Аз миёни муассисаҳои таҳсилоти олии касбии Ҷумҳурии Тоҷикистон дар ин раддабандӣ танҳо ду донишгоҳ муаррифӣ шудаанд. Яке аз онҳо Донишгоҳи давлатии омӯзгории Тоҷикистон ба номи Садриддин Айнӣ мебошад, ки бо мақоми муассисаи гузоришдиҳанда (Reporter) зикр гардидааст. Дар рӯйхати донишгоҳҳои Ҷумҳурии Тоҷикистон, ки аз ҷониби “Times Higher Education” пешниҳод шудааст, номи ДДОТ ба номи Садриддин Айнӣ дар баробари Донишгоҳи миллии Тоҷикистон ҳамчун яке аз ду муассисаи таҳсилоти олии кишвар бо мақоми “Reporter” ҷой гирифтааст.

Ҳамасола дар кишвари маҳбуби мо - Тоҷикистони соҳибистиқлол якшанбеи ҳафтаи аввали моҳи октябр Рӯзи омӯзгор ба таври мутантан таҷлил мешавад. Ин санаи фархунда моро водор месозад, ки ба заҳмати устодон бо эҳтироми бештар назар кунем ва нақши онҳоро дар бунёди ҷомеаи соҳибмаърифат амиқтар дарк намоем. Аз ҳамин ҷост, ки Рӯзи омӯзгор нишони арҷгузорӣ ба шахсест, ки умри худро барои сохтани ояндаи дигарон мебахшад. Ба ин хотир, дастгирии омӯзгорон ва дар маҷмуъ соҳаи маориф самти афзалиятноки Ҳукумати Ҷумҳурии Тоҷикистон эълон гардидааст. Тавре Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми имсолаи худ ба Маҷлиси Олии Тоҷикистон таъкид намуданд, авзои зудтағйирёбандаи ҷаҳони имрӯза низоми маорифи муназзам, мустаҳкам ва дар айни замон ҷавобгӯ ба талаботи рӯзафзуни ҷомеаро тақозо менамояд. Аз ин лиҳоз, Ҳукумати мамлакат маблағгузории ин соҳаҳои калидиро мунтазам зиёд менамояд ва ҳар сол ҳаҷми умумии он беш аз 21 фоизи хароҷоти буҷети давлатиро ташкил медиҳад. Барои соҳаи маориф дар соли 2026 аз ҳисоби буҷети давлатӣ қариб 14 миллиард сомонӣ пешбинӣ гардидааст, ки нисбат ба соли 2025-ум 25,4 фоиз ва нисбат ба даҳ соли қабл, яъне соли 2015-ум панҷуним баробар зиёд мебошад. Бар иловаи ин, аз моҳи сентябри соли 2026 маоши вазифавии омӯзгорон 20% зиёд шудааст. Ин тадбир кормандони соҳа, махсусан омӯзгоронро боз ҳам руҳбаланд менамояд.

Саҳаргоҳ дар долонҳои донишгоҳ садои қадамҳои донишҷӯён шунида мешавад. Яке бо шитоб ба дарс меравад, дигаре дар даст китобу дафтар, сеюмӣ дар роҳ бо дӯсташ дар бораи имтиҳони дарпешистода суҳбат дорад. Аз паси тирезаҳои баланд осмони Душанбе софу ором менамояд. Дар яке аз синфхонаҳо донишҷӯён аллакай ҷой гирифтаанд. Китобҳо рӯйи миз, дафтарҳо кушода, қаламҳо дар даст. Дар тахтаи синф чанд калимаи олмонӣ навишта шудааст. Даре кушода мешавад. Устод ворид мегардад.Чеҳраи ором, нигоҳе меҳрубон, қадамҳои бетаъҷил. Ӯ ба синф менигарад. Гӯё мехоҳад на танҳо бинад, балки ҳолати ҳар як донишҷӯро эҳсос кунад.

Имрӯз, 1 октябр, дар доираи чорабиниҳои бахшида ба Рӯзи омӯзгор меҳмонони ҳамоиши тарбиявӣ-маърифатӣ таҳти унвони «Нури тарбия аз заҳмати омӯзгор оғоз мегардад» аз Осорхонаи Донишгоҳи давлатии омӯзгории Тоҷикистон ба номи Садриддин Айнӣ боздид намуданд.

Зимни боздид меҳмонон бо таърихи таъсису ташаккули аввалин муассисаи таҳсилоти олии омӯзгории кишвар, фаъолияти омӯзгорону олимони донишгоҳ дар давраҳои гуногун, дастовардҳои аҳли донишгоҳ ва саҳми муассиса дар рушди соҳаи маорифи кишвар шинос шуданд.

Ҳамчунин, меҳмонон аз толорҳои осорхона дидан намуда, бо ҳуҷҷатҳои таърихӣ, аксҳо, маводи ёдгорӣ ва дигар нигораҳои марбут ба таърихи донишгоҳ шинос гардиданд.

Боздид аз Осорхонаи донишгоҳ барои меҳмонон ҳамчун шиносоӣ бо таърихи пуршараф, мероси илмӣ-маърифатӣ ва анъанаҳои муассисаи бонуфузи омӯзгории кишвар сурат гирифт.

Рӯзи 1 октябр дар Донишгоҳи давлатии омӯзгории Тоҷикистон ба номи Садриддин Айнӣ ба муносибати Рӯзи омӯзгор ҳамоиши тарбиявӣ-маърифатӣ таҳти унвони «Нури тарбия аз заҳмати омӯзгор оғоз мегардад» баргузор гардид.

Қабл аз оғози ҳамоиш меҳмонони чорабинӣ аз Осорхонаи Донишгоҳ дидан намуда, бо таърихи таъсису ташаккул, дастовардҳо ва фаъолияти имрӯзаи муассисаи олии омӯзгории кишвар шинос шуданд.

Имрӯз, 29 сентябри соли 2026, дар факултети филологияи тоҷики Донишгоҳи давлатии омӯзгории Тоҷикистон ба номи Садриддин Айнӣ бо ибтикори кафедраи назария ва таърихи адабиёт бахшида ба «Рӯзи Мавлоно» таҳти унвони «Мавлоно дар ойинаи пажуҳишҳо» мизи мудаввар баргузор гардид.

Мизи мудаввар бо сухани ифтитоҳии декани факултети филологияи тоҷик, доктори илмҳои филологӣ, профессор Зикирзода Ҳобил оғоз ёфта, дар он устодону омӯзгорон ва