• Tajik
  • Russian
  • English
Нуктаҳо аз Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон: Бо мақсади вусъат бахшидан ба ҳалли масъалаҳои зикршуда ва бо дарназардошти зарурати инкишофи инфрасохтори деҳот пешниҳод менамоям, ки солҳои 2019-2021 “Солҳои рушди деҳот, сайёҳӣ ва ҳунарҳои мардумӣ» эълон карда шаванд. /// Мо ислоҳоти низоми ҳамаи зинаҳои таҳсилро минбаъд низ давом дода, усулҳои фаъоли таълимро ҷорӣ мекунем ва ба сатҳу сифати таълим эътибори аввалиндараҷа медиҳем. /// Дар соҳаи маориф ду проблемаи асосии ҳалталаб вуҷуд дорад. Якум, норасоии кадрҳои соҳибкасби омӯзгорӣ ва дуюм, баланд бардоштани сатҳу сифати таълим дар тамоми муассисаҳои таҳсилоти кишвар. ///Мо заҳмати устодону омӯзгоронро ҳамеша баланд арзёбӣ мекунем ва ғамхориро дар ҳаққи онҳое, ки дар ин соҳа хизматҳои шоиста кардаанд, идома медиҳем. ///Агар омӯзгор сатҳи баланди касбият надошта бошад, мо ҳеҷ гоҳ ва бо ягон восита сифати таълиму тарбияро беҳтар карда наметавонем.

31-солагии Истиқлолият

ДАРСИ ВИДЕОӢ

ДОВТАЛАБ

МАВОДИ ТАҲЛИЛӢ

МУҚАДДАСОТИ МИЛЛӢ
No images



Thursday, 29 December 2022 03:41
There are no translations available.

ДАВРАИ  ҶАМЪБАСТИ КУРСҲОИ ЗАБОНОМӮЗИИ ОМӮЗГОРОН

Маркази такмили ихтисос ва бозомӯзии кадрҳои Донишгоҳи давлатии омӯзгории Тоҷикистон ба номи Садриддин Айнӣ бо мақсади иҷроиши дастуру супоришҳои ректори донишгоҳ ҷиҳати татбиқи “Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030” курсҳои омӯзишии семоҳаи забони русӣ ва англисиро барои устодон ва кормандони донишгоҳ, ки тибқи ҷадвали баргузорӣ аз 5 октябри соли 2022 роҳандозӣ гардида буд, ҷамъбаст намуд.Дар фарҷоми курс сардори раёсати илм ва инноватсия Идиев С., сардори маркази такмили ихтисос ва бозомӯзии кадрҳо Азимов М. бо иштироки омӯзгорони фаннӣ ҷиҳати арзёбии натиҷаҳои таълим бо шунавандагони курс санҷишу имтиҳонҳо ташкил намуданд. Дар рафти имтиҳон асосан дар атрофи мавзуъҳои зерин: Тоҷикистон ватани азизи ман; Душанбе - пойтахти Тоҷикистон; таърихи таъсисёбии донишгоҳ; тарҷумаи ҳол ва дигар масъалаҳои муҳим суолу пурсишҳо анҷом ёфтанд.

 
Thursday, 29 December 2022 03:18
There are no translations available.

НАМОЯНДАИ ДОНИШГОҲИ ОМӮЗГОРӢ – ҒОЛИБИ ОЗМУН

Чӣ тавре, ки иттилоъ дода шуд, дар таърихи 24 декабри соли  2022  бо ибтикори Донишкадаи Конфутсий, ки дар  назди Донишгоҳи миллии Тоҷикистон амал мекунад, дар  байни омӯзгорони забони чинии муассисаҳои таҳсилоти олии касбии Ҷумҳурии Тоҷикистон озмуни "Муаллими сол"баргузор гардид. Боиси хушнудист, ки омӯзгори кафедраи  забонҳои Шарқи факултети забони англисӣ ва забонҳои Шарқи  Донишгоҳи давлатии омӯзгории Тоҷикистон ба номи Садриддин Айнӣ Шаҳзодаи Маҳмадлатиф дар  озмуни мазкур  ширкат варзида,  мақоми  аввалро  ишғол намуд. Боиси ифтихор аст, ки дар соли 2022 намояндагони донишгоҳи омӯзгории пойтахт дар аксар озмунҳои сатҳи баланд иштирок намуда, сазовори ҷойҳои ифтихорӣ гардиданд.

 
Wednesday, 28 December 2022 11:07
There are no translations available.

ИҚДОМИ НАВБАТИИ  РЕКТОРИ ДОНИШГОҲ

Дар таърихи 28 декабри соли 2022 дар Донишгоҳи давлатии омӯзгории Тоҷикистон ба номи Садриддин Айнӣ бахшида ба пешвози Соли нави мелодии 2023  чорабинии идона ҳамроҳ бо барномаи фарҳангӣ баргузор гардид. Чорабинии мазкурро  Айнулозода Наҳтулло, муовини якум, муовини ректор оид ба корҳои таълим ифтитоҳ намуда, паёми табрикотии ректори Донишгоҳ, муҳтарам  Ибодуллозода Аҳлиддинро ба самъи ҳозирин расонид. Ӯ аз ҷумла зикр кард, ки ятимону бепарасторон ва нафарони имконияташон маҳдуд дар партави сиёсати ятимпарваронаи Пешвои муаззами миллат бояд ҳаргиз худро яккаву танҳо ҳис накунанд ва онҳо мебояд дар фазои сулҳу оромӣ, бо истифода аз шароиту имконоти мавҷуда таҳсил намуда, бо маърифати баланди инсонӣ баҳри ояндаи дурахшони Ватан хизмат намоянд. Бо ҳамин назардошт ректори донишгоҳ тасмим гирифтанд, ки намояндагони ин қишри ҷомеаро, ки дар донишгоҳ таҳсил менамоянд, аз нигоҳи молиявӣ ва бо туҳфаи солинавӣ руҳбаланд намоянд. Дар чорабинӣ инчунин Назарзода Нигора, муовини ректор оид ба корҳои тарбия, садорати факултетҳо, як қатор роҳбарони сохторҳо ва дар ин баробар 60 нафар донишҷӯён, ки ятимону нафарони дорои нуқсонҳои ҷисмонӣ мебошанд, иштирок доштанд.

 
Tuesday, 27 December 2022 05:11
There are no translations available.

МАСЪАЛАҲОИ НАЗАРИЯВӢ ВА АМАЛИИ МУНОСИБАТИ БОСАЛОҲИЯТ БА ТАЪЛИМ

Дар таърихи 27 декабри соли 2022 бо ибтикори Раёсати Донишгоҳи давлатии омӯзгории Тоҷикистон ба номи Садриддин Айнӣ ва кафедраи методикаи таълими забон ва адабиёти факултети филологияи тоҷик конференсияи илмӣ - методии ҷумҳуриявӣ дар мавзӯи “Масъалаҳои назариявӣ ва амалии муносибати босалоҳият ба таълим” баргузор гардид. Ҷаласаи ифтитоҳии конференсияро муовини ректор оид ба корҳои таълимӣ Айнулозода Наҳтулло оғоз намуда, сухани ифтитоҳии ректори донишгоҳ, профессор Аҳлиддин Ибодуллозода Аҳлиддинро ба самъи ҳозирин расонд. Сипас, мудири кафедраи методикаи таълими забон ва адабиёт, профессор Шарифмурод Исрофилниё дар мавзӯи “Принсипҳои асосии муносибати босалоҳият дар таълими адабиёт”, сарходими АТТ, номзади илмҳои филологӣ Азим Байзоев дар мавзӯи “Методикаи таълими босалоҳияти алифбои тоҷикӣ барои хориҷиён” ва мудири шуъбаи назария ва таърихи педагогикаи АТТ, доктори илмҳои педагогӣ Файз Гулматов дар мавзӯи “Андешаҳо перомуни ҷорӣ намудани муносибати босалоҳият ба ба таълим ба мазмуни таҳсилот” маърӯзаҳои хешро ироа  карданд.

 
Monday, 26 December 2022 10:26
There are no translations available.

ҲАМОИШИ ИЛМӢ ҶИҲАТИ ТАҲЛИЛИ НУКТАҲОИ ПАЁМ

Дар таърихи 26 декабри соли 2022 дар Донишгоҳи давлатии омӯзгории Тоҷикистон ба номи Садриддин Айнӣ  ҷиҳати таҳлили нуктаҳои асосии Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти унвони  «Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барномаи мукаммали илмӣ, таҳлилӣ ва бунёдии ояндасоз» ҳамоиши илмӣ баргузор гардид. Ҷамъомадро муовини ректор оид ба корҳои илмӣ, профессор Сангинзод Д.Ш. ифтитоҳ намуда, зикр кард, ки барномаи маҳфили мазкур бо ташаббуси ректори донишгоҳ, профессор Ибодуллозода А.И. таҳия гардидааст. Дар навбати нахуст Сангинзод Д.Ш. дар мавзӯи “Мавқеъ ва нақши Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди қонунгузории Ҷумҳурии Тоҷикистон ва таҳкими сиёсати ҳуқуқии мамлакат”, сипас устодон Зикирзода Ҳ. дар мавзӯи “Рушди соҳаи маориф – масъалаи калидии Паёми Пешвои миллат”, Рауфов Р. дар мавзӯи “Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ташаббускори пешгирии мушкилоти тағирёбии глобалии иқлим ва истифодаи оқилонаи захираҳои обӣ”, Аюбов Д. дар мавзӯи “Таҳлили ҷанбаҳои иқтисодии нуктаҳои Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон” ва Назаров Д.,номзади илмҳои ҳуқуқшиносӣ, устоди кафераи ҳуқуқ таҳти унвони Масъалаи робитаҳои фаъол ва рушду таҳкими маҷмӯи муносибатҳои бъайналмилалӣ дар Паёми навбатии Пешвои миллат, муҳтарам Эмомалӣ Раҳмон” маърӯзаҳои хешро ироа  карданд.

 
Monday, 26 December 2022 09:37
There are no translations available.

ИШТИРОКИ ФАЪОЛИ УСТОДОНУ ДОНИШҶӮЁН ДАР ИНТИХОБОТ
Субҳи имрӯз, 25-уми декабри соли равон устодону донишҷӯёни Донишгоҳи давлатии омӯзгории Тоҷикистон ба номи Садриддин Айнӣ, ки дар қайди участкаи интихоботии №12-и ҳавзаи интихоботии №19- ноҳияи Исмоили Сомонӣ мебошанд, ба участкаи мазкур ҳозир шуда, ба номзади арзандаи хеш овоз доданд.
Ба шахсоне, ки бори аввал дар интихобот ширкат мекунанд ва инчунин ба ашхоси аз ҳама аввал ба участка ҳозиршуда аз ҷониби комиссияи интихобот тӯҳфа супорида шуд.
Маврид ба зикр аст, ки интихобот то соати 20:00 бегоҳии имрӯз идома меёбад.
 
Saturday, 24 December 2022 10:06
There are no translations available.

ҚАБУЛИ ШАҲРВАНДОН – АМРИ МАЪМУЛӢ

Дар таърихи 24 декабри соли 2022  ректори Донишгоҳи давлатии омӯзгории Тоҷикистон ба номи Садриддин Айнӣ, профессор Аҳлиддин Ибодуллозода тибқи ҷадвали муқарраргардида  қабули шаҳрвандонро  ба роҳ монда, вобаста ба муроҷиати онҳо арзу дархосташонро баррасӣ намуд. Лозим ба зикр аст, ки муроҷиати  шаҳрвандон  аз тарафи роҳбари Донишгоҳ дар доираи  талаботи қонун ҷараён гирифта, аксари онҳо қонеъ карда шуданд.  Бештари дархосту муроҷиатҳо ба  барқарор шудани донишҷӯён  ва кам кардани маблағи шартнома  вобаста буданд ва  дар ҳамин маврид  супориши ректори донишгоҳ  ба андозаи аз 10 то 20 фисад кам кардани маблағи шартномаи он донишҷӯёне, ки 400 луғати серистеъмоли забонҳои русӣ ва англисиро бо иловаи ду ғазали муқарраршуда балад  буданд, ба инобат гирифта  шуд.

 


Page 6 of 276
free pokerfree poker

 


 

Full name: Tajik State Pedagogical University named after Sadriddin Aini.Address: 734003, Dushanbe City, 121, Rudaki Avenue.
Telephone: +992(37) 224-13-83
WWW: www.tgpu.tj E-mail: info@tgpu.tj

Мы в