ДАСТОВАРДИ ИЛМИИ ОЛИМИ ДОНИШГОҲИ ОМӮЗГОРӢ

Чӣ тавре, ки маълум аст, номзади илмҳои педагогӣ, дотсенти кафедраи технологияи информатсионӣ ва коммуникатсионии факултети математика ва информатикаи Донишгоҳи давлатии омӯзгории Тоҷикистон ба номи Садриддин Айнӣ Назаров Аҳтам Пулотович методи  гузаронидани корҳои контролиро бо номи “Методи Пулот” эҷод кардааст. Дар заминаи методи мазкур якчанд барномаҳои компютериро сохтааст, ки натанҳо дар ҷумҳурӣ, балки дар Федератсияи Россия ва Ҷумҳурии Белоруссия низ мавриди истифода мебошад. Дар ин баробар дотсент Назаров А.П. оид ба илмҳои методикаи таълими математика ва информатика, таърихи информатика, барномасозӣ ва амсоли инҳо мақолаҳои пурмазмуни илмию методиро нашр менамояд. Дар шумораи №3 (3), 2020, саҳ. 32-36 Паёми Донишгоҳи омӯзгории Тоҷикистон, (Серияи 2. Педагогика ва психология, назария ва методикаи таълим) мақолаи илмии ӯ таҳти унвони “Давраҳои таърихии таълими информатика дар муассисаҳои таҳсилоти миёнаи умумӣ” ба табъ расида буд, ки  таваҷҷуҳи доираи олимон ва методистони Федератсияи Россияро ба худ ҷалб кардааст. Дар ҳамин асос мақолаи мазкур  ба озмуни байналхалқии XXV “Ташкилоти умумироссиягии коркардҳои илмӣ-тадқиқотии Россия” “ОНР ПТСАЙНС” пешниҳод шудааст, ки ин падида боиси ифтихори мо мебошад.

БАРРАСИИ КОРҲОИ ТАШКИЛӢ ҶИҲАТИ ОҒОЗИ НИМСОЛАИ ДУЮМИ ТАҲСИЛ

Тибқи дастури ректори донишгоҳ, профессор Ибодуллозода Аҳлиддин дар факултетҳои донишгоҳ бо иштироки муовинони ректор ҷаласаи ҳисоботӣ оиди омодагии факултетҳо ба нимсолаи дуюми соли таҳсил баргузор гардида истодааст. Зимнан, дар таърихи 24 январи соли 2023 чунин ҷаласа дар факултети биология баргузор гардид, ки дар муовини аввал, муовини ректор оид ба корҳои таълимӣ Айнуллозода Наҳтулло, сардори раёсати таълим Искандар Сулаймонов, муовини сардори раёсати кадрҳо ва корҳои махсус Мирзозода Шаҳриёр ширкат намуданд. Дар рафти ҷаласа як қатор масъала, аз ҷумла омодагӣ ба нимсолаи дуюми соли таҳсил, муҳокимаи натиҷаи сессия дар шӯрои олимони факултет ва ҷаласаҳои кафедраҳо, ҷамъбасти даври фаъоли сессияи зимистона, таъйин намудани донишҷӯёни аълохон бо стипендия, ташкили триместр, беҳтар намудани сатҳу сифати таълим, истифодаи васоити техникии таълим дар дарсҳо, омода намудани дарсҳои видеоӣ, риояи интизоми меҳнат, омодагӣ ба аттестатсияи навбатӣ мавриди баррасӣ қарор гирифтанд.

ҶАЛАСАИ РЕКТОР: ЛИТСЕЙИ ДОНИШГОҲИ ОМӮЗГОРӢ БА ФАЪОЛИЯТ ОҒОЗ МЕНАМОЯД!

Имрӯз ҷаласаи васеи кории Аҳлиддин Ибодуллозода, ректори Донишгоҳ бо ширкати муовинони ректор, деканони факултетҳо, мудирони кафедраҳои умумидонишгоҳӣ ҷиҳати беҳтар намудани сатҳу сифати таълиму тарбия баргузор гардид.

Дар ҷаласа Аҳлиддин Ибодуллозода якқатор масъалаҳои муҳим, аз ҷумла фаъолияти қисми илмӣ, ташкили гурӯҳи корӣ вобаста ба санҷиши иқтидори илмии кафедраҳо, танзими назорати электронии раванди ҳозиршавӣ ба ҷойи кор, таҳияи лоиҳаи санадҳои заруриро ҷиҳати фаъолияти литсейи наздидонишгоҳӣ мавриди баррасӣ қарор дод.

ОМОДАГӢ БА НИМСОЛАИ ДУЮМИ СОЛИ ТАҲСИЛ

Тибқи барномаи ҷаласае, ки дар таърихи 21 январи соли 2023 дар факултети педагогикаи Донишгоҳи давлатии омӯзгории Тоҷикистон ба номи Садриддин Айнӣ таҳти роҳбарии муовини аввал, муовини ректор оид ба корҳои таълимӣ Айнуллозода Наҳтулло баргузор гардид, масъалаҳои омодагӣ ба нимсолаи дуюми соли таҳсил, муҳокимаи натиҷаи сессия дар шӯрои олимони факултет ва ҷаласаҳои кафедраҳо, ҷамъбасти даври фаъоли сессияи зимистона, таъйин намудани донишҷӯёни аълохон бо стипендия, ташкили триместр, беҳтар намудани сатҳу сифати таълим, истифодаи васоити техникии таълим дар дарсҳо, омода намудани дарсҳои видеоӣ, риояи интизоми меҳнат, омодагӣ ба аттестатсияи навбатӣ ва амсоли инҳо баррасӣ шуданд. Дар ҷаласаи мазкур ҳамчунин муовини сардори раёсати кадрҳо ва корҳои махсус Мирзозода Шаҳриёр, декани факултети педагогика Давлатзода Фаридун, мудирон ва устодони кафедраҳои марбутаи факултет ширкат намуданд.

НАХУСТҶАЛАСАИ ШӮРОҲОИ НАВТАЪСИС

Бо қарорҳои Комиссияи олии аттестатсионии назди Президенти Ҷумҳурии Тоҷикистон аз 30-юми декабри соли 2022 таҳти рақами 308 Шурои диссертатсионии 6D.КОА-069-Адабиётшиносӣ ва таҳти рақами 306 Шурои диссертатсионии 6D.КОА-068-Филология дар назди Донишгоҳи давлатии омӯзгории Тоҷикистон ба номи Садриддин Айнӣ таъсис дода шуд, ки падидаи нек барои рушди илми донишгоҳӣ мебошад.
Дар ин замина дар таърихи 20 январи соли 2023 дар толори Шӯрои олимони донишгоҳ нахустин ҷаласаи Шӯроҳои мазкур баргузор гардид, ки дар он муовини ректори донишгоҳ оид ба корҳои илмӣ, профессор Дониёр Сангинзод, сардори раёсати илм ва инноватсия Идиев Соҳибназар, мудири шӯъбаи омоданамоии кадрҳои илмӣ ва илмӣ педагогӣ Ахиева Саодат, саркотиби Шӯроҳои диссертатсионӣ Усмонзода Шоҳрух ва аъзои Шӯроҳо ширкат намуданд. Ҷаласаро профессор Дониёр Сангинзод ифтитоҳ намуда, таъсисёбии ду Шурои навро ба ҳозирин табрик гуфт. Мавсуф дар ҷараёни суханронии хеш зикр намуд, ки таъсисёбии Шуроҳои болозикр дар донишгоҳ мутахассисонро ба он водор мекунад, ки сари вақт рисолаҳои илмии хешро дифоъ кунанд. Инчунин профессор Дониёр Сангинзод аз меъёрҳои талабшавандаи низоми ин раванд ёдовар шуда, даъват ба амал овард, ки раисону муовинон ва котибони техникӣ онҳоро қатъӣ риоя кунанд.

НАУЧНО-МЕТОДИЧЕСКИЙ СЕМИНАР В РАМКАХ РЕАЛИЗАЦИИ ПРОГРАММЫ

20 января 2023 на факультете русского языка и литературы Таджикского государственного педагогического университета имени Садриддина Айни по инициативе кафедры методики преподавания русского языка и литературы в рамках реализации Государственной программы «Совершенствования преподавания и изучения русского и английского языков в Республике Таджикистан на период до 2030 года, а также объявленный 2023 год Лидером нации, Основателем мира и единства, уважаемым Президентом Республики Таджикистан Эмомали Рахмоном, годом Русского языка в Республике Таджикистан прошёл научно-методический семинар для преподавателей вузов, колледжей и общеобразовательных учреждений на тему: «Современные подходы к формированию компетентности в условиях многоязычного образования и поликультурности».

ДАРСИ КУШОД ДАР ФАКУЛТЕТИ ХИМИЯ

Тибқи ҷадвали баргузории дарсҳои кушод, ки аз 22 сентябри соли 2022 тасдиқ шудааст, дар Донишгоҳи давлатии омӯзгории Тоҷикистон ба номи Садриддин Айнӣ таҳти назорати шуъбаи мониторинги сифати таҳсилот ва назорати электронӣ пайваста дарсҳои кушод баргузор мегарданд.Дар асоси ҳамин нақша дар таърихи 20-уми январи соли 2023 бо иштироки омӯзгорон ва донишҷӯёни факултети химия дарси кушоди номзади илмҳои педагогӣ, дотсенти кафедраи умумидонишгоҳии педагогика Наимов З.Ҷ. барпо карда шуд. Мавсуф дар доираи мавзуи “Фалсафаи дониш ва маориф дар Тоҷикистон” моҳияти масъаларо баррасӣ карда, зикр намуд, ки ин мавзуъ аз умдатарин нуктаҳои Паёми навбатии Президенти мамлакат, муҳтарам Эмомалӣ Раҳмон ба ҳисоб меравад. Дар ин баробар моҳияти асосии мавзуъро ба таври возеҳ баён карда, ҷиҳатҳои илми педагогикаи муосирро, ки ба баланд шудани сатҳи донишу маърифат ва рушди соҳаи маориф равона гардидаанд, барои ҳозирин ошкор намуд.

ДИПЛОМИ “РЕКТОРИ СОЛ” БА АҲЛИДДИН ИБОДУЛЛОЗОДА ТАҚДИМ КАРДА ШУД

Имрӯз, 20-уми январи соли 2023 аз ҷониби намояндаи ҳафтаномаи “Тоҷикистон” дипломи ғолиби номинаи “Ректори сол-2022” ба Аҳлиддин Ибодуллозода, ректори Донишгоҳ тақдим карда шуд.

Аҳлиддин Ибодуллозода, ректори Донишгоҳи давлатии омӯзгории Тоҷикистон ба номи Садриддин Айнӣ зимни тақдими ҷоиза изҳор дошт, ки боварӣ ва эҳтироми мардум бори дигар моро водор месозад, ки баҳри рушду рифъати мақоми илму маърифат беш аз ҳарвақта талош варзему ба давлату миллати азизамон содикона хидмат кунем.