Саҳифаи асосӣ

МАҚОЛАҲО

МУҚАДДАСОТИ МИЛЛӢ

18.05.2023 05:01

КОРРУПСИЯ -  ОМИЛИ  БОЛОРАВИИ САТҲИ КАМБИЗОАТӢ

Дар таърихи 17 майи соли 2023 ҷиҳати  татбиқи Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030  мулоқоти намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон бо омӯзгорон ва кормандони донишгоҳ баргузор гардид. Ҷамъомади мазкурро муовини ректор оид ба корҳои илмӣ, профессор Дониёр Сангинзод ифтитоҳ намуда, доир ба ҷилавгирӣ аз амалҳои коррупсинӣ  изҳори андеша намуд. Сипас, подполковники адлия, сарнозири Раёсати муқовимат бо коррупсияи Агентии назорати молиявӣ ва мубориза бо коррупсияи назди Ҳукумати Ҷумҳурии Тоҷикистон Назриён Василбек Қурбон доир ба “Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030” баромад намуда, ҳамзамон таъкид намуд, ки барои пешгирӣ ва решакан  кардани амалҳои коррупсионӣ на танҳо мақомоти давлатӣ, балки ҳар як фарди ҷомеа вазифадор аст.
More...  

12.05.2023 09:37

РУШДИ ИЛМҲОИ ХИМИЯ, ТЕХНОЛОГИЯ ВА ЭКОЛОГИЯ

Дар таърихи 12 майи соли 2023 бо ибиткори раёсати донишгоҳ дар ҳамбастагӣ бо факултети химия бахшида ба 20-солагии таъсисёбии кафедраи технология ва эколгияи химиявӣ ва “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” таҳти унвони “Рушди илмҳои химия, технология ва экология” конференсияи байналмилалии илмӣ-назариявӣ баргузор гардид. Ҷаласаи ифтитоҳии конференсияро муовини ректор оид ба корҳои илмӣ, профессор Дониёр Сангинзод ҳусни ифтитоҳ бахшида, сухани ифтитоҳии ректори донишгоҳ, профессор Аҳлиддин Ибодуллозодаро ироа намуд, ки дар он аз ҷумла омадааст: “Бо мақсади боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ инчунин, барои тавсеаи тафаккури техникии насли наврас аз тарафи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон солҳои 2020 - 2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” эълон карда шудааст ва ин иқдом ба рушди тафаккури техникӣ ва тавсеяи ҷаҳонбинии илмии ҷомеа такони ҷиддӣ мебахшад.”

Муфассал  

12.05.2023 09:31

ДОНИШҶӮЁНИ ДОНИШГОҲ БАРОИ ТАҲСИЛ ДАР ҶОПОН ҶАЛБ МЕШАВАНД

12-уми майи соли равон дар доираи ҳамкориҳо намояндагони Сафорати Ҷопон дар Ҷумҳурии Тоҷикистон  ба донишҷӯёни ихтисоси таърих ва муносибатҳои байналхалқии факултети таърих ва ҳуқуқ маърӯзаи омӯзишӣ баргузор намуданд.

Муовини ректор оид ба робитаҳои байналмилалӣ, Қурбонзода Рухшона меҳмононро муаррифӣ намуда, ба донишҷӯён иштироки фаъолонаро таъкид намуданд.

Бояд зикр кард, ки маърӯзаи омӯзишӣ аз тарафи Мушовир, муовини роҳбари намояндагии Сафорати Ҷопон дар Ҷумҳурии Тоҷикистон муҳтарам Томонори Ҳасегава баргузор карда шуд. Боиси хушнудист, ки муҳтарам Томонори бо забони тоҷикӣ суханронӣ намуда, баён намуд, ки мақсад аз ин тасмим эҳтиром ба забону фарҳанги ин миллат мебошад.
Муфассал  

12.05.2023 08:36

ҶОПОН ДУРНАМОИ МУНОСИБАТҲОРО БО ДОНИШГОҲ БАРРАСӢ НАМУД

12-уми майи соли равон вазъи кунунӣ ва дурнамои муносибатҳои дуҷониба миёни Донишгоҳи давлатии омӯзгории Тоҷикистон ба номи С. Айнӣ ва Сафорати Ҷопон дар Ҷумҳурии Тоҷикистон зимни мулоқоти ҳайати намояндагони ин сафорат таҳти сарварии Мушовир, муовини роҳбари намояндагӣ муҳтарам Томонори Ҳасегава бо муовини ректор оид ба робитаҳои байналмилалӣ, Қурбонзода Рухшона баррасӣ гардид.

Зимнан Қурбонзода Рухшона аз ташаббус дар самти таҳкими ҳамкориҳо изҳори қаноатмандӣ намуд, иброз дошт, ки минъбаъд дар доираи ҳамкориҳои судманд ҷиҳати таъсиси ихтисоси забони ҷопонӣ, роҳандозӣ намудани барномаҳои таҳсилотии муштарак, табодули академии донишҷӯён, магистрон ва такмили ихтисоси омӯзгорон тадбирҳои зарурӣ андешида хоҳад шуд.
Муфассал  

04.05.2023 11:39

ТАҶЛИЛИ РӮЗӢ “ФРАНКОФОНИЯ” ДАР ДОНИШГОҲ

Возможно, это изображение 4 человека, Овальный кабинет, помост и текст Дар тарърихи 4 майи соли 2023 дар толори бинои асосии ДДОТ ба номи Садриддин Айнӣ бахшида ба рӯзи байналмилалии забони франсавӣ “Франкофония” чорабинии фарҳангӣ бо иштироки муовини ректор оид ба робитаҳои байналмилалӣ, профессор Қурбонзода Рухшона, ҷонишини сафири фавқулода ва мухтори Ҷумҳурии Фаронса дар Тоҷикистон Филипп Иду, масъули бахши фарҳангии сафорат Эва Тозйе, як қатор кормандони сафорат, муовини раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ Шарифова Мушаррафа, кормандони Маркази фарҳангии “Бохтар”, аз ҷумла Амалхонум Гаҷиева ва омӯзгорону донишҷӯёни шуъбаи забони фаронсавии факултети забонҳои романию германӣ баргузор гардид.

Чорабинии фарҳангиро мудири кафедраи забони франсавӣ Султонзода Соқӣ ҳусни оғоз бахшида, риштаи суханро ба муовини ректор Қурбонзода Рухшона дод. Зимни суханронӣ Қурбонзода Рухшона ҳузури меҳмононро хайрамақдам гуфта, аз таърихи робитаҳои дуҷониба ва ҳамкориҳо миёни Тоҷикистону Фаронса андешаронӣ намуд. Сипас, муовини сафир Филипп Иду дар хусуси мавқеи забони фаронсавӣ дар ҷаҳон сухан ронда, таъкид дошт, ки бо забони фаронсавӣ на фақат мардуми Фаронса, балки дигар кишварҳои олам низ такаллум мекунанд ва шумораи фаронсавизабонони олам феълан бештар аз 300 миллион нафар аст. Сафир барои қабули гарми ректори донишгоҳ ва омӯзгорону донишҷӯён изҳори сипос намуд.

More...

04.05.2023 11:37

МУЛОҚОТ ДАР АСОСИ РАВОБИТИ ДУҶОНИБА

Дар доираи созишномаи мавҷудаи байни Донишгоҳи давлатии омӯзгории Тоҷикистон ба номи Садриддин Айнӣ ва Донишкадаи соҳибкорӣ ва омӯзгории шаҳри Деҳнави Ҷумҳурии Ӯзбекистон дар таърихи 4 майи соли 2023 намояндагони муассисаи таълимии кишвари ҳамсоя бо маъмурияти донишгоҳ мулоқот анҷом доданд. Зимни ташрифоти меҳмонон муовини ректор оид ба муносибатҳои байналмилалӣ Қурбонзода Рухшона Қурбон онҳоро пазироӣ намуда, мудири кафедраи педагогика ва психология, дотсент Исматов Суннатулло Шамсуллоевич, омӯзгорони кафедраи мазкур Урозов Фахриддин Исакович, Юлдошев Тожиддин Абдукаримович, Шукуров Рустам Эшонкуловичро ба ҳозирин муаррифӣ намуд.

More...

26.04.2023 04:51

ИДОМАИ ҲАМКОРӢ: ТАВАҶҶУҲИ БОНКИ РУШДИ ОСИЁ БА ДОНИШГОҲИ ОМӮЗГОРӢ ЗИЁД АСТ

Донишгоҳи давлатии омӯзгории Тоҷикистон ба номи Садриддин Айнӣ барои густариш додани муносибатҳои дуҷонибаи судманди байналхалқӣ бо ташкилотҳои бонуфузи молиявии ҷаҳон ҳамкориҳои зичро ба роҳ монда, ҷиҳати рушду нумуи донишгоҳ ва низоми таълиму тарбия ҷидду ҷаҳд менамояд.

26-апрели соли ҷорӣ муовини ректор оид ба робитаҳои байналмилалӣ, Қурбонзода Рухшона бо намояндагони Бонки рушди Осиё дар Тоҷикистон мулоқоти корӣ доир намуд.

Зимни мулоқот, ҷонибҳо барои тавсеаи ҳамкорӣ дар бахшҳои гуногуни низоми таҳсил, аз ҷумла дар бораи муҷаҳҳаз намудани синфхонаҳои лабараторӣ бо лавозимоти муосир барои омӯзиши фанҳои дақиқ (STEM), синфхонаҳои компютерӣ барои таҳсилоти фосилавӣ (E-learning) ва дигар самтҳои ҳамкорӣ ибрози андеша намуданд.
Муфассал  

26.04.2023 02:47

МУОВИНИ ВАЗИРИ МАОРИФ ВА ИЛМИ КИШВАР АЗ ЛИТСЕЙИ  НАЗДИ ДОНИШГОҲ ДИДАН НАМУД

Имрӯз, 25-уми апрели соли 2023 дар доираи ташрифи корӣ Абдулзода Зиёдулло, муовини Вазири маориф ва илми Ҷумҳурии Тоҷикистон, Саидзода Ҳикматулло, сардори Раёсати кадрҳо ва корҳои махсуси вазорати маориф ва илми Ҷумҳурии Тоҷикистон, Асомиддинзода Шарофиддин, сардори Раёсати таҳсилоти миёнаи умумии вазорати маориф ва илми Ҷумҳурии Тоҷикистон аз Литсейи  тозатаъсиси назди донишгоҳ дидан намуданд.

Маврид ба зикр аст, ки муовини Вазири маориф ва илми Ҷумҳурии Тоҷикистон аз таъмиру муҷаҳҳаз намудани Литсей бо лавозимоти таълимӣ хуб истиқбол намуда, ба сифату тарҳи мизу курсиҳои замонавие, ки аз ҷониби Парки технологии Донишгоҳ истеҳсол шудаанд, баҳои баланд дод.
More...  