Рӯнамоии ду китоб бахшида ба профессор Мирзо Аҳмадов

Дар толори факултети филологияи тоҷик санаи 13-уми декабр маҳфили ёдбуди профессори кафедраи назария ва таърихи адабиёт, доктори илмҳои филологӣ Мирзо Аҳмадов баргузор гардид. Дар маҳфили адабӣ, ки бо иштироки устодони донишгоҳ, ҳамкорон, дӯстон ва пайвандони устоди зиндаёд доир шуд, муовини ректор оид ба корҳои илмӣ доктори илмҳои таърих Н.Убайдуллоев бо сухани ифтитоҳӣ аз кору эҷод ва зиндагиномаи пурбаракати устод Мирзо Аҳмадов ёдоварӣ намуд.

ҶОМЕАИ ШАҲРВАНДӢ ВА ПЕШГИРИИ ХАТАРҲОИ МУОСИР

Ҷаҳони имрӯз бо ворид гардидан ба марҳалаи ҷаҳонишавӣ бо хатарҳое рӯ ба рӯ мегардад, ки ин хатарот на танҳо ба амнияту суботи кишварҳои алоҳида, балки ба кулли мамолики ҷаҳон таҳдид мекунанд. Ба қатори чунин хатарҳо метавон афзоиши терроризм ва экстремизми диниро мансуб донист, ки коршиносон ва сиёсатмадорон як қатор омилҳоро сарчашма ва заминаи ин падидаи хавфноки замони муосир меҳисобанд.

Баргузории конфронси илмӣ бахшида ба Шӯриши Восеъ

Санаи 8-уми декабр дар толори Шӯрои олимони донишгоҳ конфронси ҷумҳуриявии илмӣ-назариявӣ таҳти унвони «Шӯриши Восеъ: ҷунбиши бузурги мардумии зидди истибдоди амирӣ» оғоз гардид, ки дар он муҳаққиқони таърихшинос ва устодону донишҷӯён ширкат варзиданд. Конфронси мазкур ба муносибати 130-юмин солгарди шӯриши бузурги деҳқонон дар Бухорои Шарқӣ, ки дар таърих бо номи Шӯриши Восеъ машҳур аст, ташкилу баргузор карда шуд.

Мубориза бо фасод амре ногузир аст

Бахшида ба Рӯзи байналмилалии мубориза бар зидди коррупсия, ки ҳамасола 9-уми декабр қайд карда мешавад, дар толори бинои асосии донишгоҳ вохӯрии намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Вазорати маориф ва илм бо ҳайъати донишҷӯёну омӯзгорони донишгоҳ баргузор гардид.

НБО “РОҒУН” – ЗАМИНАИ АСОСӢ БАРОИ ҲИФЗИ МАНФИАТҲОИ МИЛЛӢ

Тоҷикистон бо мавқеи ҷойгиршавии географии худ дар минтақае қарор гирифтааст, ки сарчашмаи ташаккули захираҳои обии минтақа мебошад. Истифода аз ин захираҳо омил ва шарти асосии таъмини рушди иқтисодию иҷтимоии давлат ва баланд гардидани мавқеи сиёсии он ҳам дар сатҳи минтақа ва ҳам дар арсаи байналмилалӣ мегардад.

Ҷамъбасти озмуни мақолаи беҳтарин бахшида ба ҷашнҳои давлатӣ

Ҳафтаи равон дар донишгоҳ озмуни мақолаи беҳтарин бахшида ба Рӯзи Президенти Ҷумҳурии Тоҷикистон ва Иҷлосияи 16-уми Шӯрои Олӣ ҷамъбаст гардид. Тавре аз натиҷаҳои ҷамъбасти озмун бармеояд, ҷои якумро донишҷӯи курси чоруми факултети филологияи тоҷик Назиров Муҳаммадраҳим, ҷои дуюмро донишҷӯи курси чоруми факултети таърих Даминов Муҳаммад ва ҷои сеюмро донишҷӯи курси дуюми факултети химия Абдураҳмонов Абдулхайр ва донишҷӯи курси чоруми факултети технология ва иқтисодиёт Абдуллоев Умед сазовор гардиданд.

Конфронс: «Ҷавонон – муаррифгари давлату миллат»

Шуъбаи кор бо ҷавонон ва кумитаи иттифоқи касабаи донишҷӯён дар ҳамкорӣ бо бахши кор бо ҷавонон ва варзиши ноҳияи Исмоили Сомонӣ санаи 5-уми декабр дар толори Шӯрои олимони донишгоҳ конференсияи илмӣ-назариявӣ дар мавзӯи «Ҷавонон – муаррифгари давлату миллат» баргузор намуданд, ки дар он сардори раёсати кор бо ҷавонон ва варзиши шаҳри Душанбе Мирзозода Иброҳим, мудири бахши кор бо ҷавонон ва варзиши ноҳия Иброҳимзода Амир, омӯзгорони муассисаҳои олии касбии пойтахт ва муассисаҳои миёнаи умумии ҳудуди ноҳия иштирок намуданд.

Ҷавонон - дастгири ятимону маъюбон

Санаи 5-уми декабри соли ҷорӣ як гурӯҳ донишҷӯёни тоҷику туркман бо ташаббуси котиби шӯрои дифои донишгоҳ Розия Абдуллоева ба мактаб-интернати низомаш махсуси шаҳри Ҳисор ташриф оварданд. Донишҷӯён барои болидахотирии кӯдакони ятиму бепарастор ва маъюбони муассиса чорабинии фарҳангӣ ташкил намуданд, ки дар он Малоҳат Холиқова – мушовири Президенти Ҷумҳурии Тоҷикистон, Мавҷуда Холиқзода – муовини директори ШСКХ «Барқи тоҷик», Тошқул Намозов – мудири кафедраи тарбияи ҷисмонии донишгоҳ ва ҳайати тарбиятгирандагону кормандони муассиса ширкат доштанд.