|
25.02.2025 12:33 |
|
ҚАБУЛИ ШАҲРВАНДОН
 Имрӯз дар Донишгоҳи давлатии омӯзгории Тоҷикистон ба номи С. Айнӣ қабули шаҳрвандон баргузор шуд, ки дар он ариза ва дархостҳои шаҳрвандону донишҷӯён аз ҷониби ректор Аҳлиддин Ибодуллозода дар доираи қонун ва тибқи тартиб баррасӣ гардиданд. |
|
24.02.2025 08:27 |
|
САЗОВОРИ ҶОМИ ДАРАҶАИ 1 ВА 2 ШУДАНИ ДАСТАҲОИ ШАШКАБОЗОНУ ШОҲМОТБОЗОНИ ДОНИШГОҲ ДАР "ҶОМИ ВАЗИРИ КОРҲОИ ДОХИЛӢ"
 Рӯзи 22-юми феврали соли 2025 дастаи омӯзгорони Донишгоҳи давлатии омӯзгории Тоҷикистон ба номи Садриддин Айнӣ дар мусобиқаи кушоди варзишӣ аз намудҳои шашка ва шоҳмот барои дарёфти “Ҷоми вазири корҳои дохилӣ”, ки миёни муассисаҳои таҳсилоти олӣ ва корхонаву идораҳо баргузор гардид, фаъолона иштирок намуданд.Дар ин мусобиқа омӯзгорони Донишгоҳ ба гирифтани се ҷои ифтихорӣ мушарраф гардиданд. Аз ҷумла, аз намуди шашка миёни мардон Муборакиён Сиддиқ соҳиби ҷойи 1-ум, Шарипова Мавзуна миёни бонувон соҳиби ҷойи 2-юм ва Шамсуддинова Маҳтовбӣ аз намуди шоҳмот миёни бонувон соҳиби ҷойи 1-ум гардиданд.
|
|
25.02.2025 12:27 |
|
БАРГУЗОРИИ ҶАЛАСАИ НАЗОРАТИИ РАЁСАТИ ДОНИШГОҲ
 Рӯзи 24 феврали соли 2025 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо иштироки муовинони ректор, сардорони раёсатҳо, деканони факултетҳо ва мудирони шуъбаву бахшҳо ҷаласаи назоратӣ баргузор намуданд. Дар ҷаласа як қатор масъалаҳои марбут ба таълим, тарбия, илм ва робитаҳои байналмилалии муассиса мавриди баррасӣ қарор дода шуданд.
|
|
24.02.2025 07:07 |
|
СЕМИНАРИ ИЛМИИ МУШТАРАК
 Вобаста ба иҷрои дастуру супоришҳои Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба масъалаҳои рақамикунонӣ ва истифодаи ҳуши маснуъӣ дар тамоми соҳаҳо, амалисозӣ ва истифодаи самараноки онҳо, вусъат бахшидан ба равандҳои навоварӣ ва истифодаи ҳамаҷонибаи имконияти технологияҳои рақамӣ, инчунин бахшида ба эълони солҳои 2025-2030 "Солҳои рушди иқтисоди рақамӣ ва инноватсия" дар Донишгоҳ семинари илмии муштарак баргузор гардид.
|
|
24.02.2025 06:58 |
|
ЧОРАБИНИИ ТАНТАНАВӢ БАХШИДА БА РӮЗИ АРТИШИ МИЛЛӢ
Дар толори бошукуҳи Донишгоҳи давлатии омӯзгории Тоҷикистон ба номи Садриддин Айнӣ бахшида ба 32-солагии таъсиси Қувваҳои Мусаллаҳи Ҷумҳурии Тоҷикистон чорабинии тантанавӣ баргузор гардид.
Зимни ҳамоиш ректори Донишгоҳ Аҳлиддин Ибодуллозода иброз дошт, ки 32 сол муқаддам маҳз бо кӯшишу талошҳои пайвастаи Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ, муҳтарам Эмомалӣ Раҳмон Артиши миллии Тоҷикистон дар шароити ниҳоят вазнину мураккаби сиёсиву иҷтимоӣ таъсис дода шуд ва имрӯз он яке аз рукнҳои асосии давлатдории миллӣ шинохта шудааст.
|
|
24.02.2025 06:51 |
|
ТАҶЛИЛИ РӮЗИ АРТИШИ МИЛЛӢ ДАР МАРКАЗИ ТАЪЛИМӢ-КАСБОМӮЗИИ ДДОТ БА НОМИ С. АЙНӢ ДАР Ш. НОРАК
 Имрӯз дар Маркази таълимӣ-касбомӯзии Донишгоҳи давлатии омӯзгории Тоҷикистон ба номи Садриидин Айнӣ дар шаҳри Норак чорабинии тантанавӣ-фарҳангӣ бахшида ба Рӯзи Қувваҳои Мусаллаҳи Ҷумҳурии Тоҷикистон баргузор гардид.Дар чорабинии мазкур роҳбарият, омӯзгорон ва таълимгирандагону касбомӯзони ин марказ иштирок намуданд.
Дар ифтитоҳи чорабинӣ директори марказ Исоев Саймумин ҳозиринро ба муносибати Рӯзи Қувваҳои Мусаллаҳи Ҷумҳурии Тоҷикистон муборакбод гуфта, қайд намуданд, ки Қувваҳои Мусаллаҳ бо саъю талош ва ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон таъсис ёфта, имрӯз ба сипари боэътимоди давлат мубаддал гаштааст.
Дар охир чорабинии рангини фарҳангӣ бо иштироки ҳунармандону муҳассилини марказ пешкаши ҳозирин гардонида шуд.
|
|
24.02.2025 06:45 |
|
ҲИСОБОТИ РЕКТОРИ ДОНИШГОҲ ДАР ҶАЛАСАИ НАЗОРАТИИ НАЗДИ ВАЗИРИ МАОРИФ ВА ИЛМ
 Рӯзи 21-уми феврали соли 2025 таҳти раёсати вазири маориф ва илми Ҷумҳурии Тоҷикистон Раҳим Саидзода ҷаласаи назоратӣ баргузор гардид. Дар ҷаласа муовинони вазири маориф ва илм, сардорони раёсату шуъбаҳои дастгоҳи марказии вазорат, роҳбарони муассисаҳои тобеъ, ректорони муассисаҳои таҳсилоти олии касбӣ ва дигар кормандони соҳаи маориф иштирок намуданд.Тибқи рӯзномаи ҷаласа ҳисоботи ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода оид ба вазъи корҳои илмӣ-таҳқиқотии муассиса шунида шуд.
Аз ҷумла, зикр карда шуд, ки дар соли 2024 иқтидори илмии Донишгоҳи давлатии омӯзгории Тоҷикистон ба номи Садриддин Айнӣ, иҷрои корҳои илмӣ-тадқиқотӣ ва самтҳои дигари марбут ба илм назаррас буда, зиёдшавии омӯзгорони соҳибунвон дар Донишгоҳ тадриҷан рӯ ба афзоиш овардааст. Ҳамзамон дар донишгоҳ 6 Шурои диссертатсионии КОА-и назди Президенти Ҷумҳурии Тоҷикистон аз рӯйи 13 ихтисос фаъолият менамояд.
|
|
24.02.2025 06:25 |
|
ДАР ЛИТСЕЙИ НАЗДИ ДОНИШГОҲ РӮЗИ АРТИШИ МИЛЛӢ ТАҶЛИЛ КАРДА ШУД
 Имрӯз дар Литсейи назди Донишгоҳи давлатии омӯзгории Тоҷикистон ба номи Садриддин Айнӣ бахшида ба 32-юмин солгарди таъсисёбии Артиши миллӣ чорабинии фарҳангӣ баргузор гардид. Дар чорабинии мазкур директори литсей Қосимов Қ., муовини директор оид ба таълим Қосимов Ф., муовини директор оид ба тарбия Раҳимова Ӯ., роҳбари ҳаракати олимпӣ Комрони М., омӯзгорон ва хонандагони синфҳои ибтидоӣ иштирок намуданд.
Чорабинии мазкур бо зинда садо додани Суруди миллӣ оғоз гардида, директори литсей Қосимов Қурбон дар суханронии худ тамоми иштирокчиён, омӯзгорон ва хонандагонро бахшида ба рӯзи таъсисёбии Артиши миллӣ табрик намуд.
Дар қисмати фарҳангии чорабинӣ аз ҷониби хонандагон дар васфи Артиши миллӣ шеърҳо ва сурудҳо қироат карда шуд, ки ба ин восита табъи ҳозирин болида гардид.
|
|
|
|
|
