ШАНБЕГӢ ДАР ДДОТ БА НОМИ САДРИДДИН АЙНӢ

ИДОМА ДОРАД

Имрӯз, якшанбе, санаи 25.10.2020 дар Донишгоҳи давлатии омӯзгории Тоҷикистон ба номи Садриддин Айнӣ  тибқи дастури Вазорати маориф ва илми Ҷумҳурии Тоҷикистон шанбегии умумидонишгоҳӣ ҳамчун идомаи рӯзи гузашта (24.10.2020) ҷиҳати тозакориҳо дар саҳни донишгоҳ ва атрофи он бо иштироки устодону кормандон барои иҷрои нақшачорабиниҳои доимамалкунанда бо мақсади “Тоза нигоҳ доштани муҳити атроф” баргузор гардид.

ДАР ОБОДОНИИ ДУШАНБЕШАҲР САҲМГУЗОРЕМ

Субҳи имрӯз бо ташаббуси раёсати ДДОТ ба номи Садриддин Айнӣ дар ҳамкорӣ бо Мақомоти иҷроияи ҳокимияти давлатии ноҳияи Исмоили Сомонии шаҳри Душанбе шанбегии умумидонишгоҳӣ баргузор гардид. Аз рафти шанбегӣ раиси ноҳияи Исмоили Сомонӣ муҳтарам Самӣ Шариф Ҳамид дидан намуда, зимни суҳбат бо ректори донишгоҳ Ғаффорӣ Н.У. қайд дошт, ки ҳар як шахсе, ки дар пойтахти кишвар истиқомат мекунад,  дар гулгулшукуфоии он низ саҳмгузор бошад. Бояд ба хотири зебову озода нигаҳ доштани Душанбешаҳр, ки макони баргузории чорабиниҳои ҷумҳуриявию байналмилалӣ аст, ҳамеша саъю талош варзем.

Табрикоти роҳбарони кишварҳои хориҷӣ ва шахсиятҳои маъруф

ба Президенти Ҷумҳурии Тоҷикистон

23.10.2020 17:19, шаҳри Душанбе

Ба муносибати аз нав интихоб гардидан ба маснади олии Президенти Ҷумҳурии Тоҷикистон ба унвони Асосгузори сулҳу ваҳдати миллӣ - Пешвои миллат, Ҷаноби Олӣ муҳтарам Эмомалӣ Раҳмон аз сарони давлатҳо ва ҳукуматҳои кишварҳои хориҷӣ, роҳбарони созмонҳои байналмилаливу минтақавӣ, инчунин ходимони намоёни давлативу ҷамъиятӣ номаҳои табрикотӣ ворид мегарданд.

Президенти Ҷумҳурии Чехия Милош Зееман дар номаи шодбошии худ ба унвонии Президенти Тоҷикистон чунин менигорад:

“Муҳтарам Ҷаноби Президент,

Иҷозат фармоед, ки Шуморо ҷиҳати аз нав интихоб гардиданатон ба маснади Президенти Ҷумҳурии Тоҷикистон аз самими қалб табрик намоям.

Бо камоли майл аз ин фурсат истифода бурда, мехоҳам боварии устувори худро ҷиҳати он, ки  муносиботи ҳасанаи анъанавии байни кишварҳоямон минбаъд ҳам муваффақона идома хоҳанд ёфт, иброз намоям.

Ба Шумо, муҳтарам Ҷаноби Президент, қабл аз ҳама саломатии бардавом ва дар кору ҳаёти шахсиатон муваффақиятҳои фаровон таманно дорам”.

Табрикоти роҳбарони кишварҳои хориҷӣ ва

шахсиятҳои маъруф ба Президенти Ҷумҳурии Тоҷикистон

21.10.2020 17:46, шаҳри Душанбе

Ба муносибати аз нав интихоб гардидан ба маснади олии Президенти Ҷумҳурии Тоҷикистон ба унвони Асосгузори сулҳу ваҳдати миллӣ - Пешвои миллат, Ҷаноби Олӣ муҳтарам Эмомалӣ Раҳмон аз сарони давлатҳо ва ҳукуматҳои кишварҳои хориҷӣ, роҳбарони созмонҳои байналмилаливу минтақавӣ, инчунин ходимони намоёни давлативу ҷамъиятӣ номаҳои табрикотӣ ворид мегарданд.

Президенти Ҷумҳурии Корея Мун Чже Ин дар номаи шодбошии худ ба унвонии Президенти Тоҷикистон чунин менигорад:

“Ҷаноби Олӣ,

Табрикоти самимии маро ба муносибати пирӯзии эътимодбахш ва аз нав интихоб шуданатон ба ҳайси Президенти Ҷумҳурии Тоҷикистон қабул фармоед.

Муътақидам, ки таҷрибаи ғании Шумо дар соҳаи сиёсати давлатӣ дар оянда низ ба субот, тараққӣ ва шукуфоии кишваратон мусоидат хоҳад кард.

Хеле шодам, ки аз лаҳзаи барқарор кардани муносибатҳои дипломатӣ дар соли 1992 муносиботи дуҷонибаи мо дар соҳаҳои гуногун ба таври мунтазам рушд меёбанд.

Самимона изҳори боварӣ менамоям, ки дар якҷоягӣ бо Шумо ҳамкориҳои барои ҷонибҳо судманд ва самарабахши байни кишварҳоямонро тавсеа хоҳем бахшид.

Иҷозат фармоед, ки бо истифода аз ин фурсати фараҳбахш ба Шумо саломатии қавӣ ва ба мардуми тоҷик сулҳу шукуфоӣ таманно намоям”.

МАҲФИЛИ ИЛМИИ “ИНФОРМАТИКОНИ ҶАВОН”

Санаи 21.10.2020 дар синфхонаи №8-и факултети математика маҳфили навбатии “Информатикони ҷавон” бо дастгирии мудири кафедраи ТИК Латипов Сафаралӣ, таҳти роҳбарии н.и.п. Наҷмиддинов Абдуғафор баргузор гардид. Синфхона муҷаҳҳаз бо маводҳои аёният, яъне лавҳаҳои иттилоотӣ ва компютерҳои бо шабакаи интернетӣ пайвасшуда буд. Донишҷӯён бо истифода аз ин аёниятҳо дар маҳфил фаъолона иштирок намуданд.

Табрикоти Президенти Ҷумҳурии Сербия Александр Вучич ва

Президенти Ҷумҳурии Сотсиалистии Ветнам Нгуен Фу Чонг ба Президенти Ҷумҳурии Тоҷикистон

20.10.2020 17:56, шаҳри Душанбе

Ба муносибати аз нав интихоб гардидан ба маснади олии Президенти Ҷумҳурии Тоҷикистон ба унвони Асосгузори сулҳу ваҳдати миллӣ - Пешвои миллат, Ҷаноби Олӣ муҳтарам Эмомалӣ Раҳмон аз номи Президенти Ҷумҳурии Сербия Ҷаноби Олӣ Александр Вучич ва Президенти Ҷумҳурии Сотсиалистии Ветнам Ҷаноби Олӣ Нгуен Фу Чонг барқияҳои табрикӣ ворид гардиданд.

Дар номаи табрикотии Президенти Сербия, аз ҷумла омадааст:

«Ҷаноби Олӣ,

Аз номи шаҳрвандони Ҷумҳурии Сербия ва шахсан аз номи худам Шуморо ба муносибати аз нав ба маснади Президенти Ҷумҳурии Тоҷикистон интихоб шуданатон бо беҳтарин таманниёти баҳри рифоҳи кишваратон ва ҳамаи шаҳрвандони он идома додани ин вазифаи сермасъул самимона табрик менамоям. Мутмаинам, ки саҳми шахсии Шумо дар муносиботи дӯстона ва ҳамкории байни Сербияву Тоҷикистон ба беҳтар намудани робитаҳоямон дар тамоми соҳаҳои барои ҷонибҳо судовар, мусоидат хоҳад кард».

“АНВОРИ ДОНИШ” ФАРОГИРИ ПАЖӮҲИШҲОИ ПУРАРЗИШ

“Анвори дониш” – чунин ном дорад маҷмӯаи илмии кафедраи забони тоҷикии Донишгоҳи давлатии  омӯзгории Тоҷикистон ба номи С. Айнӣ. Мақолаҳои олимон Нӯъмонҷон Ғаффорӣ “Тасвири образи модар дар эҷодиёти Лоиқ Шералӣ”, Саидмуроди Хоҷазод ва Абдурашид Ализода “Тасвири рӯҳи замон, аҳволи мардуми ҳунарвар ва тарғиби ҳунарҳои мардумӣ дар “Шаҳрошӯб”- и Сайидои Насафӣ”, Восиева Рухшона ва Тоҷиева Фурӯғ “Образи занони мубориз дар романи паҳлавонии “Доробнома”- и Абӯтоҳири Тарсусӣ”, Нуралӣ Нуров ва Хусрав Зокиров “Пешвои миллат ва шинохти ҷаҳони ботинии инсон дар афкори Мавлоно”, Валиев Ҷамшед “Забони адабӣ ва рисолати давлатии он”, Равшани Ҳамроҳ “Тафсири даҳ ғазали шайх Камоли Хуҷандӣ” ва ғ. дар партави Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон масъалаҳои марбут ба масоили забоншиносӣ ва адабиётшиносиро мавриди пажӯҳиш қарор додаанд.

ТАНТАНАИ МЕҲРГОН ДАР ДОНИШГОҲ

Имрӯз дар майдончаи варзишии ДДОТ ба номи Садриддин Айнӣ ҷашни Меҳргон аз ҷониби раёсати донишгоҳ бо як шукӯҳу шаҳомати хоса таҷлил карда шуд. Ҷашни Меҳргон бо садо додани суруди миллии Ҷумҳурии Тоҷикистон оғоз гардида, дар он ректори донишгоҳ Ғаффорӣ Нуъмонҷон Усмонзода бо аъзоёни ҳакамон аз намоиши маҳсулотҳои омоданамудаи факултетҳои донишгоҳ дидан намуданд. Ректори донишгоҳ профессор Ғаффорӣ Нуъмонҷон Усмонзода  зимни суханронӣ тамоми омӯзгорону кормандон ва донишҷӯёни донишгоҳро бо фарорасии ин иди миллӣ табрику таҳният хонданд. Ҳамчунин ба дастархони омоданамудаи факултетҳои донишгоҳ баҳои баланд дода, миннатдории раёсати ДДОТ ба номи С.Айниро ба онҳо расониданд.