор Қудратов Рустам Раҳматович бо муваффақият ҳимоя намуд.

Чорабинии тантанавӣ бахшида ба чакан ва анҷоми Соли рушди сайёҳӣ ва ҳунарҳои мардумӣ

Дар донишгоҳ санаи 22-юми декабр ба шарафи дар Соли рушди сайёҳӣ ва ҳунарҳои мардумӣ ба феҳристи мероси ғайримоддии фарҳангии башарият шомил шудани чакан  чорабинии тантанавии ҷашнӣ баргузор гардид. Дар чорабинии ҷашнӣ, ки бо ширкати васеи устодону донишҷӯён ва меҳмонон идома ёфт, намоиши ҳунарҳои мардумӣ ва барномаи фарҳангӣ ба маърази тамошо гузошта шуд.

Маҳфили илмию адабӣ бахшида ба гиромидошти Сайидои Насафӣ

Дар толори факултети филологияи тоҷик санаи 20-уми декабр ба муносибати 400-солагии суханвари бузурги тоҷик Миробид Сайидои Насафӣ маҳфили илмию адабӣ таҳти унвони “Мақоми Сайидои Насафӣ дар шеъру адаби тоҷик” баргузор шуд. Дар чорабинӣ устодону донишҷӯён ширкат намуда, оид ба ҳаёт ва эҷодиёти шоир маърӯзаҳо шунида шуд ва барномаи адабӣ бо қироати шеърҳо аз сурудаҳои шоир пешкаш гардид.