ҲИМОЯИ МУВАФФАҚОНА ДАР РИШТАИ ИЛМИ КИМИЁ

17 июни соли 2021 дар ҷаласаи Шӯрои дисертатсионии ДДОТ ба номи С.Айнӣ ҳимояи муваффақонаи унвонҷӯ Ҳошимҷон Иброҳимов дар мавзӯи “Методикаи ташаккули салоҳияти хонандагон дар муассисаҳои таҳсилоти миёнаи умумӣ тавассути ҳалли масъалаҳои химиявӣ” барои дарёфти дараҷаи илмии номзади илмҳои педагогӣ аз рӯи ихтисоси 13.00.02 - Назария ва методикаи таълим ва тарбия (химия) сурат гирифт. Лозим ба ёдоварист, ки Ҳошимҷон Иброҳимов яке аз омӯзгорони варзидаи кишвар дар риштаи илми кимиё ба ҳисоб рафта, дорои мактаби хусусии хеш мебошад.

ИДОМАИ ҶАМЪБАСТИ ҲИСОБОТИ ШАШМОҲАИ ИЛМ

Санаи 15-уми июни соли 2021 дар толори бинои асосии ДДОТ ба номи Садриддин Айнӣ ҳисоботи шашмоҳаи раёсати илм ва инноватсия бо иштироки муовини ректор оид ба корҳои илмӣ д.и.б., профессор Мирзораҳимов Акобир, сардори раёсати илм ва инноватсия н.и.с., дотсент Ҳаким Раҷаб, аъзоёни ин раёсат, деканони факултетҳо, ҷонишинони онҳо оид ба илм ва инчунин мудирони кафедраҳои умумидонишгоҳии равияи илмҳои гуманитарӣ ҷамъбаст гардид. Ҳисоботдиҳандагон фаъолияти шашмоҳаи устодону кормандони кафедраву факултетҳои худро ба ҳисоб гирифта,

ҶАМЪБАСТИ ҲИСОБОТИ ШАШМОҲАИ ИЛМ

Рӯзи 14-уми июни соли 2021 дар толори бинои асосии ДДОТ ба номи Садриддин Айнӣ ҳисоботи шашмоҳаи раёсати илм ва инноватсия бо иштироки муовини ректор оид ба корҳои илмӣ д.и.б., профессор Мирзораҳимов Акобир, аъзои раёсати илм ва инноватсия, деканони факултетҳо, ҷонишинони деканҳо оид ба илм ва инчунин мудирони кафедраҳои умумидонишгоҳии равияи табиӣ ва риёзӣ ҷамъбаст гардид. Нахуст муовини ректор оид ба корҳои илмӣ дастовардҳои назарраси донишгоҳро дар шаш моҳи охир хуб арзёбӣ намуда, пеш аз ҳама, дастгирӣ ва фароҳамоварии шароити хуби фазои илмии донишгоҳро дар самти мазкур яке аз ғамхориҳои самимонаи роҳбарияти донишгоҳ арзёбӣ намуд. Инчунин афзуд, ки заҳмати омӯзгорон ҷиҳати бадастоварии ин дастовардҳои хеле назааррас мебошад. Сипас муовинони декан оид ба илм ва мудирони кафедраҳои умумидонишгоҳӣ ҳисоботи шашмоҳаи худро бо призинтатсия манзури ҳозирин намуданд. Дар ҷамъбаст ҳисоботи факултети химия яке аз беҳтарин ҳисоботҳои ҷаласа дониста шуд.

Дар ВАО ҳар рӯз қиссаҳои илҳомбахш дар бораи тоҷикистониёне, ки ҷаҳонро тасхир мекунанд, барномасозони сатҳи олӣ, олимони ҷавон, тарроҳони боистеъдод интишор меёбанд. Ва ин насли нави ҷавон аст. Аммо дар паси онҳо аксар вақт касоне ҳастанд, ки ин ҷавононро дастгирӣ мекунанд ва онҳо насли аввали касонест, ки аллакай солҳои зиёд дар хориҷа кору зиндагӣ мекунанд.

Истиқболи Президенти Ҷумҳурии Ӯзбекистон Шавкат Мирзиёев

дар Фурудгоҳи байналмилалии Душанбе

10.06.2021 10:40, шаҳри Душанбе

10 июн Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Фурудгоҳи байналмилалии Душанбе Президенти Ҷумҳурии Ӯзбекистон муҳтарам Шавкат Мирзиёевро, ки бо сафари расмӣ ба Тоҷикистон ташриф оварданд, гарму самимӣ истиқбол гирифтанд.

Ба хотири пазироии сазовори меҳмони олимақом - Сарвари давлати дӯсту ҳамсояи Ӯзбекистон майдони Фурудгоҳи байналмилалии Душанбе бо аксҳои Сарони давлатҳо, шиорҳо ва парчамҳои давлатии Тоҷикистону Ӯзбекистон идона ороста шуд.

БОЗДИД АЗ РАФТИ СОХТМОНИ БИНОИ НАВИ ТАЪЛИМӢ

9 июни соли 2021 раиси Кумитаи иттифоқи касабаи кормандони маориф ва илми Ҷумҳурии Тоҷикистон Одиназода Рамазон Сафар ба Донишгоҳи давлатии омӯзгории Тоҷикистон ба номи Садриддин Айнӣ ташриф оварда, ҳамроҳи ректори донишгоҳ, профессор Ғаффорӣ Нӯъмонҷон Усмонзода аз рафти корҳои сохтмонии иншооти ҷашнии донишгоҳ ҷиҳати истиқболи 30–солагии Истиқлолияти давлатии Ҷумҳурии Тоҷикистон ва 90–солагии таъсисёбии ДДОТ ба номи С.Айнӣ боздид намуд. Маврид ба зикр аст, ки бинои нави таълимии бунёдшаванда аз панҷ ошёна ва таҳхона барои ошхонаи умумӣ иборат буда, дар шафати он толори нави фарҳангӣ бо 570 ҷойи нишаст бунёд шуда истодааст. Дар ҳоли ҳозир, рангуборкунӣ, насби дару тирезаҳо ва дигар корҳои сохтмонӣ идома ёфта истодааст.

РАЁСАТИ ТАЪЛИМ, ПИРӮЗӢ МУБОРАК БОД!

Шурӯъ аз 25-уми майи соли 2021 дар ДДОТ ба номи Садриддин Айнӣ бахшида ба 30-солагии Истиқлолияти давлатии Ҷумҳурии Тоҷикистон, 90-салагии таъсисёбии ДДОТ ба номи Садриддин Айнӣ, инчунин барои сазовор пешвоз гирифтани “Рӯзи Ваҳдати миллӣ” мусобиқаи дӯстонаи волейбол байни омӯзгорон ва кормандони сохторҳои донишгоҳ баргузор гардид. Дар мусобиқаи мазкур дастаҳои волейболбозони раёсати таълими донишгоҳ, қисми хоҷагидорӣ, факултетҳои таърих, математика, химия, иқтисодиёт ва идоракунии маориф, биология, география, таҳсилоти томактабӣ ва ибтидоӣ ва кафедраҳои умумидонишгоҳӣ дар даври аввал байни ҳам сабқат намуданд. Маврид ба зикр аст, ки дастаҳои раёсати таълими донишгоҳ, факултети математика, факултети физика ва факултети таърих ба даври финалӣ роҳ ёфта, санаи 8-уми июни соли равон барои ҷойҳои якум, дуюм ва сеюм байни ҳам сабқат намуданд. Дар ҷамъбаст бо ҳисоби 3:2 ҷойи аввал насиби дастаи волейболбозони раёсати таълими донишгоҳ, ҷойи дуюм насиби дастаи факултети математика ва ҷойи сеюм насиби дастаи факултети физика гардид, ки ғолибон бо “Ифтихорнома”-ву Ҷоми ректори донишгоҳ қадрдонӣ карда шуданд. Инчунин ба як қатор бозингарони беҳтарину доварон  аз ҷониби Кумитаи иттифоқи касабаи устодону кормандони донишгоҳ тӯҳфаҳои хотиравӣ супорида шуд.

Падарам, нависанда ва рӯзноманигор, шодравон Аброр Зоҳир дар соли охири умраш мехост дар бораи қаҳрамони миллат Шириншоҳ Шоҳтемур роман нависад. Ба ин мақсад, маълумоти зиёде ҷамъ овард. Аммо умр вафо накард ва чунин коре амалӣ нашуд. Иттифоқо рӯзе дар ҳуҷраи кории падар чанд дастхат бо ин маълумот ба дастам афтод ва кӯшиш намудам, ки мурури шогирдонае ба рӯзгор ва фаъолияти ин абармарди таърихӣ ва Қаҳрамони Тоҷикистон дошта бошам.