Сатр-сатри дафтараш, эъҷози меҳр...

Боз як дастоварди дигари илмӣ насиби устоди кафедраи педагогикаи умумӣ Аҳадов Зайниддин Нажмиддинович, ҳамзамон, сармутахассиси шуъбаи идоракунии сифати таҳсилот ва назорати электронии донишгоҳ гардид.

Аҳадов Зайниддин Нажмиддинович, соли 1988 факултети филологияи тоҷики институти педагогии шаҳри Душанбе ба номи Т. Г. Шевченко (ҳоло ДДОТ ба номи Садриддин Айнӣ)-ро хатм намудааст ва тадқиқоти илмиашро дар мавзӯи «Асосҳои дидактикии роҳ ва воситаҳои фаъолгардонӣ дар раванди омӯзиши хонандагони муассисаҳои таҳсилоти ҳамагонӣ» ба роҳ мондаву рисолаи илмии хешро сарбаландона ҳимоя намудааст.

Шарҳи Қарори Ҳукумати Ҷумҳурии Тоҷикистон

31.08.2020 19:47, шаҳри Душанбе

Бо мақсади баланд бардоштани сатҳу сифати зиндагии аҳолӣ ва амалӣ гардонидани сиёсати иҷтимоии давлат Фармони Президенти Ҷумҳурии Тоҷикистон «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия» аз 4 августи соли 2020, №1580 ба тасвиб расид.

Ҷиҳати татбиқи фармони мазкур Қарори Ҳукумати Ҷумҳурии Тоҷикистон «Дар бораи тадбирҳои амалишавии Фармони Президенти Ҷумҳурии Тоҷикистон» аз 4 августи соли 2020, №1580 «Дар бораи тадбирҳои тақвият бахшидани сатҳи ҳифзи иҷтимоии аҳолӣ ва зиёд намудани маоши амалкунандаи вазифавии хизматчиёни давлатӣ, кормандони муассисаю ташкилотҳои буҷетӣ, андозаи нафақа ва стипендия» қабул гардид.

Сафар бар олами маънӣ муборак!

Наҷмиддинович Абдуғаффор Мирзоевич, тӯли солҳои зиёд аст, ки дар донишгоҳ аз зинаи омӯзгорӣ то зинаҳои дигари фаъолиятҳои гуногуни таълимӣ кору фаъолият кардааст. Бояд зикр кард, ки ӯ дастпарварди устодони пуртаҷрибаи факултети математикаи ҳамин донишгоҳ мебошад. Дар раванди фаъолияти илмиву таълимии худ бо кӯшишҳо ва заҳматҳои эҷодкории худ рисолаи илмии хешро дар мавзӯи “Особенности формирования управленческой компетентности магистров педагогичесого образования” чанде пеш ҳимоя намуда буд. Дирӯз санаи 27.08.2020, Наҷмиддинович Абдуғаффор Мирзоевич, дипломи дараҷаи илмии “Номзади илмҳои педагогӣ”-ро ба даст овард.

Сано бодо, ба занҳое, ки марданд!

28 август дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истиқболи 29 - солагии Истиқлоли давлатии Ҷумҳурии Тоҷикистон ба намояндагони касбу кори гуногун, ки дар фаъолияти корӣ натиҷаҳои назаррас доранд, мукофотҳои давлатӣ ва унвону ҷоизаҳои давлатӣ супориданд, ки яке аз ин нафарон мудири кафедраи иктисодиет ва идоракунии факултети иқтисодиёт бонуи хушбаён, хушзеҳну пурмаҳсул, масъулиятшиносу некном ва омӯзгори асил Ҷонона Ғаффорзода мебошад.

Маросими супоридани мукофотҳои давлатӣ

28.08.2020 11:36, шаҳри Душанбе

28 август дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба истиқболи 29 - солагии Истиқлоли давлатии Ҷумҳурии Тоҷикистон ба намояндагони касбу кори гуногун, ки дар фаъолияти корӣ натиҷаҳои назаррас доранд, мукофотҳои давлатӣ ва унвону ҷоизаҳои давлатӣ супориданд.

Қабл аз оғози маросими супоридани мукофотҳои давлатӣ Президенти Ҷумҳурии Тоҷикистон муҳтарам Эмомалӣ Раҳмон ҳозиринро ба муносибати фарорасии ҷашни 29-солагии Истиқлоли давлатии Ҷумҳурии Тоҷикистон самимона шодбош гуфта, изҳор доштанд, ки фаъолияти пурсамар ва содиқонаи фарзандони бонангу номуси миллат, заҳмати созандаву бунёдкоронае, ки ба нафъи ободиву пешрафти Ватани маҳбубамон равона шудааст, аз ҷониби давлат ҳамеша қадрдонӣ карда мешавад.

ДАРЕҒО, ГУЛНАЗАР ҲАМ АЗ НАЗАР РАФТ!

Дар факултет филологияи тоҷик бо ибтикори садорати факултет ва кафедраҳои он ёдбуди Шоири халқии Тоҷикистон, муаллифи Суруди миллӣ Гулназар Келдӣ бо иштироки омӯзгорону донишҷӯён баргузор гардид.

Пас аз садо додани Суруди миллӣ сараввал декани факултет, Восиева Рухшона доир ба ҳаёту фаъолият, мақому шахсият, муҳимияти нақши эҷодии ин абармади таърихӣ баромад намуда, зикр кард, ки шоирони шаҳире чун Мирзо Турсунзода, Боқӣ Раҳимзода, Бозор Собир, Лоиқ Шералӣ, Гулназар Келдӣ ва дигарон, ки тамоми умри пурбаракати худро фидои миллату давлат намудаанд, қарзи виҷдонӣ ва инсонии мо мебошад ва месазад, ки баҳри поси хотири эшон нишасту маҳфилҳо ташкил намуд, аммо чӣ тавон кард, ки ба қавли Саъдии бузург: “Як Умри ҳазорсола бояд, То ман яке аз ҳазор гӯям”, зеро маҳз  ҷонкоҳиҳои ин суханварон буд, ки ғунчаи сухану маънӣ дар чамани ҳар даҳан шукуфт. Ҳамчунин, декани факултети мазкур иловатан зикр намуд,  ки шоири маҳбуби мо Гулназар Келдӣ дар миёни дигар адибони муосир барои эҷод, бандубасти ба мавқеи суруди миллӣ машҳури ҷаҳон гардидааст.

АЗ САНГ НОЛА ХЕЗАД, РӮЗИ ВИДОИ ЁРОН…

Аз ҷониби омӯзгорони кафедраи  назария ва методикаи тарбияи мусиқӣ-бадеии факултети таҳсилоти томактабӣ ва ибтидоӣ ба хотири гиромидошти сарояндаи мумтоз, оҳангсози суннатӣ, Ҳунарпешаи шоистаи Ҷумҳурии Тоҷикистон Ҷамшед Исмоилов , ки санаи 16 август дар синни 64-солагӣ аз олам даргузашт маҳфили ёдбудӣ зери унвони “Навҳа мекашад чун ман, абри осмон бе ту”  доир гардид. Дар маҳфил устодону донишҷӯёни факултет иштирок намуданд. Маврид ба зикр аст, ки Ҷамшед Исмоилов 30 августи соли 1956 дар шаҳри Кӯлоб таваллуд шуда, баъди хатми мактаби миёна соли 1973 ба Донишкадаи давлатии фарҳанг ва санъати Тоҷикистон ба номи Мирзо Турсунзода дар шаҳри Душанбе дохил шудааст.

Табиби ман ба ғайр аз ман касе нест...

“Рӯзи дониш-дарси сулҳ”, тибқи қарори мушовараи Вазорати маориф ва илми Ҷумҳурии Тоҷикистон санаи 17-уми августи соли ҷорӣ дар Донишгоҳи давлатии омӯзгории Тоҷикистон ба номи Садриддин Айнӣ оғоз гардида буд. Агар дар рӯзҳои аввали таҳсил мушкилоти риоя накардани талаботи ниқобпӯшиву нигаҳдории фосилаи байниҳамдигарӣ ба назар расида бошад ҳам, ислоҳи ин камбудӣ ба хусус бо ташаббуси ректори донишгоҳ, муовинони ректор, раёсати таълим ва садорати факултетҳо, муовинони декан оид ба тарбия, кураторони гурӯҳҳову навбатдорони муваззафгардида, бо ташкил намудани корҳои фаҳмондадиҳӣ аз ҷониби масъулин зина ба зина бартараф шуда истодааст.