|
26.10.2025 18:45 |
|
ТАҚВИЯТИ ҲАМКОРИҲОИ СУДМАНД МИЁНИ ПАРКИ ТЕХНОЛОГИИ ДОНИШГОҲ ВА ШИРКАТИ "FOSHAN QIANDA TEXTILE"-и ЧИН
 26 октябри соли 2025, роҳбарияти Парки технологии Донишгоҳи давлатии омӯзгории Тоҷикистон ба номи С. Айнӣ бо даъвати ширкати “Foshan Qianda Textile Co., Ltd.” аз корхонаи истеҳсолии он, воқеъ дар шаҳри Фошани Ҷумҳурии Мардумии Чин боздиди корӣ анҷом доданд. Дар ҷараёни боздид, ҳайати Парки технологии донишгоҳ бо роҳбарияти ширкат вохӯрии расмӣ баргузор намуда, бо равандҳои истеҳсолӣ, навтарин таҷҳизот ва намунаҳои маҳсулоти ин корхона аз наздик шинос гардиданд.
Ширкати Foshan Qianda Textile Co., Ltd. яке аз истеҳсолкунандагони маъруф ва боэътимод дар соҳаи маводҳои таълимӣ ва мебелҳои замонавии бароҳат ба ҳисоб меравад. Маҳсулоти ширкат — аз қабили мизу курсӣ барои муассисаҳои таҳсилоти олӣ, мактабҳои миёна ва кӯдакистонҳо, инчунин мебелҳои омӯзишӣ ва маишӣ, аз ҷумла роҳаткурсӣ барои толорҳои маҷлисгоҳҳо, утоқҳои корӣ, толорҳои фарҳангӣ ва консертӣ — имрӯз дар бозорҳои ҷаҳонӣ аз ҷойгоҳи устувор бархурдор аст.
|
|
25.10.2025 08:35 |
|
ХОНИШИ СИЁСӢ: “АРЗИШҲОИ МИЛЛӢ — ЗАМИНАИ РУШДИ ҲИССИЁТҲОИ АХЛОҚӢ ВА ВАТАНДӮСТӢ”
 Дар Донишгоҳи давлатии омӯзгории Тоҷикистон ба номи Садриддин Айнӣ дар мавзуи «Арзишҳои миллӣ ҳамчун заминаи рушди ҳиссиётҳои ахлоқӣ-ватандӯстӣ» хониши сиёсӣ баргузор гардид. Маърӯзачӣ Саидзода Н.Т., декани факултети психология, дар суханронии худ аз ҷойгоҳи арзишҳои миллӣ дар ташаккули ҷаҳонбинии ҷомеа, бахусус ҷавонон, ёдовар шуда, таъкид намуд, ки эҳтиром ба арзишҳои миллӣ пояи устувори худшиносӣ ва ватанпарастӣ мебошад.
|
|
25.10.2025 07:59 |
|
МАШҚИ ПАГОҲИРӮЗӢ: СОЛИМГАРДОНӢ ВА ҶАЛБИ ҶАВОНОНУ ДОНИШҶӮЁН БА ВАРЗИШ
 Бо мақсади тарғиби тарзи ҳаёти солим ва ҷалби омӯзгорону донишҷӯёни Донишгоҳ ба варзиш ин субҳ машқи пагоҳирӯзӣ дар майдони Аҳмади Дониш баргузор карда шуд.
Ҳамин тавр, субҳи имрӯз дар чорабинии мазкур устодон ва донишҷӯён ширкат варзида, ба обутоби бадан машғул шуданд.
|
|
25.10.2025 07:16 |
|
ДАР ДОНИШГОҲ КОНФРОНСИ БАЙНАЛМИЛАЛӢ БАРГУЗОР ШУД
 Рӯзи 24 октябри соли 2025 дар Донишгоҳи давлатии омӯзгории Тоҷикистон ба номи Садриддин Айнӣ бо ташаббуси факултети география конфронси байналмилалии илмӣ-амалӣ таҳти унвони «Сарватҳои табиӣ – омили асосии рушди иҷтимоию иқтисодии Тоҷикистон» баргузор гардид. Чорабинӣ ба 35-солагии Истиқлоли давлатии Ҷумҳурии Тоҷикистон, Соли байналмилалии ҳифзи пиряхҳо (2025) ва Бистсолаи омӯзиш ва рушди фанҳои
|
|
24.10.2025 10:20 |
|
БОЗДИДИ РОҲБАРИЯТИ ПАРКИ ТЕХНОЛОГИИ ДОНИШГОҲ АЗ ШИРКАТИ PITO — ОҒОЗИ ҲАМКОРИҲОИ НАВИ ИСТЕҲСОЛӢ
 Пас аз анҷоми вохӯрии судманд дар доираи Намоишгоҳи универсалии байналмилалии технологияҳои инноватсионӣ ва масолеҳи сохтмонӣ, роҳбарияти ширкати машҳури байналмилалӣ “Guangdong PITO Technology Co., Ltd.” роҳбарияти Парки технологии Донишгоҳи давлатии омӯзгории Тоҷикистон ба номи С. Айниро барои боздиди корӣ аз корхонаи истеҳсолии худ даъват намуданд. Боздид дар муҳити ҳамкоронаи самимӣ баргузор гардида, ҷонибҳо доир ба имкониятҳои ҳамкории илмӣ, истеҳсолӣ ва таҷрибавӣ мубодилаи назар карданд. Роҳбарияти ширкат меҳмононро бо маркази калони истеҳсолӣ, хатҳои муосири коркарди сафол, шиша ва фулуз, инчунин бо тарзи идоракунии зеҳнии истеҳсол ва назорати сифат шинос намуданд.
|
|
24.10.2025 10:12 |
|
БОЗДИДИ ҲАЙАТИ КОМИССИЯИ ОЗМУНИ УМУМИШАҲРИИ ҲИЗБӢ АЗ ТАШКИЛОТИ ИБТИДОИИ "ОМӮЗГОР"
 Ҳайати Комиссияи озмуни умумишаҳрии ҳизбии “Кумитаи иҷроияи ибтидоии фаъол” ва “Ташкилоти ибтидоии фаъол” дар ноҳияи Исмоили Сомонӣ аз ташкилоти ибтидоии ҳизбии “Омӯзгор”-и Донишгоҳи давлатии омӯзгории Тоҷикистон ба номи Садриддин Айнӣ боздид ба амал овард. Зимни боздид фаъолияти ташкилоти ибтидоии ҳизбӣ аз рӯйи номинатсияи “Ташкилоти ибтидоии фаъол” мавриди арзёбӣ қарор дода шуд. Аъзои комиссия бо ҳуҷҷатгузорӣ, чорабиниҳои сиёсиву тарбиявӣ, ҷалб намудани омӯзгорон ва донишҷӯён ба фаъолияти ҳизбӣ, татбиқи ҳадафҳои барномавии Ҳизби Халқии Демократии Тоҷикистон ва дигар самтҳои кории ташкилот шинос шуданд.
Комиссия фаъолияти ташкилоти ибтидоии “Омӯзгор”-ро мусбат арзёбӣ намуда, барои саҳмгузорӣ дар амалисозии сиёсати ҳизб ва тақвияти корҳои тарғиботию маърифатӣ изҳори сипос намуд.
|
|
23.10.2025 18:07 |
|
ДАРСИ АМАЛИИ ОСОРХОНАШИНОСӢ ДАР ОСОРХОНАИ МИЛЛИИ ТОҶИКИСТОН
 Бо роҳбарии устоди Донишгоҳи давлатии омӯзгории Тоҷикистон ба номи Садриддин Айнӣ Ғ. Роҳатов дар толорҳои намоишии Осорхонаи миллии Тоҷикистон аз фанни «Осорхонашиносӣ» дарси амалӣ баргузор гардид. Дар ҷараёни дарс донишҷӯёни ихтисоси «Таърих»-и шуъбаи фосилавии факултети таърих ва ҳуқуқи донишгоҳ бо фаъолияти бахшҳои гуногуни осорхона аз наздик шинос шуданд.
|
|
25.10.2025 05:25 |
|
КОНФРОНС: БОҚӢ РАҲИМЗОДА ВА МУҲИТИ АДАБИИ САДАИ ХХ
 Бо Қарори Ҳукумати Ҷумҳурии Тоҷикистон имрӯзҳо дар сартосари кишварамон 115 солагии Шоири Халқии Тоҷикистон, дорандаи Ҷоизаи давлатии ба номи Рӯдакӣ устод Боқӣ Раҳимзода ҷашн гирифта мешавад. Дар доираи ин ташаббуси фарҳангпарваронаи Ҳукумати ҷумҳурӣ дар факултети филологияи тоҷики ДДОТ ба номи С.Айнӣ бо иқдоми кафедраи назария ва таърихи адабиёт конфронси ҷумҳуриявии илмӣ-амалӣ дар мавзуи “Боқӣ Раҳимзода ва муҳити адабии садаи ХХ” баргузор гардид.
|
|
|
|
|
