ИДОМАИ КОРИ КОНФЕРЕНСИЯ ДАР БАХШҲО

Имрӯз пас аз нисфирӯзӣ кори конференсияи илмӣ-амалии ҳайати профессорону омӯзгорон, докторантону магистрон ва донишҷӯёни донишгоҳ дар бахшҳо давом ёфт. Зиёда аз 120 маърӯзаи устодон ва 188 маърӯзаи магистрону донишҷӯён шунида ва муҳокима карда шуданд. Ёдовар мешавем ,ки кори конфренесия то 19.04.2022 давом хоҳад ёфт.

ОҒОЗИ ҲАФТАИ ИЛМ ДАР ДОНИШГОҲ

Чун анъана ҳамасола ҳафтаи сеюми моҳи апрел дар кишвари азизамон – Тоҷикистон ҳафтаи илм ном гирифта, бошукӯҳ таҷлил мегардад. Дар ин замина 14 апрели соли 2022 дар толори бинои асосии Донишгоҳи давлатии омӯзгории Тоҷикистон ба номи Садриддин Айнӣ ҷаласаи ифтитоҳии конференсияи илмӣ-амалии ҳайати профессорону омӯзгорон, докторантону магистрон ва донишҷӯёни донишгоҳ бахшида ба Рӯзи илми тоҷик, Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (барои солҳои 2020-2040), Солҳои рушди саноат (2022-2026) ва 30-солагии Иҷлосияи XVI-уми Шурои Олии Ҷумҳурии Тоҷикистон баргузор гардид.

Қисми 4 - https://telegra.ph/Dar-borai-yak-kitobi-dars%D3%A3-%D2%9A4-04-14 Қисми 3 - https://teleg  ra.ph/Dar-borai-yak-kitobi-dars%D3%A3-%D2%9A3-04-14 Қисми 2 - https://telegra.ph/Dar-borai-yak-kitobi-dars%D3%A3-%D2%9A2-04-14Қисми 1 - https://telegra.ph/Dar-borai-yak-kitobi-dars%D3%A3-04-14 Давоми матлаб:
Дар муқаддима масъалаи таъмир ва татҳири (пок, покиза, тоза) фикр, ба воситаи он расидан ба худшиносӣ, ки танҳо тавассути донишу хирад ва таҷрибаи зиндагӣ сурат мегирад, таъкид мегардад.Дар ин маврид ақл, ҳуш, зеҳн, идрок ва дарёфти инсонӣ-хирадро дар ҷойи аввал мегузорад.

АНҶУМАНИ ЯКУМИ БАЙНАЛМИЛАЛИИ АКАДЕМИЯИ ТАҲСИЛОТИ РОССИЯ

Академияи таҳсилоти Россия хоҳишмандонро аз Ҷумҳурии Тоҷикистон барои иштирок дар Анҷумани якуми байналмилалии Академияи таҳсилоти Россия «Донишҷӯ дар ҷаҳони муосир: формулаи муваффақият» даъват мекунад.

РЎНАМОИ КИТОБИ НАВ ДАР ДОНИШГОҲ

13 апрели соли 2022 дар Донишгоҳи давлатии омӯзгории Тоҷикистон ба номи Садриддин Айнӣ барномаи адабӣ-мусиқии “Ширу шакар”ва рӯнамои китоби “Корвон... Раҳ... Марғзор... Оҳу”-и мудири шуъбаи табъу нашри донишгоҳ, шоир ва адабиётшинос Абдуҷаббори Суруш  баргузор гардид, ки дар он адибону олимон, устодону донишҷӯёни донишгоҳ иштирок карданд. Чорабиниро ректори донишгоҳ Нӯъмонҷон Ғаффорӣ ҳусни оғоз бахшида, изњор дошт, ки китоби мавриди назар барои тақвияти завқи эстетикӣ, ҳисси ватандўстӣ, ифтихори миллӣ ва зебоипарастӣ мусоидат менамояд. Сипас сармуҳаррири ҳафтаномаи “Минбари халқ”, номзади илмҳои филология Бахтиёр Ҳамдамов оид ба наќди мухтасари китоби болозикр андеша ронд. Олим ва шоири Афғонистон Аслам Гудоз низ оиди ашъори Суруш сухани мутаассир намуд.

СИФАТИ ТАҲСИЛОТ ВА МАСЪАЛАНОКИИ РАВАНДИ ТАЪЛИМ

13 апрели соли 2022 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори кафедраи умумидонишгоҳии педагогика бахшида ба ҳафтаи илм конференсияи илмӣ-амалии ҷумҳуриявӣ таҳти унвони “Сифати таҳсилот ва масъаланокии раванди таълим дар муассисаҳои таҳсилоти олии касбии Ҷумҳурии Тоҷикистон” баргузор гардид. Конференсияро муовини ректор оид ба корҳои илмӣ илмӣ Акобир Мирзораҳимов ҳусни ифтитоҳ бахшид. Сипас мушовири директори агентии назорат дар соҳаи маорифи ва илм Латофат Назирӣ  доир ба роҳҳои ташкил ва гузаронидани мониторинги сифати таҳсилот, мудири кафедраи идоракунии захираҳои инсонии ДМТ Табаралӣ Ғаниев оид ба модели системавии таълимоти бефосила, професссори кафедраи пелагогика оид ба проблемаҳои сифати таҳсилот, мудири кафедраи методикаи таълими забон ва адабиёти Шарифмурод Исрофилниё оид ба мушкилоти таълими адабиёт ва мудири кафедраи методикаи таълим дар муассисаҳои томактабӣ ва миёнаи умумии ДҶТИБКСМ Зарина Норова оид ба аҳамияти сифати таҳсилот маърӯза карданд.

ПАРВОЗИ АВВАЛИН БА КАЙҲОН-ЗАМИНАИ РУШДИ КАЙҲОНАВАРДӢ ДАР ҶАҲОН

12-уми апрели  соли 2022 дар факултети физикаи Донишгоҳи давлатии омӯзгории Тоҷикистон ба номи Садридин айнӣ мизи мудаввар бахшида ба «Рӯзи кайҳонавардон» таҳти унвони «Парвози аввалин ба кайҳон-заминаи рушди кайҳонавардӣ дар ҷаҳон» баргузор гардид.  Нахуст декани факултет Наҷмиддинов А, сухан гуфта, зикр кард, ки ҳамасола 12-уми апрел дар саросари  ҷаҳон ҳамчун рӯзи нахустин парвози инсон ба кайҳон таҷлил карда мешавад.

НАҚШИ ТАЪЛИМИ ФАНҲОИ УМУМИТЕХНИКӢ ДАР РУШДИ САНОАТИКУНОНИИ ҶУМҲУРӢ

11 апрели соли 2022 дар Донишгоҳи давлатии омӯзгории Тоҷикистон ба номи Садриддин Айнӣ бо ибтикори факултети тохнология ва соҳибкорӣ конференсияи илмӣ-назариявии ҷумҳуриявӣ бахшида ба 25-солагии Ваҳдати миллӣ, 30-солагии Иҷлосияи 16-уми Шурои олии Ҷумҳурии Тоҷикистон ва 75-солагии устоди кафедраи методикаи таълими технология ва соҳибкорӣ Сайфиддинов Муҳабат баргузор гардид. Қисмати ифтитоҳии конференсияи мазкурро муовини ректор оид ба корҳои илмӣ Акобир Мирзораҳимов ҳусни оғоз бахшид.