ПАЁМИ ТАБРИКОТИИ ПРЕЗИДЕНТИ ҶУМҲУРИИ ТОҶИКИСТОН, ПЕШВОИ МИЛЛАТ, МУХТАРАМ ЭМОМАЛӢ РАҲМОН БА МУНОСИБАТИ РӮЗИ ЗАБОНИ ДАВЛАТӢ

Ҳамватанони азиз!

Ҳамаи шуморо ба ифтихори Рӯзи забони давлатӣ, ки яке аз рукнҳои асосии давлатдории навини мо мебошад, самимона табрик мегӯям.

Забони миллӣ мисли шаҳсутун бинои маънавии давлатро побарҷо нигоҳ дошта, маърифату фарҳанг, ахлоқу одоб, бинишу афкори миллатро чун ойина дар худ инъикос мекунад.

Ин аст, ки забони тоҷикӣ асоси ҳувияту худшиносии миллии мо ба шумор рафта, барои ҳар фарди тоҷик азизу муътабар мебошад, зеро танҳо ба василаи забони миллӣ метавон ҳофизаи таърихиву фарҳангиро пос дошта, пайванди хешро бо адабиёту фарҳанг ва илму дониши дар тӯли ҳазорсолаҳо офаридаи халқамон эҳсос намуд.

БЕҲТАРИН ҶАВОНДУХТАРИ ҲУНАРМАНДИ СОЛ МУАЙЯН ШУД

Бо ташаббуси қисми тарбияи Донишгоҳи давлатии омӯзгории Тоҷикистон ба номи Садриддин Айнӣ  бахшида ба «Соли рушди сайёҳӣ ва ҳунарҳои мардумӣ» миёни донишҷўдухтарони факултетҳои донишгоҳ озмуни ҷумҳуриявии «Ҷавондухтари ҳунарманди сол» баргузор гашт, ки аз ҳар як факултет як нафар донишҷўдухтар иштирок карданд. Озмун аз панҷ шарт иборат буд, ки ҳар як шарт то панҷ дақиқа иҷро карда шуд. Дар охир беҳтаринҳо муайян гардиданд ва ҷойи якум насиби донишҷўи факултети филологияи тоҷик Убайдуллозода Нодира шуда, ӯ инчунин барои иштирок ба даври ҷумҳуриявӣ роҳхат гирифт. Сазовори ҷойи дуюм донишҷўи факултети математика Ҳоҷиева Мадина ва ифтихорманди ҷои сеюм донишҷўёни факултетҳои физика Давлатзода Меҳрона ва забон ва адабиёти рус Муқумова Мавлуда гардиданд.

ТРЕНИНГИ ОМӮЗИШИИ СОҲИБКОРОНИ ҶАВОН

Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо шуъбаи кор бо ҷавонони ДДОТ ба номи Садриддин Айнӣ аз санаи 27-ум то 29-уми сентябри соли 2018 тренинги омӯзиширо барои ҷавонон дар мавзӯи «Омӯзиши фаъолияти соҳибкорӣ: Қадам ба қадам» миёни донишҷӯёни донишгоҳҳои омӯзгорӣ, техникӣ ва технологии пойтахт, донишкадаи забонҳо ва Донишкадаи идоракунии давлатии назди Президенти Ҷумҳурии Тоҷикистон дар толори бинои асосии донишгоҳ баргузор намуд. Пас аз анҷоми тренинги омӯзишӣ ба иштирокчиён сертификат тақдим карда шуд.

Оғози Ҷаласаи Шӯрои сарони давлатҳои аъзои Иттиҳоди Давлатҳои Мустақил

Ҷаласаи Шӯрои сарони давлатҳои аъзои Иттиҳоди Давлатҳои Мустақил

Шоми дӯстӣ бо иштироки сарони давлатҳои иштирокдори ҷаласаи Шӯрои Сарони давлатҳои узви ИДМ

ТАРБИЯИ НАСЛИ  ФАЪОЛУ ЭҶОДКОР

Мусаллам аст, ки маориф дар ҳаёти ҷомеа нақши муассир ва тақдирсоз дорад. Ҳамаи соҳаҳои ҳаёти сиёсӣ, иқтисодиёту иҷтимоиёт, фарҳангу адабиёт, пеш аз ҳама, бар асоси мактабу маориф инкишоф меёбанд.  Аз ин рӯ, маориф муҳимтарин воситаи тараққиёти  ҷомеа ва рушди маърифату ташаккули инсон  аст.  Дар заминаи муносибатҳои нави ҷамъиятӣ ояндаи давлат ба таваҷҷуҳ ва иродаи сиёсии он ба маориф  пайвандии ногусастанӣ  дорад.

ТАҶЛИЛИ РӮЗИ РӮДАКӢ ДАР ДОНИШГОҲ

Санаи 22-юми сентябри соли ҷорӣ дар толори Шӯрои олимони донишгоҳ ба муносибати ёдбуди сардафтари адабиёти классикии форсу тоҷик устод Абӯабдуллоҳ Рӯдакӣ ва таҷлил аз Рӯзи Рӯдакӣ мизи мудаввар таҳти унвони “Ҳусни сухани Рӯдакӣ” доир гардид. Дар чорабинии мазкур намояндагони Раёсати донишгоҳ ва устодону омӯзгорони факултети филологияи тоҷик ширкат варзиданд.

Чорабинӣ бахшида ба бузургдошти устод Рӯдакӣ

Бахшида ба бузургдошти Рӯзи Рӯдакӣ дар таърихи 22-юми сентябри соли ҷорӣ бо ибтикори кафедраи забон ва адабиёти тоҷик дар факултети таҳсилоти томактабӣ ва ибтидоӣ конфронси илмӣ-амалӣ дар мавзӯи “Рӯдакӣ – асосгузори адабиёти классикии тоҷику форс” баргузор гардид.