БОЗДИД АЗ ОСОРХОНАИ ПЕШВОИ МИЛЛАТ

6 апрели соли 2022 бо ибтикори Кумитаи иттифоқи касабаи донишҷӯёни ДДОТ ба номи Садриддин Айнӣ як қатор донишҷӯёни маъюб, камбизоат ва ятимони кулли донишгоҳ аз Осорхонаи Пешвои миллат дидан карданд. Зимни боздид аз осорхонаи мазкур донишҷӯён оид ба даврони таҳсили Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Донишгоҳи миллии Тоҷикистон маълумоти пурра гирифтанд. Сипас, раиси Кумитаи иттифоқи касабаи донишҷӯёни ДДОТ ба номи Садриддин Айнӣ Раҷабов Дилшод дар дафтари ташрифи меҳмонони осорхона бардошти донишҷӯёнро навишта, соядаст гузошт.

Имрӯз, 31 март айбдоршавандаи парвандаи ҷиноятӣ, зода ва истиқоматкунандаи шаҳри Хоруғи Вилояти Мухтори Кӯхистони Бадахшон (ВМКБ) Манучеҳр Шеров дастгир гардид. Дар ин бора ба АМИТ «Ховар» дар Маркази матбуоти Раёсати Вазорати корҳои дохилии Ҷумҳурии Тоҷикистон дар ВМКБ хабар доданд.

РӮҲИЯИ ВАТАНДОРӢ АЗ ТАМОШОИ “ДОСТОНИ НУР”

30-юми марти соли 2022 устодону донишҷӯёни Донишгоҳи давлатии омӯзгории Тоҷикистон ба номи Садриддин Айнӣ аз намоиши операи миллии “Достони Нур” дар Театри давлатии академии опера ва балети ба номи Садриддин Айнӣ дидан намуданд. Муаллифи оњанг раиси Иттифоқи композиторони Тоҷикистон Амирбек Мусозода ва муаллифи либреттои операи мазкур Шоири халқии Тоҷикистон Гулназар мебошанд. Омӯзгорону донишҷӯёни ДДОТ ба номи С.Айнӣ аз намоиши ин асари таърихию тамсилии театрӣ бо рӯҳияи баланди ватандорию фарҳанггустарї истиқбол гирифтанд.

ДАСТОВАРДИ ДОНИШҶӮИ ДДОТ БА НОМИ С. АЙНӢ ДАР ОЛИМПИАДАИ БАЙНАЛМИЛАЛӢ

29-30 марти соли 2022 олимпиадаи байналмилалӣ аз фанни физика бахшида ба гиромидошти олими бузург Абӯалӣ Ибни Сино баргузор гардид, ки дар он донишҷӯёни Федератсияи Русия, Ҷумҳурии Ӯзбекистон, Ҷумҳурии Қазоқистон, Ҷумҳурии Исломии Афғонистон ва Ҷумҳурии Тоҷикистон иштирок карданд. Аз ҷумла аз Донишгоҳи давлатии омӯзгории Тоҷикистон ба номи Садриддин Айнӣ чор нафар донишҷӯ ширкат варзиданд.

ДОНИШГОҲИ МО ДАР АРСАИ БАЙНАЛХАЛКӢ

Донишгоҳи давлатии омӯзгории Тоҷикистон ба номи Садриддин Айнӣ узви вобастаи Шурои ҷамъиятии Донишгоҳи давлатии омӯзгории Москва (ДДОМ) – ташкилоти базавии Иттиҳоди Давлатҳои Мустақил оид ба омода намудани кадрҳои педагогӣ мебошад, ки ба ҳайати он донишгоҳҳои пешқадами омӯзгории ИДМ шомиланд. Ҷиҳати татбиқи чорабиниҳои Шурои ҷамъиятии ДДОМ, Маркази байналмилалии таҳсилоти омӯзгорӣ (МБТО), лоиҳаҳои муштараки (байналмилалӣ)-и тадқиқотӣ, дар назди шуъбаи робитаҳои байналмилали ДДОТ ба номи С. Айнӣ «Маркази рушди таҳсилоти муттасил ва педагогикаи ҷаҳон» таъсис дода шуд, ки аз моҳи март инҷониб фаъолият дорад.

ХАМКОРИИ ДУҶОНИБА РАВНАҚ МЕЁБАД

28 марти соли 2022  намояндагони Донишгоҳи давлатии Пскови Федератсияи Россия Серова Олга Александровна – муовини ректор оид ба таълим, доктори илмҳои ҳуқуқ, Савриев Игор Евгеневич – ҳамоҳангсози робитаҳо миёни ДДП ва Ҷумҳурии Тоҷикистон, Лобаров Дмитрий Сергеевич –котиби масъули комиссияи қабули ДДП ба Донишгоҳи давлатии омӯзгории Тоҷикистон ба номи Садриддин Айнӣ ташриф оварда, бо муовини ректор оид ба робитаҳои байналмилаӣ Аъзам Байдуллоев, Бахтовар Карабаев – директори маркази таҳсилоти муттасил педагогикаи ҷаҳон ва Ғайрат Шакарбеков – мудири шуъбаи робитаҳои байналмилалӣ  мулоқот карданд.

ТАНТАНАИ  НАВРӮЗӢ ДАР ДОНИШГОҲ

19-уми марти соли 2022 бахшида ба ҷашни байналмилалии Наврӯз дар Донишгоҳи давлатии омӯзгории Тоҷикистон ба номи Садриддин Айнӣ чорабинии фарҳангӣ-фароғатӣ бо иштироки аҳли раёсат, устодону донишҷӯён ва меҳмонон баргузор гардид. Чорабиниро ректори донишгоҳ профессор Нӯъмонҷон Ғаффорӣ ҳусни оғоз бахшида, кулли ҳозиринро бо фаро расидани ин ҷашни миллии тоҷикон табрику муборакбод намуд. Сипас, сарояндагон аз ансамблҳои “Шашмақом”, “Дарё”, “Фалак”-и Кумитаи телевизион ва радиои назди Ҳукумати Ҷумҳурии Тоҷикистон ва ансамбли “Чеҳранамо” – и донишгоҳ барномаи фарҳангии бошукӯҳеро пешкаши ҳозирин гардониданд.

НАВРӮЗ ВА ТАЪРИХИ ҶАШНҲОИ ОРИЁӢ

ШОҲНАЗАР Бердизода, номзади илмҳои фалсафа, мудири кафедраи фалсафаи ДДОТ ба номи С. Айнӣ

Дар таърихи тамаддуни башарият ҷашнвораеро ба мисли Наврӯз пайдо намудан кори муҳол мебошад. Наврӯз аз замонҳои хело қадим падид омада, то ба имрӯз асолати пойдору устувори худро ҳифз намудааст. Наврӯз аз бостонитарин ҷашнҳои миллии қавмҳои ориёист, ки то рӯзгори имрӯзаи мо пойдор ва бегазанд мондааст.

Муҳаққиқони асили илму таъриху фарҳанг хуб медонанд, ки ҷомеаи инсонӣ дар тӯлӣ таърих таҳаввулотҳои зиёдеро аз сар мегузаронанд. Давлатҳои гуногуни дунё дар давраи салтанаташон ҳамзамон ҷашнҳои зиёди бошукӯҳу шаҳомат доир мекунанд, аммо бо гузашти вақт ин ҷашнҳо манзалати худро аз даст дода, аз байн мераванд. Аз ин рӯ  ҷашнҳои дар таърихномаҳо боқимонда бештар хусусияти сиёсӣ ва идеологӣ дошта аз арзишҳои умумибашарӣ холӣ буданд.