Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати ҷашни Меҳргон

13.10.2019 08:00, шаҳри Душанбе

Ҳамватанони азиз!

Тамоми сокинони мамлакатро ба ифтихори ҷашни Меҳргон, ки мисли Наврӯз ва Сада аз ҷумлаи ҷашнҳои бостонии халқамон мебошад, самимона табрик мегӯям.

Ҷашни Меҳргон ҳамчун ойини бисёр бостонӣ мероси арзишманди аҷдоди шарафмандамон буда, дар тӯли таърих ва имрӯз ба сифати яке аз рукнҳои муҳимми худшиносиву худогоҳии мардуми мо ба ҳисоб меравад.

Меҳргон дар фарҳангу тамаддуни халқи тоҷик ҷойгоҳи хосса дорад. Гузаштагони мо анъанаву суннатҳои онро дар хотираи таърихии хеш чун дурри гаронбаҳои маънавӣ ҳифз карда, то ба наслҳои имрӯза расонидаанд.

http://www.prezident.tj/node/21608

Мо зидди тероризму экстремизм!

Санаи 11-уми октябри соли ҷорӣ дар факултети забони англисӣ  бо ибтикори омӯзгори ҳамин факултет  Мустафо Назриев мизи мудаввар таҳти унвони «Мавқеи Тоҷикистон дар пешгирии паҳншавии терроризм ва экстремизм» баргузор гардид, ки дар он омӯзгорону донишҷӯёни факултети мазкур  иштирок намуданд.

РӮЗИ ФАЛАК

"Шашмақом ва Фалак аз зумраи ганҷинаҳои бебаҳое мебошанд, ки аз қаъри асрҳо то

замони мо ҳамчун мусиқии классики халқи фарҳангпарвару санъатдӯсти мо ёдгор мондаанд."

(Эмомалӣ Раҳмон)

Фалак жанри мусиқии қадимаи халқи тоҷик маҳсуб меёбад. Дар даврони соҳибистиқлолии Ҷумҳурии Тоҷикистон “Фалак” мақоми шоистаро соҳиб гардид. Барои ҳифзи мероси қадима бо фармони Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз соли 2007 инҷониб иди “Рӯзи Фалак” баргузор мегардад.

«Пешгирии бемории ВНМО/БПНМ миёни ҷавонон – омили асосии солимии миллат»

Бо мақсади ба донишҷӯён додани маълумоти бештар оиди бемории ВНМО/БПНМО вазъи эпидемиологӣ, роҳҳои пешгирӣ ва омилҳои гузариш, ташхис ва чорабиниҳо оид ба пешгирии  вирусҳои сирояткунанда, баланд бардоштани маърифати оиладории духтарон ва ташвиқи тарзи ҳаёти солим,  санаи 9  октябри  соли 2019  дар толори  ДДОТ ба номи С. Айнӣ қисми тарбия, бахши кор бо духтарону занон ва шурои кураторон бо иштироки Алматов Абдуғаффор - муовини директори Маркази саломатии   муассисаи №8,

Баланд бардоштани маърифати сиёсиву ҳуқуқии

занону ҷавондухтарон-омили рушди суботи ҷомеа

(Форуми ҷумҳуриявӣ)

Дар санаи 09.10.2019 дар муассисаи давлатии Китобхонаи миллии Тоҷикистон Форуми ҷумҳуриявӣ дар мавзӯи "Баланд бардоштани маърифати сиёсиву ҳуқуқии занону ҷавондухтарон-омили рушди суботи ҷомеа" бахшида ба эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” ва баланд бардоштани нақши занону ҷавондухтарон дар ҷомеа, баргузор гардид.

ЗАБОН – ҲАСТИИ МИЛЛАТ

(дарси кушод)

Дар таърихи 05.10. 2019 вобаста ба Рӯзи забони давлатии Ҷумҳурии Тоҷикистон аз ҷониби иҷрокунандаи мудири кафедраи забон ва адабиёти тоҷик устод Х. Раҳимов  дарси кушод гузаронида шуд. Дарс аз фанни таълими забони адабии ҳозираи тоҷик буда, дар мавзӯи «Забони адабӣ ва нишонаҳои он» доир гардид.

Иштироки  хонандагон  дар курси 1 таҳсилоти  ибтидоӣ  (тоҷикӣ) 95 % ташкил дод. Дар дарси кушод декани факултет М.Мадатзода, дотсентон Бегимов Ҳ., Тураев Ё., Раҷабов Т., А. Ғаффоров  ширкат намуданд. Дарс дар сатҳи баланд баргузор шуда ҷабҳаи таълимӣ, илмӣ ва тарбиявӣ дошт.

Омӯзгор - тарбиятгари насли наврас

Дар санаи 5. 10. 2019 дар факултети забони англисӣ  Донишгоҳи давлатии омӯзгории Тоҷикистон  ба номи Садриддин Айнӣ бо иштироки декани факултет, дотсент Баротзода Файзиддин, муовинони декан, мудирони кафедраҳо, омӯзгорон ва донишҷӯёни курси якуми ихтисоси англисӣ-кореягӣ ва англисӣ – хитоӣ чорабини фарҳангӣ бахшида ба “Рӯзӣ омӯзгорон” баргузор гардид.

Суханронӣ ба муносибати Рӯзи забони давлатии Ҷумҳурии Тоҷикистон

04.10.2019 10:52, шаҳри Душанбе

Ҳамватанони азиз!

Забон неъмати бебаҳои зиндагии аҳли башар мебошад. Инсон фақат тавассути забон метавонад эҳсос ва

фикру андешаҳои худро иброз намояд.

Забони миллӣ ойинаи пурҷилои таърих, ҷаҳони маънавӣ ва хираду маърифати ҳар як халқу миллат ба шумор меравад.

Гузашта аз ин, дар фарҳангу тамаддуни халқу миллатҳо, аз ҷумла мо - тоҷикон забони модарӣ зербинои ҳувияти миллӣ

ва омили аслии ҳифзи он мебошад.

Забони модарии мо - забони ширину шево ва шоиронаи тоҷикӣ, ки донишу маърифати дар тӯли ҳазорсолаҳо андӯхтаи

мардумро дар худ нигоҳ доштааст, гӯётарин далели ҳастӣ ва мақоми ҳаётбахши он дар сарнавишти таърихии миллати мо ба ҳисоб меравад.

Яъне миллати шарафманди тоҷик таъриху фарҳанги камназири худро бо ҳамин забон иншо ва ба ҷаҳониён муаррифӣ кардааст.

http://prezident.tj/node/21519