БАРРАСИИ МАВЗУОТИ МУҲИМ ДАР ҶАРАЁНИ КОНФРЕНСИЯ

Дар таърихи 15 апрели соли 2023 дар Донишгоҳи давлатии омӯзгории Тоҷикистон ба номи Садриддин Айнӣ бахшида ба Рӯзи илми тоҷик таҳти талаботи якчанд барномаҳо, аз ҷумла “Барномаи давлатии тарбияи ватандӯстӣ ва таҳкими ҳувияти миллии ҷавонони Тоҷикистон (солҳои 2023-2027)”, “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (солҳои 2020-2040)” ва ба ифтихори 145-солагии Қаҳрамони Тоҷикистон Садриддин Айнӣ конференсияи илмӣ-амалӣ баргузор гардид. Дар чорабинии мазкур  сардори раёсати илм ва инноватсияи Вазорати маориф ва илм, дотсент Сироҷиддин Ниёзӣ, котиби илмии Комиссияи олии аттестатсионии назди Президенти Ҷумҳурии Тоҷикистон Маъруфи Расул, директори Маркази рушди инноватсионии илм ва технологияҳои нави Академияи миллии илмҳо Анвар Қодиров ба ҳайси меҳмони ифтихорӣ ширкат намуданд. Ҷаласаро муовини ректор оид ба корҳои илмӣ, профессор Дониёр Сангинзод оғоз намуда, зимни суханронӣ иброз дошт, ки Садриддин Айнӣ дар воқеъ шахсиятест, ки бо мероси адабӣ ва илмӣ-таҳқиқотии хеш дар муаррифии таъриху маданияти миллати тоҷик ба ҷаҳониён нақши бориз гузоштааст.

ДОНИШГОҲ ТАБОДУЛИ УСТОДОНУ ДОНИШҶӮЁНРО БО ДОНИШГОҲҲОИ ХОРИҶИ КИШВАР БА РОҲ МЕМОНАД

15-уми апрели соли 2023 дар Донишгоҳи давлатии омӯзгории Тоҷикистон ба номи Садриддин Айнӣ мулоқот бо намояндагони донишгоҳҳои Пекин, Баптистии Ҳонгконг ва Коллеҷи Байналмилалии Муттаҳид (UIC) – и Ҷумҳурии Мардумии Чин баргузор гардид.

Зимни ташриф намояндагонро муовини ректор оид ба робитаҳои байналмилалӣ, Рухшона Қурбонзода ва чанде аз кормандони донишгоҳ истиқбол намуда, мулоқоти судманд анҷом доданд.

Зимнан дар доираи ташриф ҷонибҳо масъалаи тақвияти ҳамкориҳои судмандро бо донишгоҳҳои Пекин, Баптистии Ҳонгконг ва инчунин Коллеҷи Байналмилалии Муттаҳид (UIC) – и Ҷумҳурии Мардумии Чин мавриди баррасӣ қарор дода, ҷиҳати идомаи таҳсил дар бахшҳои магистратура ва таҷрибаомӯзӣ, табодули донишҷӯёну омӯзгорон изҳори назар намуданд.

ҒОЛИБИЯТИ МАТЕМАТИКОНИ ҶАВОНИ ДОНИШГОҲ

Тибқи  маълумоти мавҷуда донишҷӯёни курси 5, ихтисоси математика-физика ва ихтисоси математика-информатикаи Донишгоҳи давлатии омӯзгории Тоҷикистон ба номи Садриддин Айнӣ дар таърихи 10 апрели соли 2023 дар олимпиадаи байналмилалӣ, ки дар дар шаҳри Уфаи Федератсияи Россия баргузор шуд, иштирок карда, соҳиби ҷойҳои намоён гардиданд. Дар ин ҷода нафарони зерин ба муваффақиятҳои назаррас ноил гардиданд:

Лочинов Раҳим Саймуддинович (донишҷӯи курси 5 ) – сазовори ҷойи III;

Бобоқулов Муслимҷон Бобобекович (донишҷӯи курси 5 ) - сазовори ҷойи IV;

Қаюмов Зафар Абдусаломович (донишҷӯи курси 5 ) – сазовори ҷойи V;

Каримзода Файзалӣ Нурмаҳмад (донишҷӯи курси 5) - сазовори ҷойи VI.

ҶАМЪОМАДИ МАШВАРАТӢ ДАР НОРАК

Дар Марказии таълимии касбомӯзии шаҳри Норак, ки сохтори Донишгоҳи давлатии омӯзгории Тоҷикистон ба номи Садриддин Айнӣ ба ҳисоб меравад, ҷаласаи машваратӣ  баргузор шуд, ки дар он асосан масоили   пешгирӣ ва мубориза бо ҳуқуқвайронкуниҳо аз ҷониби ҷавонону наврасон  ва дигар масъалаҳои муҳим мавриди баррасӣ қарор гирифтанд.
Дар ҷамъомад зикр шуд, ки чунин чорабиниҳо дар муассисаҳои ҳудуди шаҳр ва минтақаҳои марбут ба он тибқи нақшаҳои тарҳрезишуда амалӣ гардида, мақсади он пешгирии пайомадҳои ногувори гаравидани ҷавонон ба ҳар гуна гурӯҳҳои ифротию иртиҷоӣ, пешгирӣ ва мубориза бар зидди ташкилотҳои террористию экстремистӣ, хусусан риояи низом дар раванди таҳсил мебошад.

МАСЪАЛАҲОИ МУБРАМИ ЗАБОНШИНОСӢ ВА АДАБИЁТШИНОСӢ

Дар  таърихи 6 апрели соли 2023 дар факултети забон ва адабиёти  рус бо ташаббуси кафедраи  адабиёти рус ва ҷахон бахшида ба «Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» ва “Соли забони русӣ” дар мавзӯи «Масъалаҳои мубрами забоншиносӣ ва адабиётшиносӣ» конференсияи илмию амалии ҷумҳуриявӣ баргузор гардид.

Конференсияро декани факултет Исломова Ҷ.М. оғоза намуда, зимни баромади худ кайд намуд, ки омӯзиши забонҳои русӣ ва англисӣ дар ҷаҳони муосир аҳамияти бузург дорад ва вазифаи аввалиндараҷаи мо-омӯзгорон ба насли наврас додани донишҳои зарурӣ мебошад.