ТАҶЛИЛ АЗ РӮЗИ ПАРЧАМИ ДАВЛАТӢ ДАР ДОНИШГОҲ

Санаи 22-юми ноябр дар толори калони бинои асосии донишгоҳ маҷлиси тантанавӣ ва чорабинии фарҳангӣ-фароғатӣ ба ифтихори Рӯзи Парчами давлатии  Ҷумҳурии Тоҷикистон бо ширкати васеи устодону донишҷӯён баргузор гардид. Чорабиниро муовини ректор оид ба корҳои таълимӣ Саъдӣ Қосимов ифтитоҳ бахшида, ҳозиринро ба муносибати Рӯзи Парчами давлатӣ ҳамчун яке аз муқаддасоти кишвар таҳният гуфт.

Конфронси олимони ҷавон оид ба пешгирии терроризм ва экстремизм

Терроризму экстремизм ҳамчун зуҳуроти номатлуб ва даҳшатбор дар замони муосир ба яке аз мушкилоти глобалӣ ва фарогир табдил ёфта, рӯ овардан ба илму дониш, баланд бардоштани маърифати ҳуқуқӣ ва тарбияи ҷавонон дар рӯҳияи худогоҳиву худшиносии миллӣ аз роҳҳои муассири пешгирии шомилшавии ҷавонон ба ҳизбу ҳаракатҳои террористию экстремистӣ маънидод карда мешавад, - зикр гардид дар конфронси ҷумҳуриявии олимони ҷавон, ки санаи 22-юми ноябр дар Донишгоҳи давлатии омӯзгории Тоҷикистон ба номи Садриддин Айнӣ баргузор шуд.

Маҳфили адабӣ: “Парчами нангу номи мо”

Санаи 22-уми ноябр бо ташаббуси кафедраи умумидонишгоҳии забони тоҷикӣ таҳти унвони “Парчами нангу номи мо” маҳфили адабӣ доир шуд. Маҳфилро мудири кафедра профессор Саидмуроди Хоҷазод ифтитоҳ намуда, роҷеъ ба таърихи пайдоиши парчам сухан кард.

Вохӯрӣ бо донишҷӯёни хобгоҳ оид ба масъалаҳои муҳими ҷомеа

Шуъбаи кор бо  ҷавонон ва кумитаи иттифоқи касабаи дониш ҷӯён дар ҳамкорӣ бо Раёсати  ҷавонон ва варзиши шаҳри Душанбе санаи 20-уми ноябр дар хобгоҳи № 8-и донишгоҳ, воқеъ дар ноҳияи Сино, бо дониш ҷӯён вохӯрии корӣ доир намуданд, ки дар он мудири бахши  ҷавонони шаҳри Душанбе М. Гулов, мудири бахши  ҷавонон ва варзиши ноҳияи Сино Д. Суфизода, мудири шуъбаи кор бо  ҷавонони донишгоҳ С. Қувватов, раиси кумитаи иттифоқи касабаи дониш ҷӯён Д. Раҷабов, сармутахассиси шуъбаи кор бо  ҷавонони донишгоҳ Д. Каримов ва истиқоматкунандагону масъулини хобгоҳ иштирок доштанд.

Ғолибони чорабиниҳои варзишӣ қадрдонӣ гардиданд

Ба ифтихори Рӯзи Президенти Ҷумҳурии Тоҷикистон, Иҷлосияи XVI  Шӯрои Олӣ ва мавриди баҳрабардорӣ қарор гирифтани чархаи аввалини НБО «Роғун» дар донишгоҳ як қатор чорабиниҳои варзишӣ карда шуда, ҷамъбаст гардид. Чунончи, миёни донишҷӯписарони ҳамаи факултетҳои донишгоҳ мусобиқаи футболи хурд ва дар доираи нақша-чорабиниҳои Рӯзи Парчами давлатӣ бошад, миёни донишҷӯдухтарони ҳамаи факултетҳо мусобиқаи волейбол баргузор гашт.

ТАҶЛИЛИ РӮЗИ ПРЕЗИДЕНТ ДАР ТЕАТРИ ҶАВОНОН

Ба муносибати Рӯзи Президенти Ҷумҳурии Тоҷикистон, ки ҳамасола 16-уми ноябр дар кишвар ҷашн гирифта мешавад, дар Театри академӣ-драмавии ҷавонон ба номи Маҳмудҷон Воҳидов бо ширкати омӯзгорону донишҷӯёни Донишгоҳи давлатии омӯзгории Тоҷикистон ба номи Садриддин Айнӣ чорабинии фарҳангӣ-фароғатӣ баргузор гардид. Дар чорабинии мазкур ҳамчунин меҳмонон аз Вазорати маориф ва илм, Иттифоқи нависандагони Тоҷикистон ва Кумитаи кор бо занон ва оилаи назди Ҳукумати Ҷумҳурии Тоҷикистон ширкат варзиданд.

Муаррифии барномаи компютерии инноватсионӣ дар факултети математика

Санаи 20-уми ноябр дар факултети математика дарси кушоди таҷрибавӣ баргузор гардид, ки мақсади ташкилу баргузории он намоиши дастовардҳо ва барномаҳои компютерии коркардшудаи омӯзгорони кафедраи ТИК буд. Дар рафти дарси кушод ба донишҷӯён оид ба барномаи компютерии “Кори санҷишӣ аз фанни алгебра оиди ҳалли системаи муодилаҳои хаттии дуномаълума” маълумот дода шуд.

Ҳар ки хандонад ятими хастаро...

Ба муносибати Рӯзи Президенти Ҷумҳурии Тоҷикистон ва ба истифода додани агрегати якуми НБО “Роғун” як гурӯҳ донишҷӯёни факултетҳои география, забон ва адабиёти рус, психология ва таҳсилоти фарогир ва намояндаи шуъбаи фарҳанг санаи 16-уми ноябр таҳти роҳбарии раиси шӯрои кураторони донишгоҳ Г.Баротова ва муовини декан оид ба корҳои тарбиявии факултети география М.Ҳайдаров ба Хона-интернати кӯдакони ятиму бепарастори № 1-и шаҳри Душанбе ташриф оварданд.