|
25.11.2025 19:44 |
|
ВОХӮРӢ БО ДОНИШҶӮЁН ДАР ХОБГОҲҲОИ ДОНИШГОҲ
 Имрӯз дар хобгоҳҳои Донишгоҳи давлатии омӯзгории Тоҷикистон ба номи Садриддин Айнӣ вохӯрии навбатии роҳбарияти донишгоҳ бо иштироки деканони факултетҳо ва дигар шахсони масъул баргузор гардид.
Ҳадафи мулоқот шиносоӣ бо ҳолати зисту зиндагии донишҷӯён ва тақвияти робитаи корӣ миёни маъмурият ва истиқоматкунандагони хобгоҳҳо мебошад.
|
|
28.11.2025 07:42 |
|
ДИДОРИ ДИЛРАБО МАНСУРӢ БО ИШТИРОКЧИИ ОЗМУН МАРВОРИД БОЙЗОДА
 Имрӯз муовини Сарвазири Ҷумҳурии Тоҷикистон, раиси Комиссияи Озмуни ҷумҳуриявии “Фурӯғи субҳи доноӣ китоб аст” Дилрабо Мансурӣ аз ҷараёни баргузории даври ниҳоии он дидан намуда, аз ҷумла бо иштирокчии ин озмун Марворид Бойзода – омӯзгори Донишгоҳи давлатии омӯзгории Тоҷикистон ба номи Садриддин Айнӣ суҳбат намуд. |
|
25.11.2025 17:20 |
|
ҶАЛАСАИ НАЗОРАТИИ НАЗДИ РЕКТОРИ ДОНИШГОҲ
 Рӯзи 25.11.2025 ректори Донишгоҳи давлатии омӯзгории Тоҷикистон ба номи Садриддин Айнӣ Аҳлиддин Ибодуллозода бо иштироки муовинони ректор, сардорони раёсатҳо, деканони факултетҳо ва мудирони шуъбаву бахшҳо ҷаласаи назоратӣ баргузор намуданд. Дар ҷаласа як қатор масъалаҳои марбут ба таълим, тарбия, илм ва робитаҳои байналмилалии муассиса мавриди баррасӣ қарор дода шуданд.
|
|
25.11.2025 17:11 |
|
ҚАБУЛИ ШАҲРВАНДОН
 Имрӯз дар Донишгоҳи давлатии омӯзгории Тоҷикистон ба номи С. Айнӣ қабули шаҳрвандон баргузор шуд, ки дар он ариза ва дархостҳои шаҳрвандону донишҷӯён аз ҷониби ректор Аҳлиддин Ибодуллозода дар доираи қонун ва тибқи тартиб баррасӣ гардиданд.
|
|
25.11.2025 13:10 |
|
ТАҚДИМИ “ШОҲНОМА” БА ОМӮЗГОРОНИ ДОНИШГОҲ
 Ба муносибати Рӯзи Парчами давлатии Ҷумҳурии Тоҷикистон ба омӯзгорони 116 ҳуҷраи хобгоҳи №9-и Донишгоҳи давлатии омӯзгории Тоҷикистон ба номи Садриддин Айнӣ туҳфаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон – китоби “Шоҳнома”-и Абулқосим Фирдавсӣ тақдим гардид. Ин иқдом дар доираи арҷгузорӣ ба фарҳанги миллӣ ва муаррифии арзишҳои волои таърихиву адабии миллати тоҷик сурат гирифта, аҳли таълимгоҳ онро нишонаи эҳтиром ва дастгирии ҳамешагии Пешвои миллат нисбат ба омӯзгорону маорифчиён арзёбӣ намуданд.
|
|
24.11.2025 16:53 |
|
«ПАРЧАМИ ДАВЛАТӢ: РАМЗИ СОҲИБИСТИҚЛОЛӢ ВА ВАҲДАТИ МИЛЛӢ»
 Рӯзи 24 ноябри соли 2025 дар толори фарҳангии Донишгоҳи давлатии омӯзгории Тоҷикистон ба номи Садриддин Айнӣ конфронси ҷумҳуриявии илмию амалӣ таҳти унвони «Парчами давлатӣ: рамзи соҳибистиқлолӣ ва ваҳдати миллӣ» баргузор гардид.
Дар конфронс намояндагони Маҷлиси намояндагони Маҷлиси Олии Ҷумҳурии Тоҷикистон, Шурои собиқадорони ҲХДТ ва устодону донишҷӯёни
|
|
24.11.2025 11:25 |
|
ИШТИРОКИ ФАЪОЛОНА ДАР РОҲПАЙМОӢ БАХШИДА БА РӮЗИ ПАРЧАМИ ДАВЛАТӢ
 Имрӯз аҳли раёсат, омӯзгорон ва донишҷӯёни Донишгоҳи давлатии омӯзгории Тоҷикистон ба номи Садриддин Айнӣ зиёда аз 1300 нафар таҳти роҳбарии ректори донишгоҳ, Аҳлиддин Ибодуллозода дар роҳпаймоии идона бахшида ба Рӯзи Парчами давлатии Ҷумҳурии Тоҷикистон иштирок намуданд. Роҳпаймоӣ аз майдони маҷмааи Истиқлол оғоз ёфта, то боғи Парчами миллӣ – баландтарин Парчами давлатӣ идома ёфт.
Иштироки фаъоли ҳайати донишгоҳ ифодаи эҳтиром ба яке аз муқаддасоти давлатӣ ва нишони ватандӯстиву худшиносии миллӣ мебошад. |
|
23.11.2025 12:27 |
|
ШУРОИ НАВИ ДИССЕРТАТСИОНӢ ТАЪСИС ДОДА ШУД
 Бо фармони Раиси Комиссияи олии аттестатсионии назди Президенти Ҷумҳурии Тоҷикистон, дар асоси қарорҳои дахлдор, Шурои диссертатсионӣ барои ҳимояи рисолаҳои доктори фалсафа (PhD) ва доктори илм аз рӯйи ихтисосҳои:
• Математика (6D010900 – Назария ва методикаи таълими математика (таҳсилоти умумӣ))
• Физика (6D011001 – Назария ва методикаи таълими физика (таҳсилоти умумӣ))
• Педагогика (5.3.4.1 ва 5.3.4.2)
дар назди Донишгоҳи давлатии омӯзгории Тоҷикистон ба номи Садриддин Айнӣ расман таъсис дода шуд.
Фаъолияти Шурои диссертатсионӣ мутобиқи меъёрҳои ҳуқуқӣ ба роҳ монда шуда, муҳлати ваколати он 2 сол муқаррар гардидааст. Ин иқдом имкониятҳои нави илмӣ, таҳқиқотӣ ва рушди касбиро барои муҳаққиқон, омӯзгорон ва донишмандони кишвар фароҳам меорад.
|
|
|
|
|
